Amaokwu Akwụkwọ Nsọ Ndị Ama Ama siteré na ራእዩ ለዮሐንስ 13

Kesaa

ወዘሰ ጠቢብ ውእቱ ወዘቦ ልብ የአምር ኍላቌሁ ለውእቱ አርዌ እስመ አምጣነ ዕጓለ እመሕያው ውእቱ ወኍላቌሁኒ ስድስቱ ምእት ወስሳ ወስድስቱ።

ወሰገዱ ሎቱ ኵሎሙ እለ ይነብሩ ዲበ ምድር እለ ኢኮኑ ጽሑፋነ አስማቲሆሙ ውስተ መጽሐፈ ሕይወት ዘበግዑ ዘተቀትለ ዘእምፍጥረተ ዓለም።

ወይገብር ኵሉ ንኡሱ ወዐቢዩ አብዕልት ወነዳያን አግብርት ወአግዓዝያን ከመ ይጽሐፉ ውስተ እደዊሆሙ እንተ የማን ወእመ አኮ ውስተ ፍጽሞሙ። ወከመ አልቦ ዘይክል ሠዪጠ ወተሣይጦ እንበለ እለ ጽሑፋን እሙንቱ ትእምርተ ስሙ ለውእቱ አርዌ አው ዘኍልቈ ስሙ።

ወተፄወወኒ ኅሊናየ ወዘሰ ቀተለ በመጥባሕት ሀለዎ ይሙት በመጥባሕት ወዝየ ውእቱ ትዕግሥቶሙ ወሃይማኖቶሙ ለቅዱሳን ብፅዕት ወኢአንክሮቱ ለሰይጣን።

ወወፅአ ካልእ አርዌ እምነ ባሕር ዘዐሠርቱ አቅርንቲሁ ወሰብዐቱ አርእስቲሁ ወውስተ አቅርንቲሁ ዐሠርቱ ቀጸላ ወውስተ አርእስቲሁ ስመ ፅርፈት።

ወተውህቦ ከመ ይግበር ጸብአ ምስለ ቅዱሳን ወይማኦሙ ወተውህቦ ሥልጣን ላዕለ ኵሉ አሕዛብ ወሕዝብ ወበሓውርት ወነገድ።

ወያስሕቶሙ ለእለ ይነብሩ ዲበ ምድር በእንተ ተኣምር ዘተውህበ ሎቱ ይግበር በቅድመ ውእቱ አርዌ ወይቤሎሙ ለእለ ይነብሩ ውስተ ምድር ከመ ይግበሩ አምሳሎ ለዝንቱ አርዌ ዘቈስለ በመጥባሕት ወሐይወ። ወተውህበ ሎቱ ይደይ ውስቴቱ መንፈሰ ለአምሳለ ዝንቱ አርዌ ከመ ይንብብ ምስሉ ለውእቱ አርዌ ወገብሮሙ ለኵሎሙ እለ ኢሰገዱ ለአምሳለ ዝንቱ አርዌ ከመ ይሙቱ።

ወይመስል ውእቱ አርዌ ነምረ ወእገሪሁ ከመ ድብ ወአፉሁ ከመ አንበሳ ወወሀቦ ዝክቱ አርዌ ቀዳማዊ ኀይሎ ወመንበሮ ወዕበየ ሥልጣኑ።

ወተውህበ ሎቱ አፍ ከመ ይንብብ ዐቢያተ ወፅርፈታተ ወተውህበ ሎቱ ሥልጣን ይግበር ተአምረ ዘፈቀደ አርብዓ ወልክኤተ አውራኀ።

ወአሐቲ እምነ አርእስቲሁ እንተ ተረግዘት በሞት ወቍስለ ሞቱሰ ሐይወ ወአንከረቶ ኵላ ምድር ወተለውዎ ለውእቱ አርዌ።

ወእምዝ ወፅአ ካልእ አርዌ እምነ ምድር ዘክልኤቱ አቅርንቲሁ ወይመስል ከመ በግዕ ወይነብብ ከመ አርዌ። ወበሥልጣኑ ለቀዳማዊ አርዌ ይገብር ኵሎ በቅድሜሁ ወይሬስያ ለምድር ወለእለሂ ይነብሩ ውስቴታ ይስግዱ ሎቱ ለቀዳማዊ አርዌ ዘሐይወ እምቍስለ ሞቱ።