Génesis 5
5
Qe tiyjil Adán
1 Crónicas 1.1-4
1Atzun jlu tu'jil tx'olb'ab'l kyi'j tiyjil Adán.
Tej tkub' tb'incha'n Dios xjal, kub' tb'incha'n ik tza'nx te tilb'ilal; 2xinaq ex xu'j e kub' tb'incha'n ex e kub' tky'iwla'n. Xjal kyb'i ok tq'o'n tuj q'ij tej kykub' tb'incha'n.
3Otoq japun Adán twi' 130 ab'q'i tej tul itz'j jun tky'ajal ik tza'nx te ke'yin ex ik tza'nx te tilb'ilal. Set tb'i ok tq'o'n. 4Titz'jlenxi Set, anq'intl Adán wajxaq syenttl ab'q'i ex e ul itz'jtl tky'ajal ex tme'jel. 5Ten Adán twitz tx'otx' tu'n tkyaqil 930 ab'q'i ex kyim.
6Otoq japun Set twi' 105 ab'q'i tej tul itz'j Enós aju tky'ajal. 7Titz'jlenxi Enós, anq'intl Set 807 ab'q'i ex e ul itz'jtl tky'ajal ex tme'jel. 8Ten Set twitz tx'otx' tu'n tkyaqil 912 ab'q'i ex kyim. 9Otoq japun Enós twi' 90 ab'q'i tej tul itz'j Cainán aju tky'ajal. 10Titz'jlenxi Cainán, anq'intl Enós 815 ab'q'i ex e ul itz'jtl tky'ajal ex tme'jel. 11Ten Enós twitz tx'otx' tu'n tkyaqil 905 ab'q'i ex kyim.
12Otoq japun Cainán twi' 70 ab'q'i tej tul itz'j Mahalaleel aju tky'ajal. 13Titz'jlenxi Mahalaleel, anq'intl Cainán 840 ab'q'i ex e ul itz'jtl tky'ajal ex tme'jel. 14Ten Cainán twitz tx'otx' tu'n tkyaqil 910 ab'q'i ex kyim.
15Otoq japun Mahalaleel twi' 65 ab'q'i tej tul itz'j Jared aju tky'ajal. 16Titz'jlenxi Jared, anq'intl Mahalaleel 830 ab'q'i ex e ul itz'jtl tky'ajal ex tme'jel. 17Ten Mahalaleel twitz tx'otx' tu'n tkyaqil 895 ab'q'i ex kyim.
18Otoq japun Jared twi' 162 ab'q'i tej tul itz'j Enoc aju tky'ajal. 19Titz'jlenxi Enoc, anq'intl Jared wajxaq syenttl ab'q'i ex e ul itz'jtl tky'ajal ex tme'jel. 20Ten Jared twitz tx'otx' tu'n tkyaqil 962 ab'q'i ex kyim.
21Otoq japun Enoc twi' 65 ab'q'i tej tul itz'j Matusalén aju tky'ajal. 22Titz'jlenxi Matusalén, b'ettl Enoc tuk'il Dios ox syenttl ab'q'i ex e ul itz'jtl tky'ajal ex tme'jel. 23Ten Enoc twitz tx'otx' tu'n tkyaqil 365 ab'q'i. 24O b'et Enoc tuk'il Dios. At jun q'ij noq kub' naj tu'nju o tz'aj q'i'n tu'n Dios.
25Otoq japun Matusalén twi' 187 ab'q'i tej tul itz'j Lamec aju tky'ajal. 26Titz'jlenxi Lamec, anq'intl Matusalén 782 ab'q'i ex e ul itz'jtl tky'ajal ex tme'jel. 27Ten Matusalén twitz tx'otx' tu'n tkyaqil 969 ab'q'i ex kyim.
28Otoq japun Lamec twi' 182 ab'q'i tej tul itz'j jun tky'ajal. 29Noé#5.29 Tuj yol ebrey atzun in tma'n q'uqb'al k'ujb'aj, ex qa ojlabl. tb'i ok tq'o'n ex tma kyja': Tzaj tq'o'n Qman sentens tib'aj tx'otx'. Tu'ntzun jlu in qo aq'nan nimxix. Atzunte k'wa'l lu k'elel q'inte aq'untl qi'j, ex kqeb'el qk'u'j tu'n, chi Lamec. 30Titz'jlenxi Noé, anq'intl Lamec 595 ab'q'i, ex e ul itz'jtl tky'ajal ex tme'jel. 31Ten Lamec twitz tx'otx' tu'n tkyaqil 777 ab'q'i ex kyim.
32Otoq japun Noé twi' jwe' syent ab'q'i tej tul itz'j Sem, Cam ex Jafet, aqeju tky'ajal.
Nke Ahọpụtara Ugbu A:
Génesis 5: MAMNO
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.