Amaokwu Akwụkwọ Nsọ Ndị Ama Ama siteré na Salmau 51

Kesaa

Crea ynof galon lanwaith, Ysbryd cadarn rho i mi; A phaid byth â’m bwrw ymaith, Na nacáu im d’ysbryd di.

Rho im eto orfoleddu Yn d’achubiaeth; rho i mi Ysbryd ufudd, a chaf ddysgu I droseddwyr dy ffyrdd di.

Crea ynof galon lanwaith, Ysbryd cadarn rho i mi; A phaid byth â’m bwrw ymaith, Na nacáu im d’ysbryd di.

Cans yr aberth sy’n dderbyniol Iti, ysbryd drylliog yw. Calon ddrylliog, edifeiriol, Ni ddirmygi di, O Dduw.

Bydd drugarog wrthyf, Arglwydd, Yn ôl dy ffyddlondeb drud; Golch fi’n lân o’m holl euogrwydd, A glanha fi o’m beiau i gyd.

Felly, dysg i mi ddoethineb; Pura ag isop fi yn lân; Golch fi nes bod imi burdeb Gwynnach nag yw’r eira mân.

Gwn fy mod i wedi pechu, Arglwydd, yn dy erbyn di. Cyfiawn wyt yn fy nedfrydu, Cywir yn fy marnu i.