Ayat-ayat Alkitab Ternama dari ሉቃሳ 3

Berbagi

ዮሃኒሲ ቃሼታናፔ ሲን ኣሳ ኡባ ፃማቂዲ ሲሚን፥ ዬሱሲካ ቃሲ ፃማቄቲስ። ኢ ዎሲሺን ሳሎይ ዶዬቲስ። ጌሻ ኣያናይ ሆሌዳ ቤንቲሼ ኢያ ቦላ ኡቲስ። ሳሎፔ «ታኒ ዶሲያ ናዓይ ኔና፤ ኔ ታና ኡፋይሳሳ ያጊያ» ቃላይ ዪስ።

ዮሃኒሲ ኡባስ ዛሪዲ፥ «ታኒ ሂንቴና ሃን ፃማቃይስ፥ ሺን ታፔ ኣዲ ዎልቃሜይሲ ያና። ታኒ ኢያ ጫማ ዎዶሩዋ ቢላናው ቤሶና ኣሲ። ኢ ሂንቴና ጌሻ ኣያናኒኔ ታማን ፃማቃና።

ሂዛ፥ ሂንቴ ሲሙዋ ቆንጪሲያ ሎዖ ኦሶ ኦቴ፥ ሂንቴ ዎዛናን፥ ‹ኑስ፥ ኑ ኣዋይ ኣብራሃሜይ ዴዔስ ጊዲ ጬቄቶፊቴ።› ሃ ሲዒቴ፥ ሃ ሹቻታፔ ፆሳይ ኣብራሃሜስ ናዓ ኬሳናው ዳንዳዔስ።

ሄኮ፥ ቤፄይ ሚ ፃጶን ዴዔስ። ሂዛ፥ ሎዖ ኣይፌ ኣይፎና ሚ ኡባይ ቃንፄቲዲ ታማን ዬጌታና» ያጊስ።

ሄሲካ ናቤይ ኢሳያሲ ባ ማፃፋን፥ «ባዞ ጊዶን ባ ቃላ ቁ ኦዲ፥ ዋሲያ ኡራ ቃላይ፥ ‹ጎዳ ኦጊያ ጊጊሲቴ፥ ሆሮጋካ ፒዲ ኦቴ። ኣፎ ኡባይ ኩማና፥ ዙማይኔ ዴሬይ ዚቂ ጋና። ዎቤ ኦጌይ ሉላና፥ ጊጎና ሆሮጋይ ቂንፂ ጋና። ኣሾ ማዒዳ ኡባይ፥ ፆሳ ኣሹዋ ቤዓና› » ጊዲ ፃፊዳይሳዳ ሃኒስ።