Nikamowina 15
15
tānisi ē‑isi-nitawēyihtahk kisē-manitow
onikamon David
1kā‑tipēyihcikēyan, awīna ka‑kī-pīhtikwēt kīkihk?
awīna ka‑kī-wīkit wacīhk Zionihk kā‑kihcihtwāwi-itēyihtākwahk?
2awiyak kā‑nanahihtawāt kisē-manitowa misiwē isi
mīna kwayask tōtahki tāpitawi,
mīna tāpwēwin otēhihk ohci piko āpacihtāci,
3mīna ēkāya māyācimāci awiya,
ēkāya māyi-tōtawāci owīcēwākana
mīna ēkāya papāmi-āyimōmāci owītapimākana.
4pakwātēw anihi kā‑ātawēyimāyit kisē-manitowa
mīna kihcēyimēw anihi kā‑nanahihtawāyit kā‑tipēyihcikēyit.
kākikē tōtam anima kā‑asotahk,
kiyām āta piko iyikohk tipahahki.
5awihiwēw sōniyāwa ēkāya ē‑akihtahk ayiwāk kita-tipahamāht ēkota ohci,
mīna namōya kita-kī-wayēsimāw
kita-māyipitāt awiya ē‑miywātisiyit.
awiyak tipitōtahki ōhi kākikē ka‑sōhkikāpawiw.
Nke Ahọpụtara Ugbu A:
Nikamowina 15: PCSBR
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society