Piligu 36
36
Iso zuliya
(1 Yɛlikura 1.34-37)
1Iso ŋun nyɛ bɛ ni daa lan booni so Ɛdom la zuliya ni nyɛ shɛm m-bɔŋɔ: 2#Pil 26.34 Iso daa kpuɣila Keenan paɣiba. Bɛ yuya n-nyɛ: Ada ŋun daa nyɛ Ɛlɔn ŋun nyɛ Hiti nir’ bipuɣiŋga la mini Oholibama ŋun daa nyɛ Zibiɔn ŋun nyɛ Hivi nir’ bia Ana bipuɣiŋga la 3#Pil 28.9 ni Basɛmat ŋun daa nyɛ Ishimail bipuɣiŋga ka nyɛ Nɛbaiɔt tizɔpaɣ’ la. 4Ka Ada daa dɔɣi Ɛlifaz ti Iso; ka Basɛmat dɔɣi Riuɛl ti o; 5ka Oholibama mi dɔɣi Jɛushi mini Jalam ni Kɔra. Iso ni daa dɔɣi bidib’ shɛb’ Keenan tiŋgbɔŋ ni m-bala.
6Di saha ka Iso daa zaŋ o paɣiba min’ o bidibisi ni o bipuɣinsi ni o yiŋ’ niriba zaa ni o niɣi min’ o biŋkɔb’ shɛb’ bɛn pahi zaa ni o ni daa bo n-nya binshɛɣukam zaa Keenan tiŋgbɔŋ maa ni n-yiɣisi chaŋ ti ʒini tiŋgban’ shɛl’ ni ha ka chɛ o tizo Yaakubu. 7Dama bɛ ni daa mali binshɛŋa daa galisiya pam, ka di zuɣu chɛ ka bɛ ku tooi laɣim be luɣ’ yini. Bɛ niɣi zuɣu n-daa chɛ ka bɛ ni be luɣ’ shɛli maa bi saɣi ba. 8Dinzuɣu ka Iso daa chaŋ ti ʒini Ɛdom#36.8 ƐDOM: Hiburuli ni di nyɛla Siɛr. Ɛdom mini Siɛr nyɛla yim. zoya tiŋ’ ni. Iso ka bɛ lan booni Ɛdom la.
9Iso ŋun daa nyɛ Ɛdomnim’ bɛn daa be Siɛr zoya tiŋ’ maa ni yab’ la zuliya ni daa nyɛ shɛm m-bɔŋɔ. 10Iso bidibisi yuya m-bɔŋɔ: Ɛlifaz ŋun daa nyɛ Iso paɣ’ Ada bidibiga la mini Riuɛl ŋun daa nyɛ Iso paɣ’ Basɛmat bidibiga la. 11Ɛlifaz bidibisi n-daa nyɛ: Tɛman mini Omari ni Zɛfo ni Gatam ni Kɛnaz. 12Timna daa nyɛla Iso bia Ɛlifaz mam. Ŋuna n-daa dɔɣi Ɛlifaz bia Amalɛk. Iso paɣ’ Ada bihi n-daa bala. 13Riuɛl bidibisi n-daa nyɛ: Nahat mini Zɛra ni Shamma ni Miza. Iso paɣ’ Basɛmat bihi n-daa bala.
14Iso paɣ’ Oholibama ŋun daa nyɛ Zibiɔn bia Ana bipuɣiŋga la bidibisi n-daa nyɛ: Jɛushi mini Jalam ni Kɔra.
15Iso zuliya bɛn daa nyɛ nanima m-bɔŋɔ. Bɛ daa nyɛla Iso bituuli Ɛlifaz bidibisi. Bɛn daa nyɛ nanim’ maa n-nyɛ: Tɛman mini Omari ni Zɛfo ni Kɛnaz 16ni Kɔra ni Gatam ni Amalɛk. Bɛna n-daa nyɛ Ɛlifaz bidibisi bɛn nyɛ nanima Ɛdom tiŋgbɔŋ ni. Bɛ daa nyɛla Ada yaansi.
17Iso bia Riuɛl bidibisi bɛn daa nyɛ nanima n-daa nyɛ: Nahat mini Zɛra ni Shamma ni Miza. Bɛna n-daa nyɛ Riuɛl bidibisi bɛn nyɛ nanima Ɛdom tiŋgbɔŋ ni. Bɛ daa nyɛla Iso paɣ’ Basɛmat yaansi.
18Iso paɣ’ Oholibama bidibisi bɛn daa nyɛ nanima n-daa nyɛ: Jɛushi mini Jalam ni Kɔra. Iso paɣ’ Oholibama Ana bipuɣiŋga la ni daa dɔɣi na’ shɛba m-bala. 19Bɛmbɔŋɔ daa nyɛla Iso bidibisi (Ɛdomnim’ m-bala), bɛna n-daa nyɛ bɛ nanima.
Siɛr daŋ niriba
(1 Yɛlikura 1.38-42)
20Siɛr ŋun daa nyɛ Hɔri nir’ la bidibisi bɛn daa nyɛ tiŋgbɔŋ maa tiŋbihi la n-daa nyɛ: Lɔtan mini Shɔbal ni Zibiɔn 21ni Ana ni Dishɔn ni Ɛzɛr ni Dishan. Bɛna n-daa nyɛ Hɔri nanima, ka nyɛ Siɛr bidibisi Ɛdom tiŋgbɔŋ ni.
22Lɔtan bidibisi n-daa nyɛ: Hɔri mini Hɛman. Lɔtan tizɔpaɣa n-daa nyɛ Timna.
23Shɔbal bidibisi n-daa nyɛ: Alivan mini Manahat ni Ɛbal ni Shɛfo ni Onam.
24Zibiɔn bidibisi n-daa nyɛ: Aiya mini Ana ŋun daa gul’ o ba Zibiɔn bunsi ka ti nya kɔbilisirim mɔɣu ni la.
25Ana bihi n-daa nyɛ: Dishɔn mini Oholibama ŋun daa nyɛ Ana maa bipuɣiŋga la. 26Dishɔn bidibisi n-daa nyɛ: Hɛmdan mini Ishiban ni Itiran ni Kɛran.
27Ɛzɛr bidibisi n-daa nyɛ: Bilihan mini Zaavan ni Akan.
28Dishan bidibisi n-daa nyɛ: Uzi mini Aran.
29Hɔrinim’ nanima n-daa nyɛ: Lɔtan mini Shɔbal ni Zibiɔn ni Ana 30ni Dishɔn ni Ɛzɛr ni Dishan. Bɛmbɔŋɔ n-daa nyɛ Hɔrinim’ nanima kaman bɛ daŋ ni daa nyɛ shɛm Ɛdom tiŋgbɔŋ ni.
Ɛdom nanima
(1 Yɛlikura 1.43-54)
31Bɛmbɔŋɔ n-nyɛ bɛn daa pun diri nam Ɛdom tiŋgbɔŋ ni hal ka Izraɛlnim’ ti naanyi mali naa. 32Bɛla ŋun daa nyɛ Bɛɔr bidibiga ka nyɛ Dinhaba nir’ la daa di nam Ɛdom. 33Ka Bɛla daa ti kpi, ka Zɛra ŋun daa nyɛ Bɔzira nir’ la bidibiga Jɔbab di nam zan’ o zaani. 34Ka Jɔbab daa ti kpi, ka Husham ŋun daa nyɛ Tɛmannim’ tiŋgbɔŋ ni nir’ la daa di nam zan’ o zaani. 35Ka Husham daa ti kpi, ka Bɛdad ŋun daa nyaŋ Midiannim’ Mɔab tiŋgbɔŋ ni la bidibiga Hadad daa di nam zan’ o zaani. O ya yuli n-daa booni Avit. 36Ka Hadad daa ti kpi, ka Samla ŋun daa nyɛ Masirɛka nir’ la daa di nam zan’ o zaani. 37Ka Samla daa ti kpi, ka Shaul ŋun daa nyɛ Rɛhɔbɔt din daa be Yufretiiz Mɔɣili ni nir’ la daa di nam zan’ o zaani. 38Ka Shaul daa ti kpi, ka Baalihanan Akibɔr bidibiga la daa di nam zan’ o zaani. 39Ka Baalihanan Akibɔr bia maa daa ti kpi, ka Hada daa di nam zan’ o zaani. O ya yuli n-daa booni Pau, ka o paɣ’ yuli daa booni Mɛhɛtabɛl. O daa nyɛla Mɛtirɛd bipuɣiŋga, ka nyɛ Mɛzahab yaaŋa.
40Iso zuliya ni nanim’ yuya m-bɔŋɔ. Di nyɛla kaman bɛ malibu mini bɛ biɛhigu shee ni daa nyɛ shɛm doli bɛ yuya. Nanim’ maa n-daa nyɛ: Timna mini Aliva ni Jɛtɛt 41ni Oholibama ni Ɛla ni Pinɔn ni 42Kɛnaz ni Tɛman ni Mibizar 43ni Magidiɛl ni Iram. Bɛmbɔŋɔ n-nyɛ Ɛdom nanima; di gbinni nyɛla Iso ŋun nyɛ Ɛdomnim’ yab’ la kaman bɛ biɛhigu shee ni daa nyɛ luɣ’ shɛŋa bɛ ni daa su tiŋgbɔn shɛli maa ni.
Nke Ahọpụtara Ugbu A:
Piligu 36: DBwDB
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Dagbani Bible with Deuterocanonical Books © Bible Society of Ghana, 2011.