Piligu 33
33
Yaakubu mini Iso nya taba
1Ka Yaakubu daa ti kpuɣ’ o zuɣu lihi nya Iso ka o mini ninvuɣ’ kɔbisinahi kanna. Ka o daa pirigi bihi ti Liya mini Reechɛl ni dabipaɣiba ayi la. 2O daa zaŋla dabipaɣiba ayi maa mini bɛ bihi bahi tooni, ka chɛ ka Liya min’ o bihi paya, ka chɛ ka Reechɛl mini Yisifu be nyaaŋa. 3Ka ŋun’ Yaakubu maŋmaŋ’ daa daŋ bɛ tooni n-chaŋ ti damdi tiŋ’ napɔŋ buyopɔin hal ti mir’ o biɛli maa tooni. 4Amaa ka Iso daa guuina ti tuh’ o soli m-bɔb’ gbaag’ o n-zaŋ o zuɣu ti pa o nyingol’ zuɣu m-mɔɣis’ o kpariŋ, ka bɛ zaa dii kuhira. 5Ka Iso daa nya paɣiba mini bihi maa ka bɔhi Yaakubu, “Ka banima n-lee be a sani ŋɔ?”
Ka Yaakubu yɛl’ o, “Naawuni ni niŋ mani a dabili ŋɔ nirilim ti ma bi’ shɛba m-bala.” 6Di saha ka dabipaɣiba maa mini bɛ bihi daa kana ti gban’ o tiŋa, 7Ka Liya min’ o bihi kana ti gban’ o tiŋa, ka Yisifu mini Reechɛl gba doli nyaaŋa na ti gban’ o tiŋa.
8Ka Iso daa bɔhi Yaakubu, “Ka n ni nya binshɛŋa ŋɔ zaa daliri lee nyɛla dini?” Ka Yaakubu yɛl’ o, “N zaŋ ba mi na ni n ti ti a m-maai nyini n dan’ suhu.”
9Amaa ka Iso yɛl’ o, “M mabia, mal’ a bini; n gba bi kɔŋ.”
10Ka Yaakubu daa yɛl’ o, “Aai, n suhir’ a, a suhu yi shiri maai ni mani, nyin’ deemi m pini maa, dama n ni nya a ka a deei ma ni suhumahili maa, di ŋmanila n nini nyala Naawuni. 11N suhir’ a, deemi n ni zaŋ pin’ shɛl’ na ti ti a maa, dama Naawuni n-niŋ ma nirilim ti ma n ni mali shɛlikam maa, ka m mi mali pam.” Lala ka Yaakubu daa balim o hal ka o ti dee’ li.
12Ka Iso daa yɛl’ o, “Malim’ shili ka m min’ a doli kuli.”
13Amaa ka Yaakubu yɛl’ o, “N dana, a mi ni bihi ŋɔ ka yaa, ka biŋkɔb’ bihi bɛn mɔɣiri be biŋkɔbiri maa ni, ka di simdi ni n chɛ ka n zaɣa be bɛ ni viɛnyɛliŋga. Ti yi taɣi ba chaŋ pam dahin yini, bɛ zaa ni kpi. 14N dana, daŋmi man’ ŋun nyɛ a dabili ŋɔ tooni, ka m mali biŋkɔbiri maa mini bihi maa chani biɛlabiɛla na hal ti paag’ a Ɛdom tiŋgbɔŋ ni.”
15Ka Iso yɛl’ o, “Ka chɛ ka n niriba ŋɔ shɛb’ kpalim pah’ a zuɣu.”
Amaa ka Yaakubu yɛl’ o, “N dana, lala bi kpa, n kul bɔri ni a chɛ ka a suhu m-maai ni mani.” 16Ka Iso daa ŋmaligi kuli Ɛdom dindali maa. 17Amaa ka Yaakubu daa kuli Sukɔt nti me o yili ka ti o biŋkɔbiri suɣa zali. Dinzuɣu ka bɛ daa boli nimaani yuli Sukɔt.#33.17 SUKƆT: Hiburuli ni yuli ŋɔ gbinni nyɛla, “Suɣa”.
18Ka Yaakubu daa yi Mɛsopoteemia m-mali hal ti paai Shɛkɛm din be Keenan tiŋgbɔŋ ni la ni alaafee nti ti suɣa dɔni tiŋ’ maa tooni polo. 19#Jɔsh 24.32; Jɔn 4.5 Ka Yaakubu daa da tiŋgbani Hamɔr ŋun daa nyɛ Shɛkɛm ba la bihi sani anzinfa laɣibaligu kɔbiga n-ti o suɣa zali nimaani. 20Nimaani ka o daa me sara maligu bimbini zali, ka boli di yuli Ɛl Ɛlɔhi Izraɛl.
Nke Ahọpụtara Ugbu A:
Piligu 33: DBwDB
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Dagbani Bible with Deuterocanonical Books © Bible Society of Ghana, 2011.