Laoidhean 11
11
LAOIDH 11
Gnath-fhoc 3.13-17
1Cia sona 'n ti do theagasg Dhé!
bheir éisdeachd gach aon uair;
'S ri gliocas nèimh, le mòran tlachd,
philleas gu moch a chluas?
2Is fearr a stòr na 'n t‑ionmhas faoin
a ta san t‑saogh'l gu léir;
'S is luachmhoire a dhuais gu mòr
na òr a' chruinne‑ché.
3Tha saoghal fada 'na làimh dheis
is urram 'na làimh chlì;
Iadsan air fad a bheir dha gràdh,
's leo saoibhreas, slàint', is sìth.
4Do'n òg 'na shlighe fhior‑ghlan réidh
sòlas bheir e gu pailt,
'S do'n aosda bheir e coron glòir,
's tròcair o Dhia gun airc.
5An uair tha dichioll dhaoine mòr,
tha 'dhuais‑san mòr d'a réir:
Do shòlasaibh tha 'shlighe làn;
is sìth a ghnàth 's gach ceum.
Nke Ahọpụtara Ugbu A:
Laoidhean 11: LSN1987
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Comann Bhìoball na h‑Alba 1987, 2017
© Scottish Bible Society 1987, 2017