Amaokwu Akwụkwọ Nsọ Ndị Ama Ama siteré na Abụ Ọma 31

Kesaa

Ya mere, dịrịnụ ike, ka obi siekwa unu ike, unu niile ndị olileanya ha dị nʼime ONYENWE ANYị.

Oge m niile dị gị nʼaka. Napụta m nʼaka ndị iro m na nʼaka ndị ahụ na-adịghị ezu ike ịchụ m ọsọ.

Lee ka ịdị mma gị si baa ụba, nke i na-edebere ndị niile na-atụ egwu gị, nke ị na-enye ndị na-agbaba nʼime gị, nʼihu ọha mmadụ.

Ma ana m atụkwasị gị obi ONYENWE ANYị. Ekwuola m ya sị, “Naanị gị bụ Chineke m.”

Ebe ị bụ oke nkume m na ebe mgbaba m e wusiri ike, nʼihi aha gị, duo m ma na-edukwa m.

Nʼaka gị ka m na-enyefe mmụọ m; gbapụta m, o ONYENWE ANYị, Chineke, onye eziokwu.

Hụnụ ONYENWE ANYị nʼanya, unu ndị ya niile kwesiri ntụkwasị obi, nʼihi na ONYENWE ANYị na-anapụta ndị niile kwesiri ntụkwasị obi nye ya, ma ọ na-akwụghachi ndị mpako oke zuru ezu.

ONYENWE ANYị, nʼime gị, ka m gbabara izere ndụ; ekwela ka ihere mee m; site nʼezi omume gị gbapụta m.