Genesis 10
10
Ang mga Kaliwat sang mga Anak ni Noe
(1 Cron. 1:5-23)
1Amo ini ang mga kaliwat sang mga anak ni Noe nga amo sanday Sem, Ham, kag Jafet. Ini sila nga tatlo may mga anak nga lalaki nga nagkalatawo sa tapos ang anaw.
2Ang mga anak nga lalaki ni Jafet amo sanday Gomer, Magog, Madai, Javan, Tubal, Mesec, kag Tiras. Ang ila mga kaliwat nagdala sang ila mga ngalan. 3Ang mga kaliwat ni Gomer amo ang mga tawo sang Askenaz, Rifat, kag Togarma. 4Ang mga kaliwat ni Javan amo ang mga tawo sang Elisa, Tarsis, Kitim, kag Dodanim. 5Sila ang mga katigulangan sang mga tawo nga nag-estar sa mga baybayon kag sa mga kapuloan sang dagat. Ini tanan amo ang mga kaliwat ni Jafet nga nag-estar sa nagkalainlain nga mga tribo kag mga pungsod, kag ang tagsa ka grupo may kaugalingon nga linggwahe.
6Ang mga anak nga lalaki ni Ham amo sanday Cus, Ehipto, Put kag Canaan. Ang ila mga kaliwat nagdala sang ila mga ngalan. 7Ang mga kaliwat ni Cus amo ang mga tawo sang Seba, Havila, Sabta, Raama, kag Sabteca. Ang mga kaliwat ni Raama amo ang mga tawo sang Seba kag Dedan. 8Si Cus may anak nga lalaki nga ginhingalanan kay Nimrod, nga amo ang nahauna nga mandadaog sa kalibutan. 9Sa bulig sang Ginoo nanginsampaton sia nga mangangayam, amo ina nga ang mga tawo nagasiling, “Kabay nga ang Ginoo maghimo sa imo nga sampaton nga mangangayam pareho kay Nimrod!” 10Ang nahauna niya nga ginharian nagsakop sang Babel, Erec, kag Akad. Ini tanan lunsay sa duta sang Babilonia. 11Halin sa sadto nga duta nagkadto sia sa Asiria kag nagpatindog sang mga siudad sang Ninive, Rehobot-ir, Cala, 12kag Rezin, nga yara sa gintung-an sang Ninive kag sang daku nga siudad sang Cala.
13Ang mga kaliwat ni Ehipto amo ang mga tawo sang Lud, Anam, Lehab, Naftu, 14Patru, Caslu, kag Creta nga amo ang ginhalinan sang mga Filistinhon.#10:14 kag Creta…Filistinhon: Sa Hebreonga amo ang ginhalinan sang mga Filistinhon, kag Creta.
15Ang mga anak ni Canaan amo sanday Sidon kag si Het. Ang ila mga kaliwat nagdala sang ila mga ngalan. 16Si Canaan amo man ang ginhalinan sang mga Jebusnon, Amornon, Girgasanhon, 17Hevhanon, Arquinhon, Sinhanon, 18Arvadnon, Zemarnon, kag Hamatnon. Sang ulihi ang nagkalainlain nga mga tribo sang Canaanhon naglapta, 19kag ang ila dulonan halin sa Sidon naglambot sa bagatnan sa Gerar tubtob sa Gaza, sa sidlangan sa Sodoma, Gomorra, Adma, kag Zeboim nga malapit sa Lasa. 20Amo ini sila ang mga kaliwat ni Ham nga nagaestar sa nagkalainlain nga mga tribo kag mga pungsod, kag ang tagsa ka grupo may kaugalingon nga linggwahe.
21Si Sem, ang magulang nga utod ni Jafet, amo ang ginhalinan sang tanan nga mga Hebreo. 22Ang mga anak nga lalaki ni Sem amo sanday Elam, Asur, Arfaxad, Lud kag Aram. Ang ila mga kaliwat nagdala sang ila mga ngalan. 23Ang mga kaliwat ni Aram amo ang mga tawo sang Uz, Hul, Geter, kag Mesec. 24Si Arfaxad amay ni Sela kag si Sela amay ni Eber. 25Si Eber may duha ka mga anak nga lalaki: ang isa ginhingalanan kay Peleg,#10:25 PELEG: Ini nga ngalan pareho sang Hebreo nga pulong nga kon sayuron nabahinbahin. kay sa iya panag-on ang mga tawo sa kalibutan nabahinbahin, kag ang ngalan sang iya utod amo si Joctan. 26Ang mga kaliwat ni Joctan amo ang mga tawo sang Almodad, Selef, Hazarmavet, Jera, 27Hadoram, Uzal, Dicla, 28Obal, Abimael, Seba, 29Ofir, Havila, kag Jobab. Ini sila tanan naghalin kay Joctan. 30Nag-estar sila sa duta halin sa Mesa pakadto sa Sefer tubtob sa mga bukid sa sidlangan. 31Amo ini sila ang mga kaliwat ni Sem nga nag-estar sa nagkalainlain nga mga tribo kag mga pungsod, kag ang tagsa ka grupo may kaugalingon nga linggwahe.
32Ini tanan nga mga tawo ang mga kaliwat ni Noe, suno sa ila mga nagkalainlain nga linahi kag mga pungsod. Sa tapos ang anaw ang tanan nga mga pungsod sang kalibutan naghalin sa sini nga mga anak ni Noe.
Nke Ahọpụtara Ugbu A:
Genesis 10: MBBHIL12
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Maayong Balita nga Biblia © Philippine Bible Society, 2012