ሉቃሳ 3
3
ፃማቂያ ዮሃኒሳ ቲሚርቲያ
(ማቶ 3፡1-12፤ ማር 1፡1-8፤ ዮሃ 1፡19-28)
1ካዎይ ፂባርዮሲ ሮሜ ቢታን ካዎቲን፥ ታማኔ ኢቻሻን ላይን፥ ጴንፄ ጲላፆሲ ዪሁዳ ሃሪያ ዎዴ ሄሮዲሲ ጋሊላ ሃሪያ ዎዴ ኢያ ኢሻ ፊልጶሲ ኢፁሪያሳኔ ፂራኮንዶሳ ሃሪያ ዎዴ ሊሳኒዮሲ ኣብላኒሳ ሃሪያ ዎዴ 2ሃናራኔ ቃያፋራ ካሂኔ ሃላቃ ጊዲ ዴዒሺን፥ ፆሳ ቃላይ ዛካሪያሳ ናዓ ዮሃኒሳኮ ባዞ ቢታ ዪስ። 3ዮሃኒሲ፥ «ሂንቴ ናጋራፔ ሲሚቴኔ ፃማቄቲቴ። ፆሳይ ሂንቴ ናጋራ ኣቶ ጋና» ያጊዲ ታማርሲሼ ዮርዳኖሴ ሻፋ ሄራን ዴዒያ ቢታ ኡባ ቢስ። 4ሄሲካ ናቤይ ኢሳያሲ ባ ማፃፋን፥#ኢሳ 40፡3-5
«ባዞ ጊዶን ባ ቃላ ቁ ኦዲ፥
ዋሲያ ኡራ ቃላይ፥
‹ጎዳ ኦጊያ ጊጊሲቴ፥
ሆሮጋካ ፒዲ ኦቴ።
5ኣፎ ኡባይ ኩማና፥
ዙማይኔ ዴሬይ ዚቂ ጋና።
ዎቤ ኦጌይ ሉላና፥
ጊጎና ሆሮጋይ ቂንፂ ጋና።
6ኣሾ ማዒዳ ኡባይ፥
ፆሳ ኣሹዋ ቤዓና› »
ጊዲ ፃፊዳይሳዳ ሃኒስ።
7ዮሃኒሲ፥ ባ ኩሼን ፃማቄታናው ዪዳ ኣሳኮ፥ «ሂንቴኖ፥ ሾሻ ናይቶ ያናው ዴዒያ ሃንቁዋፌ ኣታና ሜላ ሂንቴና ዞሪዳይ ኦኔ?#ማቶ 12፡34፤ 23፡33 8ሂዛ፥ ሂንቴ ሲሙዋ ቆንጪሲያ ሎዖ ኦሶ ኦቴ፥ ሂንቴ ዎዛናን፥ ‹ኑስ፥ ኑ ኣዋይ ኣብራሃሜይ ዴዔስ ጊዲ ጬቄቶፊቴ።› ሃ ሲዒቴ፥ ሃ ሹቻታፔ ፆሳይ ኣብራሃሜስ ናዓ ኬሳናው ዳንዳዔስ።#ዮሃ 8፡33 9ሄኮ፥ ቤፄይ ሚ ፃጶን ዴዔስ። ሂዛ፥ ሎዖ ኣይፌ ኣይፎና ሚ ኡባይ ቃንፄቲዲ ታማን ዬጌታና» ያጊስ።#ማቶ 7፡19
10ኣሳይ፥ «ያቲን ኑኒ ኣይ ኦኖ?» ያጊዲ ኦይቺዶሶና።
11ዮሃኒሲ ዛሪዲ፥ «ናምዑ ኣፊሊ ዴዒያ ኣሲ ባይናይሳስ ኢሞ። ካ ዴዔይሲ ባይናይሳስ ኢሞ» ያጊስ።
12ቃራፃ ቃንፂሴይሳቲ ፃማቄታናው ዪዲ፥ «ኣስታማሪያው፥ ኑኒ ኣይ ኦኖ?» ያጊዶሶና።#ሉቃ 7፡29
13ኢ ዛሪዲ፥ «ሂንቴ ቃንፂሳናው ኪቴቶይሳፌ ኣዲ ኤኮፊቴ» ያጊስ። 14ቃሲ ዎታዳሬቲ ዪዲ፥ «ኑኒ ኣይ ኦኖ» ያጊዲ ኦይቺዶሶና።
ዮሃኒሲ፥ «ኦዴባካ ዎልቃን ዳፊዲ ኤኮፊቴ፥ ኦናካ ዎርዶን ሞቶፒቴ፥ ሂንቴ ዳሞዜይ ሂንቴው ጊዶ፤ ኡፋይቲዲ ዴዒቴ» ያጊስ።
15ኣሳይ ኪሪስቶሳ ናጊሼ ዴዒያ ጊሾ ዮሃኒሳ፥ «ኢ ኪሪስቶሳ ጊዳንዴሻ?» ጊዲ ቆፒዶሶና። 16ዮሃኒሲ ኡባስ ዛሪዲ፥ «ታኒ ሂንቴና ሃን ፃማቃይስ፥ ሺን ታፔ ኣዲ ዎልቃሜይሲ ያና። ታኒ ኢያ ጫማ ዎዶሩዋ ቢላናው ቤሶና ኣሲ። ኢ ሂንቴና ጌሻ ኣያናኒኔ ታማን ፃማቃና። 17ዉዱማን ዴዒያ ካ ፖሎ ጌሻናው ፒይ ኢያ ኩሼን ዴዔስ። ጌሻ ካ ባ ሻሊያን ቆላና፤ ካሊያ ዮና ታማን ፁጋና» ያጊስ።
18ቃሲ ዮሃኒሲ ኣሳ ዳሮ ዞሬ ዞሪዲ ዎንጌላ #3፡18 ዎንጌላ፡ ጊሪኬ ዶናን ዎንጌላ ጊያ ቃላይ ዳሮ ኡፋይሲያ ኦዳ ዎይኮ ሚሺራቾ ጉሱ። ሄ ሚሺራቾይካ ኪሪስቶሲ ኣሳ ዜሬ ኡባ ሜሪና ፒርዳፌ ኣሻናው ኪቴቲዲ ዪዳ ጊታ ኡፋይሳ (ሉቃ 1፡19፤ 2፡10)። ኦዲስ።
19ሺን ዮሃኒሲ ሄሮዲሲ ባ ኢሻ ማቺው፥ ሄሮዲያዳ፥ ኤኪዳ ጊሾኔ ሃራ ኢታ ኦሶታ ጊሾ ካጪዳ ዎዴ#ማቶ 14፡3-4፤ ማር 6፡17-18 20ሄሮዲሲ ካሴይሳ ቦላ ሃራባ ኡባ ጉጂዲ ዮሃኒሳ ዎይኔ ጌልሲስ።
ዬሱሳ ፃማቄቴ
(ማቶ 1፡1-17፤ 3፡13-17፤ ማር 1፡9-11)
21ዮሃኒሲ ቃሼታናፔ ሲን ኣሳ ኡባ ፃማቂዲ ሲሚን፥ ዬሱሲካ ቃሲ ፃማቄቲስ። ኢ ዎሲሺን ሳሎይ ዶዬቲስ። 22ጌሻ ኣያናይ ሆሌዳ ቤንቲሼ ኢያ ቦላ ኡቲስ። ሳሎፔ «ታኒ ዶሲያ ናዓይ ኔና፤ ኔ ታና ኡፋይሳሳ ያጊያ» ቃላይ ዪስ።#ሜ 22፡2፤ ማዝ 2፡7፤ ኢሳ 42፡1፤ ማቶ 3፡17፤ ማር 1፡11፤ ሉቃ 9፡35
23ዬሱሲ ታማርሶ ኦይኪያ ዎዴ ኢያው ሃስታሙ ላይ ጊዲሺን፥ ኣሳይ ኢያ ዮሴፋ ናዓ ጊዲ ቆፒስ።
ዮሴፊ ኤሌ ናዓ፥ 24ኤሌይ ማቴ ናዓ፥
ማቴይ ሌዌ ናዓ፥ ሌዌይ ማልካ ናዓ፥
ማልኬይ ዮና ናዓ፥ ዮኒ ዮሴፋ ናዓ፥
25ዮሴፊ ማታቴ ናዓ፥ ማታቴይ ኣሞፄ ናዓ፥
ኣሞፄይ ናሆሜ ናዓ፥ ናሆሜይ ኣሲሊሜ ናዓ፥
ኣሲሊሜይ ናጌ ናዓ፥ 26ናጌይ ማዓቴ ናዓ፥
ማዓቴይ ማታቲዬ ናዓ፥ ማታቲዬይ ሳማዬ ናዓ፥
27ሳማዬይ ዪሁዳ ናዓ፥ ዪሁዲ ዮናኔ ናዓ፥ ዮናኔይ ራሴ ናዓ፥
ራሴይ ዜሩባቤላ ናዓ፥ ዜሩባቤሌይ ሳላቲያሌ ናዓ፥
ሳላቲያሌይ ኔሬ ናዓ፥ 28ኔሬይ ማልካ ናዓ፥
ማልኬይ ሃዴ ናዓ፥ ሃዴይ ቆሳሜ ናዓ፥
ቆሳሜይ ኤልሞዳኔ ናዓ፥ ኤልሞዳኔይ ኤሬ ናዓ፥
29ኤሬይ ዮሴዔ ናዓ፥ ዮሴዔይ ኣላዛራ ናዓ፥
ኣላዛሪ ዮራሜ ናዓ፥ ዮራሜይ ማቴ ናዓ፥
ማቴይ ሌዌ ናዓ፥ 30ሌዌይ ሲሞና ናዓ፥
ሲሞኒ ዪሁዳ ናዓ፥ ዪሁዲ ዮሴፋ ናዓ፥
ዮሴፊ ዮናኔ ናዓ፥ ዮናኔይ ኤሊያቄሜ ናዓ፥
31ኤሊያቄሜይ ማሊዬ ናዓ፥ ማሊዬይ ማይናኔ ናዓ፥
ማይናኔይ ማቴ ናዓ፥ ማቴይ ናታኔ ናዓ፥
ናታኔይ ዳዊቴ ናዓ፥ 32ዳዊቴይ ኢሴዬ ናዓ፥
ኢሴዬይ ኢዮቤዴ ናዓ፥ ኢዮቤዴይ ቦዔዛ ናዓ፥
ቦዔዚ ሳልሞና ናዓ፥ ሳልሞኔይ ናዓሶና ናዓ፥
33ናዓሶኔይ ኣሚናዳቤ ናዓ፥ ኣሚናዳቤይ ራሜ ናዓ፥ ራሜይ ኣርኔ ናዓ፥
ኣርኔይ ኣስሮሜ ናዓ፥ 34ኣስሮሜይ ፋሬሴ ናዓ፥
ፋሬሴይ ዪሁዳ ናዓ፥
ዪሁዲ ያይቆባ ናዓ፥
ያይቆቢ ዪሳቃ ናዓ፥ ዪሳቂ ኣብራሃሜ ናዓ፥
ኣብራሃሜይ ታራ ናዓ፥ 35ታሪ ናኮሬ ናዓ፥
ናኮሬይ ሳሩጌ ናዓ፥ ሳሩጌይ ሬሁ ናዓ፥
ሬሁይ ፋሌቄ ናዓ፥ ፋሌቄይ ኤቤራ ናዓ፥
ኤቤሮይ ሴላ ናዓ፥ 36ሴሊ ቃይናሜ ናዓ፥
ቃይናሜይ ኣርፋኪሳዳ ናዓ፥ ኣርፋኪሳዴይ ሴሜ ናዓ፥
ሴሜይ ኖሄ ናዓ፥ ኖሄይ ላሜሄ ናዓ፥
37ላሜሄይ ማቱሳላ ናዓ፥ ማቱሳሊ ሄኖኬ ናዓ፥
ሄኖኬይ ያሬዴ ናዓ፥ ያሬዴይ ማላልዔላ ናዓ፥
ማላልዔሊ ቃይናኔ ናዓ፥ 38ቃይናኔይ ሄኖሳ ናዓ፥
ሄኖሴይ ሴታ ናዓ፥ ሴቴይ ኣዳሜ ናዓ፥
ኣዳሜይ ፆሳ ናዓ።
Pilihan Saat Ini:
ሉቃሳ 3: gofENT
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
© 2011, Wycliffe Bible Translators, Inc. All rights reserved.
Pelajari Selebihnya Tentang ኦራ ጫቁዋ ጎፋ
