Abụ Ọma 122
122
Abụ Ọma 122
Abụ nrigo, nke Devid.
Ekpere maka udo Jerusalem
1Aṅụrịrị m ọṅụ mgbe ha sị m,
“Ka anyị gaa nʼụlọnsọ Onyenwe anyị.”#122:1 Aịz 2:3; Mai 4:2; Zek 8:21
2Ụkwụ anyị eguzola ugbu a
nʼọnụ ụzọ ama gị niile, gị obodo Jerusalem.
3E wuru Jerusalem dịka obodo
a chịkọtara ọnụ nke ọma.
4Ọ bụ ebe ahụ ka ebo niile na-arịgo,
bụ ebo niile nke Onyenwe anyị,
ịbụku aha Onyenwe anyị abụ
dịka iwu o nyere ndị Izrel si dị.
5Nʼebe ahụ ka ocheeze niile nke ikpe ikpe dị,
bụ ocheeze niile nke ezinaụlọ Devid.
6Kpeenụ ekpere maka udo Jerusalem:
“Ka ndị niile hụrụ gị nʼanya nọọ nʼudo.
7Ka udo dịrị nʼime mgbidi gị niile
nchekwa dịrịkwa nʼime ebe nche gị niile e wusiri ike.”
8Nʼihi ụmụnne m na ndị enyi m,
ana m ekwu okwu sị, “Udo dịrị gị.”
9Nʼihi ụlọ Onyenwe anyị, Chineke anyị,
aga m achọ ọganihu gị.
Nke Ahọpụtara Ugbu A:
Abụ Ọma 122: BIU
Mee ka ọ bụrụ isi
Kesaa
Mapịa
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fig.png&w=128&q=75)
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
Baịbụlụ Nsọ nʼIgbo Ndị Ugbu a™
Ndị Biblica, Inc. degharịrị ya nʼafọ © 1980, 1988, 2019, 2020
Ọ bụ ndị Biblica, Inc. nyere ikike idenye amaokwu ndị a.
Ikike a dị nye ndị Biblica, Inc. nʼụwa niile.
――――――
Igbo Contemporary Bible™
Copyright © 1980, 1988, 2019, 2020 by Biblica, Inc.
Used with permission. All rights reserved worldwide.