Yela 23
23
Korowii waa dɛ nyiŋi ya nɛ
Kooro Devid yel
1Korowii do kɛ peteɡre
dɛɛ nyiŋi n nɛ,
komɛlbwa aa men nya.#Ɛse 34:15; Jɔn 10:11-16
2O ɡelɔ mɛɛ chɔ bela
kpɔɡlwɛɛ aa lole,
dɛ tɔ n sie dɛɛ kaa nee
aa wera ta.#Wep 7:17
3O dɛ tɛ mɛ bokpeɡfala,
dɛ tɔ n sie
dɛɛ baɡ mɛ ŋwɛnɛdɛɛɡa,
o sɔnjen la wa.
4Hale n dɛ valɛ biro tenten
bini kwaraa naa,
maa ɔmɛ, dɛkalkɛ
he ja n nɛ,
he daŋɡbala haa kpɔa
dɛɛ teɡɛ peera
laanee dɛɛ tɛ mɛ bosɔɔhna.
5He ɛ kondikonjena
cheɡ n sie,
n dɔma bwa siwi ta.
He fuɡe noo do n nyu ta,
dɛ ɡel n numol su dɛɛ ta.
6N jemɔ kɛ he waa wer
hɛɛ nyin mɛ nomanta,
hɛɛ ja n nɛɛ n soɡa bini
tɔpere bɛlbwa,
ásɛ n so hen Korowii Dea,
saŋ bɛlbwa dɛɛ la.
Nke Ahọpụtara Ugbu A:
Yela 23: mzw
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.