Matthieu 14
14
1Ndò té ke nou, Hérode mbai ke er kada wo tam Jésus,
2Nè mpa nare nganlokisidjé la, Yèn to Jean ndjè da baptême, nè nï mè bwa yo té, mbata yèn tokou singa ban da koula mèa té.
3Mbata Hérode waa Jean leo, ntòè nilè kei koula té mbata tar lo Hérodias, dènè lo Philippe ngoköè.
4Mbata Jean pa arè, Deo tar ndedji té to tar loi ta tèè to dènè ang.
5Nè ndiki ta tòl Jean a bel dè mbata lo dooudjé, mbata dèdè do Jean tokou lo prophète.
6Tokou ndò koudjou Hérode ase, ngon lo Hérodias ke dènè laa nò dooudjé té ke mbòna, ke nnèl Hérode.
7Tokou ban nè mpa ke koubou yo nare ngon, ta karè né ke nè na doudjè.
8Mbata këndjè toulè, nè mpana, Arem mè sèmbé té nèn dò Jean ndjè da baptême.
9Mè mbai tooè, a mbata yo ke nè noubou narè, ke mbata dooudjé ke mbòna sa, nè mpa ta karè.
10Nè noula ta koudja gòsou Jean mè kei koula té.
11Dèdè ndé ke dè mè sèmbé té dare ngon ke dènè, nè nao nè rò këndjè té.
12Ndjè kao go Jean té, dé, doun ninè ndoubè, dèdè dao mpa dare Jésus.
13Tokou Jésus wo tar nèn, nè ntéh loou té ke nou nao mè to té, nao mare loou té ke dang ke dooudjé éh kendé ang. Tokou dooudjé ke baya baya wo tar nèn, dèdè ntéh béh té dao gè té ke gòldè.
14Tokou nè ntéh kongo té, nè no dooudjé baya baya, nè nda mè madji kedè, nè nòrou rò too lo ndjè rò toodjé ke horodè té.
15Tokou kade woei mbä, ndjè kao gè tédjé dé rè té pana, Loou nèn to mè mou ke kade goto, are dooudjé bayan lé ao béh ta ndoko mourou mbata lodè ndja.
16Jésus pana, Dèdè dase ta kao ang, sésè aridjédè mourou dön.
17Dèdè mpa darè, Mourou mi ke kaindjidjé djo ba to djidjè té nèn.
18Nè mpana, Edéidjé né arem.
19Bana nè mpa nare dooudjé ke baya baya ta kisi nange do mou té, nè noun mourou ke mi ke kaindji ke djon lé, nè naa loou ke dara, mmar tar ke madji dè té, nè nkai mouroun lé dana nare ndjè kao gè tédjé, ke ndjè kao gè tédjé are dooudjé ke baya bayan lé.
20Dèdè toï dön mèdè ndan. Dèdè mbòn kese mourou ke nai dousou karè dòkou gérè djo.
21Dèdè ke dön mourou nto dingaodjé ngosiba ke dourou mi ke mare dènèdjé ke ngandjé to.
22Loshénè loshénè nè noula ndjè kao gè tédjé ta kao mè to té, ta kao toura man té dongor karè tokou nè nai nare dooudjé ke baya ta kao.
23Gè té ke nè nare dooudjé ke baya ao mba, nè nal do err té ke kadèba ta doudjou Allah. Tokou kade woei mba nè néh nou ke kadèba.
24Lé té ndja to ao do tokou man té deo eo, man ï ke to mbata lél gangedè.
25Ke do bakebé nè nao ròdè té, nè nao ndja do tokou man té.
26Tokou ndjè kao gè tédjé wo nè nao ndja do tokou man té, bel dadè nya, mpana, Yèn to ouma. Dèdè dourouki mbata bel dadè.
27Loshénè loshénè Jésus pa aredè, pana, Aridjé mèsè isi dèkèkè, yèn to ma, edaidjé bel ang.
28Pierre tél tar arè pana, Mbaibé Seigneur, tokou to i ndja epa arem ta kao ròi té do man té.
29Nè mpana, Edé. Tokou ban Pierre téh mè to té, nao ndja do man té, nao rò Jésus té.
30A tokou nè no lél oula nya, bel dè nè nao ta ken ke man té, nè mpa ke tarr, Mbaibé Seigneur, adjim.
31Loshénè loshénè Jésus oula dja wèè, mpa narè, Doou ke ndjè ko mè té ngadji, i maitar mbata di wa?
32Tokou dèdè dao mè to té lél gange.
33Dèdè ke disi mè to té mpitè, mpana, Tokoro i to Ngon lo Allah.
34Tokou dèdè dao toura man té mba, dèdè ntéh kongo té ke Génésareth.
35Tokou dooudjé ke loou té ke nou woè, dèdè doula nange té ke nou toï, dèdè ndé rè té ke ndjè rò toodjé toï.
36Dèdè ndoudjè nya ta karedè dòrou ta koubou la ba, dèdè toï ke dòrou, ròdè dé madji.
Nke Ahọpụtara Ugbu A:
Matthieu 14: KL1960
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 1960, 2018.
To learn more or sign up for email updates about the mission of BFBS, click here: