Amaokwu Akwụkwọ Nsọ Ndị Ama Ama siteré na Yohana 6

Kesaa

Yesu akabhagharokeri akabhugha, “Eni neeni ekiinyakurë kino ghekobhaha abhaato obhuhöru. Omooto wowoose uno akuucha ghokoone, taakooghu anchëra inkongʼorimu, wiiki uno aghonkumi taakooghu anyööta naabha.

Akörö e Ryobha niyo ekobhaha abhaato obhuhöru. Omooto taaghotora ghuköra ghyokyose gho changuru cheeche omwene. Amangʼana ghano nebhabhooriire n‑gha Akörö e Ryobha, nagho ngakoruusi obhuhöru.

Motakörëra emeremo ebhiinyakurë bhino bheghusarëka, amare mubhe moraköra gho ghiri e kubhöna ebhiinyakurë bhino bhetaaghusarëka, bhino bhekobhaha abhaato obhuhöru bho miishe ghyose. Eni Omoona o Mooto nekobhaha abhaato ebhiinyakurë bhiyo, gho kubha Taata Waryobha naaheere obhotoro ghuköra ghayo.”

Amiigha gha Taata n‑ghano, omooto woose uno akumënya kubha eni n‑Omoona waache na ghonkumi, abhe no obhuhöru bho miishe ghyose. Eni nekuucha komoryoki mo‑rosiko ro ntenero.”

Yesu akabhagharokeri akabhugha, “Emeremo ghino Eryobha rekwënda mukörë nighyo ghino, ghonkumi eni, uno netomuru naryo.”

Abhaato bhoose bhano Taata aheere, mbakuucha ghokoone na ghonkumi. Wiiki nteekomwanga naabha koru umu uno akuucha ghokoone.

Simiyooni Bheetero akamugharokeri akabhugha, “Oo Omutëmi, toghi waawe? Iye omwene noonyi na amangʼana ghano ghaghotuha obhuhöru bho miishe ghyose.

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”

Taanyi‑ho omooto uno aghotora kuucha ghokoone, aribha Taata uno antomiri atamurahuuniri. Eni nekuucha komoryoki omooto uyo mo‑rosiko ro ntenero.

Ekiinyakurë ke Ryobha n‑uno ikiri koru Mwishaaro, kubha abhahë abhaato bhoose bha mo‑se obhuhöru.”

Eni neeni ekiinyakurë kino ghekobhaha abhaato obhuhöru.

Niho Yesu akiimoki emighaate ghiire, aghiitabheri Eryobha, aghaghesuura, akabhahööhi abhaato bhoose bhano ꞉bhaare hayo. Aghaköra hangʼu hangʼu ne ebhesu bhiire. Omooto woose akabhöna kebhuno are arëënda. Hano abhaato bhoose bhiighotiri, Yesu akabhabhoorera abhaanabheegha bhaache akabhugha, “Mokome amatigho gha bhiinyakurë bhyose bhino bhisaaghiri, ghetabhora egheteneka ghyokyose.”

Hano abhaanabheegha bha Yesu ꞉bhaare bhahikiri obhurë bho chakiromeeta ishaano hamu ishaasabhe, bhakamorighi Yesu araghënda ighoro e manche, akabha ˆaghatingʼi obhwato. Ibho bhaghatiina chwee. Niho Yesu akabhabhoorera akabhugha, “N‑eni, motatiina!”