Amaokwu Akwụkwọ Nsọ Ndị Ama Ama siteré na ራእዩ ለዮሐንስ 14

Kesaa

ወመጽአ ቃል እምሰማይ ዘይብል ጸሐፍ ይእዜ ብፁዓን እለ ሞቱ በእንተ እግዚአብሔር እወ ከማሁ ይቤ መንፈስ ቅዱስ ከመ ያዕርፉ እምነ ጻማሆሙ ወይተልዎሙ ግብሮሙ ወይወስዶሙ ኀበ ነቅዐ ማየ ሕይወት።

ወዝ ውእቱ ትዕግሥቶሙ ለቅዱሳን እለ የዐቅቡ ትእዛዘ እግዚአብሔር ወሃይማኖቶ ለኢየሱስ።

እንዘ ይብል በቃል ዐቢይ ፍርህዎ ለእግዚአብሔር ወሰብሕዎ እስመ በጽሐት ሰዓተ ደይኑ ዐቢይ ወስግዱ ሎቱ ለዘገብረ ሰማየ ወምድረ ወባሕረ ወአፍላገ ወአንቅዕተ ማያት።

ወሣልስ መልአክ ተለዎሙ እንዘ ይብል በቃል ዐቢይ ዘሰገደ ለዝክቱ አርዌ ወለምስሉ ወዘጽሑፍ ትእምርተ ስሙ ውስተ ፍጽሙ አው ውስተ እዴሁ። ይስተይ ውእቱኒ ወይነ መዓቱ ለእግዚአብሔር ዘቅዱሕ ውስተ ጽዋዐ መዓቱ ዘኢኮነ ቱሱሐ ወይትኰነን በእሳት ወተይ በቅድመ መላእክቲሁ ወበቅድመ በግዑ። ወዐርገ ጢሰ ደይኖሙ ለዓለመ ዓለም ወአልቦሙ ዕረፍት መዓልተ ወሌሊተ ወዘንተ ኵነኔ ይረክቡ እለ ይሰግዱ ለውእቱ አርዌ ወለምስሉ ወእለ ይጽሕፉ ትእምርተ ስሙ።

ወእምዝ ቆመ ዝክቱ በግዕ ላዕለ ደብረ ጽዮን ወምስሌሁ ዐሠርቱ ወአርባዕቱ እልፍ ወአርብዓ ምእት እለ ጽሑፍ ውስተ ፍጽሞሙ ስሙ ወስመ አቡሁ ወስመ ቅዱስ መንፈሱ።

ወእምዝ መጽአ ካልእ መልአክ እንዘ ይሠርር ማእከለ ሰማይ ወምድር ወይጸውር ወንጌለ ዘለዓለም ከመ ይስብክ ሎሙ ለእለ ይነብሩ ዲበ ምድር ወለኵሎሙ አሕዛብ ወሕዝብ ወነገድ ወበሓውርት።

ወካልእ መልአክ ተለዎ እንዘ ይብል ወድቀት ባቢሎን ሀገር ዐባይ እምነ ወይነ መንሱታ ወዝሙታ ዘአስተየት ለኵሉ አሕዛብ።