Genesis 2
2
1Ket kasta a naaramid dagiti langit ken ti daga ken amin a linaonda. 2Iti#Ex. 20:11. #Heb. 4:4, 10. maikapito nga aldaw, nalpas ti Dios ti amin nga aramidna ket naginana. 3Binendisionanna ti maikapito nga aldaw, ket inlasinna a naisangsangayan gapu ta iti dayta nga aldaw, nalpasna ti trabahona ket naginana kalpasan ti panagparsuana. 4Kastoy ti pannakaparsua ti sangalubongan.
Ti Minuyongan ti Eden
Idi parsuaen ni Yahweh#4 YAHWEH: No aramaten ti Hebreo a teksto ti Yahweh a nayulog iti Jehova wenno Apo kadagiti dadduma a patarus, Yahweh met ti aramaten daytoy a rebision. Nupay kasta, iti dadduma a libro ti daan a Tulag, maaramat ti Apo, iti dadakkel a letra, no dakamaten ti tao iti panagsaritana wenno kasaritana ti Mannakabalin-amin. Iti maikatlo a persona, Yahweh ti usaren malaksid iti panagdaydayaw kenkuana. (Kas pagarigan, “Madaydayaw ti Apo!”) a Dios ti lubong, 5awan pay ti mula iti daga ken awan ti bukel a nagrusing agsipud ta awan pay tudo ken awan pay dagiti mannalon. 6Ngem adda danum nga aggapu iti ubbog ket siboganna ti daga.
7Nangala#Kin. Sol. 15:8, 11; 1 Cor. 15:45. ni Yahweh a Dios iti daga sa nangbukel iti tao.#7 daga...tao: Agkaarngi ti pannakabalikas dagitoy a sao iti Hebreo. Insang-awna ti anges ti biag iti agong daytoy ket naaddaan iti biag.
8Nangaramid ni Yahweh a Dios iti maysa a minuyongan idiay Eden, iti Daya. Sadiay ti nangikabilanna iti pinarsuana a tao. 9Pinagtubona#Pal. 2:7; 22:2, 14. ti amin a kita ti agkakapintas a kayo nga agbunga iti nasayaat. Iti tengnga ti minuyongan, adda ti kayo ti biag ken ti kayo ti pannakaammo iti naimbag ken iti dakes.
10Adda karayan nga agayus iti Eden a mangpasayak iti minuyongan. Iti panagayusna iti ruar ti Eden, nagsanga iti uppat a paset. 11Pison ti nagan ti umuna a karayan ket agayus iti likmut ti pagilian ti Havila. 12Ditoy ti pakasarakan iti puro a balitok agraman bangbanglo a manmano a masarakan, ken agkakapateg a bato. 13Gihon ti nagan ti maikadua ket agayus iti likmut ti pagilian ti Cus. 14Tigris ti maikatlo ket agayus iti dayaen ti Asiria. Eufrates ti maikapat a sanga ti karayan.
15Impan ni Yahweh a Dios ti tao iti Minuyongan ti Eden tapno talonen ken aywananna. 16Imbagana iti lalaki, “Mabalinmo ti mangan iti bunga ti uray ania a kayo iti Minuyongan 17malaksid ti bunga ti kayo ti pannakaammo iti naimbag ken dakes.#17 iti naimbag ken dakes; wenno sirib iti amin. Dimo kanen ti bunga dayta a kayo. No manganka, matayka iti isu met la nga aldaw a pannanganmo.”
18Kinuna ni Yahweh a Dios, “Saan a nasayaat nga agmaymaysa ti lalaki. Yaramidak iti maitutop a kadua ken katulonganna.” 19Nangala iti daga ket inaramidna dagiti amin nga animal ken amin a tumatayab. Impanna ida iti lalaki ket binay-anna nga isu ti mangted iti naganda. No ania ti awagna kadakuada, isu met ti nagbalin a naganda. 20Pinanaganan ngarud ti lalaki dagiti amin a tumatayab ken dagiti amin nga animal. Ngem awan kadagitoy ti maitutop a kaduana ken katulonganna.
21Kalpasanna, pinaturog ni Yahweh a Dios ti lalaki. Bayat ti nargaan a pannaturogna, nangala iti maysa kadagiti paragpagna sana tinapalan iti lasag ti nangikkatanna. 22Inaramidna a babai ti paragpag ket impanna iti lalaki. 23Kinuna ti lalaki,
“Adda met laengen kas kaniak—
Tulang a naggapu iti tulangko, ken lasag a naala iti lasagko.
‘Babai’ ti naganna ta lalaki ti nagtaudanna.”#23 BABAI, LALAKI: Iti Hebreo, agkaarngi ti pannakabalikas dagitoy a sao.
24Daytoy#Mat. 19:5; Mar. 10:7-8; 1 Cor. 6:16; Ef. 5:31. ti gapuna a panawan ti lalaki dagiti nagannak kenkuana tapno agtiponda iti asawana ket agbalinda a maymaysa.
25Agpada a lamolamo ti lalaki ken ti babai ngem awan kadakuada ti panagbain.
Pilihan Saat Ini:
Genesis 2: RIPV
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
© 1996 Philippine Bible Society