Vakatekivu 2
2
1A sa buli oti na lomalagi kei na vuravura kei na ka kecega sa tu kina. 2Ena i kavitu ni siga, a sa oti kina na veibuli, ka sa vakacegu na Kalou mai na nona cakacaka.#Ipe 4.4,10 #Lako 20.11 3A vosa vakalougatataka na i kavitu ni siga na Kalou, ka vakatabuya, ka ni a vakacegu kina mai na nona cakacaka ni sa oti na nona veibuli. 4O ya na i tukutuku ni kena a buli na vuravura kei na ka kecega era tu ena maliwa lala.
Na i Teitei o Iteni
Ena gauna e a bulia kina na vuravura kei na veika kecega sa tu ena maliwa lala na Kalou o Jiova, 5e sa sega sara ni dua na kau a tubu tu ena dela i vuravura, a sega talega ni dua na sore ni kau me bula tu kina, ka ni a sega ni vakatauca na uca ena dela i vuravura na Kalou o Jiova; a sa sega na tamata me teivaka na vanua. 6A sa tubu cake na wai mai na qele ka vakasuasuataka na dela i vuravura.
7A sa qai taura eso na soso mai na qele#2.7 qele… tamata: Ena vosa vakaiperiu, na “tamata” (Adam) kei na “qele” (Adamah) e tautauvata na kedrau balebale. na Kalou o Jiova ka bulia kina na tamata;#2.7 qele… tamata: Ena vosa vakaiperiu, na “tamata” (Adam) kei na “qele” (Adamah) e tautauvata na kedrau balebale. a sa ceguva ki ucuna na i cegu ni bula; a sa yaco kina me tamata bula.#Ym 15.8,11; 1Kori 15.45
8A sa qai tea na Kalou o Jiova e dua na i teitei mai Iteni, ena tokalau; a sa la'ki vakatikora kina na tamata e a bulia. 9A sa vakatubura mai na qele na Kalou o Jiova na kau rairai vinaka kecega ka rawa ni laukana. Ena lomadonu ni i teitei sa tu kina na kau ni bula, kei na kau sa kilai kina na ka vinaka kei na ka ca.#2.9,17 kau ni kila-ka me baleta na ka vinaka kei na ka ca; se kila-ka me baleta na ka kecega. #Vtaki 2.7; 22.2,14
10A sa drodro mai Iteni e dua na uciwai ka basoga-i-va me vakasuasuataka na i teitei. 11Na yaca ni kena i matai o Pisoni; a drodro wavolita na vanua o Avila. 12(Sa kunei e kea na koula vinaka sara, na drega boi vinaka kei na vatu talei na onikisa.) 13Na kena i karua na yacana o Qihoni; sa drodro wavolita na vanua o Kusa.#2.13 Kusa (mai Mesopotemia); se Eciopea. 14Na yaca ni kena i katolu o Taikirisi; sa drodro wavolita na tokalau kei Asiria. Ia na yaca ni kena i kava o Uferetisi.
15Sa qai kauta na tamata na Kalou o Jiova ka vakatikora ena teitei o Iteni me vakacokotaka ka vakatawana. 16A sa vakarota na tamata ka kaya, “Sa rawa mo kania na veimataqali vuanikau kecega sa tu ena i teitei, 17ia na kau sa kilai kina na ka vinaka kei na ka ca,#2.9,17 kila-ka me baleta na ka vinaka kei na ka ca; se kila-ka me baleta na ka kecega. mo kakua sara ni kania na vuana. Ia ena gauna o na kania kina, o na mate vakaidina.”
18A sa kaya na Kalou o Jiova, “E sega ni vinaka me tiko duadua voli ga na tamata. Au na bulia e dua na nona i tokani me dau vukei koya.” 19A sa taura na soso mai na qele na Kalou o Jiova ka bulia kina na veimataqali manumanu kecega ni vanua, kei na veimataqali manumanu vuka kecega, a sa kauti ira vua na tamata me vakayacani ira. Ia na yaca e vakatokai ira yadua kina ena yaco me yacadra. 20A sa vakayacana o Atama na manumanu manoa kecega, na manumanu kila kei na manumanu vuka. Ia sa sega ni dua vei ira oqo me nona i tokani vinaka ka me dau vukei koya.
21A sa vakavuna e dua na via moce levu na Kalou o Jiova, ka sa moce lutu kina o Atama. A sa qai ucuna mai e dua na sui mai na sarisarina ka sema tale na lewe ena yasana o ya. 22A sa bulia na Kalou o Jiova e dua na yalewa mai na sui e a ucuna mai vua na tagane, ka sa kauti koya yani na yalewa ki vua. 23A sa kaya o Atama,
“Sai koya oqo na tiki ni yagoqu dina,
na sui mai na suiqu ka lewe mai na lewequ;
Ena vakatokai me ‘Yalewa’
baleta ni sa kau mai vua na tagane.”#2.23 yalewa… tagane: Ena vosa vakaiperiu, na ‘yalewa’ (ishshah) kei na tagane (ish) e veivolekati na kedrau i balebale.
24Oqo na vuna ena biuta kina na tamana kei na tinana na tagane ka kabita na watina, erau na yaco me lewe dua ga.#Maciu 19.5; Mari 10.7-8; 1Kori 6.16; Efe 5.31
25Erau sa luvawale ruarua na tagane kei na yalewa, ia erau sa sega ga ni maduataka.
Pilihan Saat Ini:
Vakatekivu 2: FNVDC12
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Fijian New Version including Deuterocanonical Books © Bible Society of the South Pacific, 2012.