Luk 3
3
A Gyɔɔn Bati Naŋ Moɔle A Yeezu Waabo Yɛlɛ
(Mat 3:1-12; Mak 1:1-8; Gyn 1:19-28)
1A Nakpoŋ Tiberiyo naaloŋ diibu yuomo pie ne anuu poɔ, a saŋ Ponsi Pilato naŋ da waa gɔbena a Gyudiya paaloŋ poɔ, ka Hɛrɔde da waa a Galili naa, kyɛ ka o yɔɔ Filipi di Itureya ane Terakoniti naaloŋ, ka Lisaniya meŋ waa Abilɛn naa, 2a saŋ Anaase ane Kayefa naŋ da e Naaŋmen bagmaalkare tutaa. A Saŋ ŋa poɔ la ka Naaŋmen yelbiri da wa Gyɔɔn, a Zakareya bidɔɔ zie a wɛgyɛŋ poɔ. 3A Gyɔɔn da yɔ la a Gyɔɔdan mane paaloŋ zaa, a moɔlɔ korɔ a noba ka ba leɛ ba eebo kyɛ de suobu a nyɛ yelbebe sudi, 4aŋa lɛ a Ŋmen-yelmanna Azaaya naŋ da sɛge a o gane poɔ:
“Neɛ kaŋ kɔkɔre ŋmeɛrɛ la kpɛlle a wɛgyɛŋ poɔ:
‘Nare a Daana sori,
maale O sobie ka a tori.
5Ba na e la ka foɔle zaa pa,
ka a tambilii ane a tambɛrɛ zaa tɛre,
kyɛ ka a sobi-gɔnne zaa dɛnne,
ka a sonyaara zaa soli;
6kyɛ ka a andonɛɛ zaa nyɛ a Naaŋmen faabo.’ ”
7A Gyɔɔn da yeli ko la a nembeɛoŋ naŋ da yi wa o zie ka o ko ba suobu, “Yɛnee dompane boorɔ ŋa! Nembuo la kpãã yɛ ka yɛ zo muri a Naaŋmen supuriyaaraa na naŋ waana? 8Yɛ wɔŋ wɔnveɛle naŋ na wuli ka yɛ sereŋ leɛ la yɛ eebo. Yɛ ta piili yele korɔ yɛmenne, ‘Aboraham la te sããkoma’; maa yele korɔ yɛ, Naaŋmen na toɔ̃ e la ka kubo ama leɛ biiri a ko Aboraham. 9Haali pampana ŋa, a lare tare la a teere seereŋ. Azuiŋ teɛ na zaa naŋ ba wɔnɔ wɔnveɛle, ba na kyɛ o la ŋmaa lɔɔ eŋ vũũ poɔ.”
10Ka a nembeɛoŋ da soore o, “Wola ka te pãã na e?” 11Ka o yeli sɔge ba, “Soba na zaa naŋ taa kparre ayi, a ferɛɛ la ka o iri kaŋ ko neɛ naŋ ba taa togitogi, ka a fere ka soba na zaa meŋ naŋ taa bondirii e a lɛ ne o zu.” 12Haali gba, zuyɔɔ-derebɛ mine meŋ da waɛ la ka ba de a suobu, a da wa soore a Gyɔɔn, “Wulwullo, wola ka a seŋ ka te e?” 13Ka o yeli ko ba, “Yɛ ta maŋ de a noba libie gaŋ lɛ a naŋ seŋ ka yɛ de.” 14Ka sogyɛre meŋ soore o, “Ka te meŋ, wola ka te na e?” Ka o yeli ko ba, “Yɛ ta de kpaŋkpaŋkpeɛ̃õ faa ne neɛ libie bee a ŋmaa zirii tuo neɛ, kyɛ yɛ vɛŋ ka yɛ san-yɔɔ maŋ seŋ yɛ.”
15A noba naŋ da taa teɛretɔroo,#3:15 Teɛretɔroo: A Dagaaba mine maŋ yeli ka ‘Kyelloo’. kyɛ da ŋmeɛrɛ ba gyɛŋ poɔ a soorɔ ka a Gyɔɔn mɔɔ ta wa la a Mɛzaaya,#3:15 Mɛzaaya: A Mɛzaaya tɛgɛ la a ‘Kirista.’ 16a Gyɔɔn da yeli sɔge la ba zaa, “N korɔ yɛ la suobu ne koɔ̃, kyɛ neɛ kaŋ naŋ taa kpeɛ̃õ gaŋ ma waana la; N gba ba seŋ ne O nɔɔteɛ mie loruu. O na ko yɛ la suobu ne a Vooroŋ Soŋ ane vũũ. 17A O kayeɛl-ŋmane be la O nu poɔ, ka O na yeɛle O kyi a wuo eŋ bugo poɔ, kyɛ gbaale a ka-uri lantaa a nyege vũũ naŋ ba kpiire poɔ.”
18A Gyɔɔn da wuli la a noba a Ŋmen-yelnoore a o kannoo poɔ. 19Kyɛ o da nyare la a naa Hɛrɔde zu, o naŋ da de o yɔɔ Filipi pɔge Hɛrɔdeya zuiŋ ane a yelfaare na zaa o naŋ da erɛ. 20A maaleŋ gaŋ lɛ, a Hɛrɔde da eɛɛ la ka ba nyɔge a Gyɔɔn pɔge nempagdie poɔ.
Yeezu Suobu Deebo
(Mat 3:13-17; Mak 1:9-11)
21A noba zaa naŋ da wa de a suobu baare, ka a Yeezu meŋ da wa de a suobu kyɛ puoro la ka a saluoni deɛ da yuo, 22ka a Vooroŋ Soŋ da sigi wa dɔɔ O zuŋ aŋa ŋmanee. Ka kɔkɔre kaŋ yi sazu a yele, “Fõõ la N Bidɔɔ, N Poyɛŋ Bie, fõõ la ka N poɔ pɛle ne.”
A Yeezu Sããkommine
(Mat 1:1-17)
23Yeezu da nyɛ la yuomo lezare ne pie, a saŋ O naŋ da piili O toma. O da waa la Yuzɛb bidɔɔ (lɛ ka noba da teɛre), ka Yuzɛb waa Heli bidɔɔ, 24ka Heli waa Maatate bidɔɔ, ka Maatate waa Levi bidɔɔ, ka Levi waa Mɛlki bidɔɔ, ka Mɛlki waa Gyanaɛ bidɔɔ, ka Gyanaɛ waa Yuzɛb bidɔɔ, 25ka Yuzɛb waa Matateɛse bidɔɔ, ka Matateɛse waa Emɔse bidɔɔ, ka Emɔse waa Nahum bidɔɔ, ka Nahum waa Esili bidɔɔ, ka Esili waa Nagayi bidɔɔ, 26ka Nagayi waa Maate bidɔɔ, ka Maate waa Matateɛse bidɔɔ, ka Matateɛse waa Simeyin bidɔɔ, ka Simeyin waa Yuzeke bidɔɔ, ka Yuzeke waa Gyoda bidɔɔ, 27ka Gyoda waa Gyoɔnane bidɔɔ, ka Gyoɔnane waa Urɛsa bidɔɔ, ka Urɛsa waa Zɛrubabɛl bidɔɔ, ka Zɛrubabɛl waa Saleteɛ bidɔɔ, ka Saleteɛ waa Neri bidɔɔ; 28ka Neri waa Mɛlki bidɔɔ, ka Mɛlki waa Addi bidɔɔ, ka Addi waa Kosam bidɔɔ, ka Kosam waa Elmadam bidɔɔ, ka Elmadam waa Ere bidɔɔ; 29ka Ere waa Gyosuwa bidɔɔ, ka Gyosuwa waa Eliyaza bidɔɔ, ka Eliyaza waa Gyorim bidɔɔ, ka Gyorim waa Maatate bidɔɔ, ka Maatate waa Levi bidɔɔ, 30ka Levi waa Simeon bidɔɔ, ka Simeon waa Gyuda bidɔɔ, ka Gyuda waa Yuzɛb bidɔɔ, ka Yuzɛb waa Gyonam bidɔɔ, ka Gyonam waa Eliyakim bidɔɔ, 31ka Eliyakim waa Melea bidɔɔ, ka Melea waa Menna bidɔɔ, ka Menna waa Maatata bidɔɔ, ka Maatata waa Natan bidɔɔ, ka Natan waa Davil bidɔɔ, 32ka Davil waa Gyɛse bidɔɔ, ka Gyɛse waa Obɛdi bidɔɔ, ka Obɛdi waa Boaze bidɔɔ, ka Boaze waa Sala bidɔɔ, ka Sala waa Nasɔn bidɔɔ, 33ka Nasɔn waa Aminadab bidɔɔ, ka Aminadab waa Admin bidɔɔ, ka Admin waa Areni bidɔɔ, ka Areni waa Hɛzeron bidɔɔ, ka Hɛzeron waa Pɛrɛze bidɔɔ, ka Pɛrɛze waa Gyuda bidɔɔ, 34ka Gyuda waa Gyekɔb bidɔɔ, ka Gyekɔb waa Aziki bidɔɔ, ka Aziki waa Aboraham bidɔɔ, ka Aboraham waa Tera bidɔɔ, ka Tera waa Nahɔ bidɔɔ, 35ka Nahɔ waa Sɛru bidɔɔ, ka Sɛru waa Urewu bidɔɔ, ka Urewu waa Pɛlɛge bidɔɔ, ka Pɛlɛge waa Eba bidɔɔ, ka Eba waa Sela bidɔɔ, 36ka Sela waa Kayena bidɔɔ, ka Kayena waa Afazad bidɔɔ, ka Afazad waa Sɛmm bidɔɔ, ka Sɛmm waa Nowa bidɔɔ, ka Nowa waa Lamɛke bidɔɔ, 37ka Lamɛke waa Mɛtusɛla bidɔɔ, ka Mɛtusɛla waa Enɔke bidɔɔ, ka Enɔke waa Gyarɛde bidɔɔ, ka Gyarɛde waa Mahalaleɛ bidɔɔ, ka Mahalaleɛ waa Kayena bidɔɔ, 38ka Kayena waa Enose bidɔɔ, ka Enose waa Sɛfe bidɔɔ, ka Sɛfe waa Adama bidɔɔ, ka Adama waa Naaŋmen bidɔɔ.
Nke Ahọpụtara Ugbu A:
Luk 3: DNTTP
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
First New Testament in Dagaare Language © The Bible Society of Ghana, 2013.