Enzũko 8
8
Eriuma lyʼamagetsi oko kitaka
1Neryo Nyamuhanga mwibuka Noa, nʼesyonyama syosĩ, nʼesyonde syosĩ esyabya haguma naye omo bwato. Neryo Nyamuhanga mwalabya erihunga lyʼoko kihugo, neryo amagesti mwatsũka erihwako. 2Nʼesĩsoko syʼemitobero nʼebĩtũ byʼekyanya mobyũmbya erĩwĩsya embũla, nʼembũla eyĩkalũa omo kyanya moyakakĩrĩbwa. 3Neryo amagetsi mwahwerekerera erĩlũa oko kihugo. Enyũma wʼebiro erĩgana nʼamakũmĩ atanu amagetsi mwasonda erihwa. 4Nʼoko mukera wʼeyirinda, nʼoko kiro kyʼerĩkũmĩ nʼebirinda kyʼomukera, obwato mobwalegera oko kitwa kyʼeAraratĩ. 5Amagetsi mwasonda erihwa erĩhĩka oko mukera wʼerĩkumĩ, oko kiro kyʼerĩtsũka kyʼomukera wʼerĩkũmĩ esyosingi syʼebitwa mosyalolwako.
6Neryo oko ndũlĩ yʼebiro makũmĩ ani, Noa mwakingula erĩdĩrĩsa lyʼobwato eryo abatsa, 7neryo mwahũlũkya ekikororo, nakyo mokyagenda-genda erĩhĩka oko kiro amagetsi uma oko kihugo. 8Neryo Noa mwahũlũkya akalĩkũkũ erĩrebya amagetsi ngʼamakeha oko kitaka. 9Nĩkwa akalĩkũkũ mokatabana ahʼerĩkĩra, kyaleka ikasuba eyiri Noa omo bwato. Kusangwa amagetsi abya oko kitaka kyʼekihugo kyosĩ. Neryo Noa mwasumba ebyala biwe mwĩmyako, mwĩngĩryako omo bwato. 10Neryo mwalinda ebindi biro birinda, kandi mwahũlũkya akalĩkũkũ kʼeyĩhya oko bwato. 11Neryo akalĩkũkũ ako mokaswamũhĩkako omwʼĩgologolo. Neryo, mokasa, ikanawite oko kikoma kyʼomũzeĩtũnĩ omo buno bwako ekyo koha, kyatuma Noa iniaminya amagetsi kwʼamahwerekerera oko kitaka. 12Neryo mwalinda kandi ebindi biro birinda neryo mwahũlũkya akalĩkũkũ nako mokataswasuba ukwʼiye.
13Neryo oko mwaka wʼamagana ndatu nʼomuguma, oko mukera wʼerĩtsũka, oko kiro kyʼerĩtsũka omukera, amagetsi muma oko kitaka. Neryo Noa mwalũsya olutwe lwʼobwato, mwalangira ekitaka ko kikasonda eriuma. 14Nʼoko mukera wʼakabiri oko kiro kyʼamakũmĩ abiri nʼebirinda kyʼomukera, ekitaka ikyabiriuma.
Noa akalũa omo bwato
15Nĩkwa Nyamuhanga mwabũga na Noa ati, 16Huluka omo bwato, uwe, omũkalĩ wawe, abana bawe, haguma nʼabalĩana bawe haguma nawe. 17Ũhũlũkaye haguma obuli kindu, kiriho haguma nawe ebyʼemihanda yosĩ, esyonyonyũ, esyonde, nʼobuli kindu ekikakululuka oko kitaka, bibutire kutsibu oko kihugo, bibane ehyana, nʼerikanyirira omo kihugo. 18Neryo Noa mwahuluka, abagala buwe, mũkalĩwe, nʼabalĩana buwe. 19Obuli nyama, obuli kindu ekikakululuka, nʼobuli nyonyũ, obuli kindu kikagenda oko kihugo, ngʼemihanda yabyo, mobyahuluka bĩkalũa omo bwato.
20Neryo Noa mwahĩmba ekiherero busana nʼOmwami Mukulu, neryo mwĩmya oko buli nyama yowene, nʼobuli nyonyũ yowene, neryo mwayirabyo mo mahere wʼerĩokererya oko kiherero. 21Neryo Omwami Mukulu mowa erikumba lĩsĩhĩre. Neryo Omwami Mukulu mwabũga omo mutima wuwe, ati, Sindiendisyaswatakira ekitaka busana nʼomundu kusangwa amalengekanĩa wʼomutima wʼomundu ni mabi erĩtsũka omo bũlwana. Kandi sindiendĩsyaswĩta obuli kindu kiriho, ngoko nabirikola. 22Omugulu ekihugo kikineho, omugulu wʼerihera nʼerigesa, omugulu wʼeritsuku nʼowʼekĩhũhanĩ, omugulu wʼobugoma nʼomugulu wʼeritsuku, omusibo nʼekiro sĩbyendĩsyũmbya.
Nke Ahọpụtara Ugbu A:
Enzũko 8: KB80
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Bible in Kinandi © Bible Society of the Democratic Republic of Congo, and Bible Society of Uganda, 1980.