Ubwandilo Ukwanda
Ukwanda
Itabwa ilyakuti Ubwandilo kokuti, “Ubwandilo ubwa vintu vyosi.” Ibuku ili likunena nizya kupeliwa ukwa chisu chosi, ichifumo icha muntu, ubwandilo ubwa mbibi nintamyo muchisu ichapasi, sona namumo u Chala akabombela nu muntu. Ibuku ilya Bwandilo lingagabiwa muvigaba ivya pamwanya vibili: (1) Ichigaba icha Ukupeliwa ukwa chisu ni mbili iyakwanda iyakunena nizya muntu. Panapa pali imbili iya Adamu nu Eva nu Kayini nu Abeli nu Nowa na mizi aghakwizula, sona ni chitembe icha Babiloni (chaputala 1—11). (2) Ichigaba icha mbili iya banyenya ababwandilo aba Izilayeli. Uwabwandilo we Abulahamu, yuyo akaba mumanyikwe pachifukwa icha lwitiko lwache nukumwivwila u Chala. Ukufuma panapo imbili iya mwana wache u Yisaki, nuluko ulwa Yakobo (yuyo akwitiziwa sona ukuti Izilayeli), sona na bana 12 aba Yakobo, babo bakaba banyenya abaluko 12 aba Izilayeli. Ulufingo ulwapamwanya nkani lwimite pa weka uwa bana bache, yuyo akaba we Yosefu, sona ni vintu vivyo vikamupela u Yakobo na bana bache abanji bala, poka na bamunyumba zyabo ukuti bikalaye mu Ijiputi (chaputala 12—50).
Bo ibuku ili likunena nizya mbili iya bantu, ichabwandilo sona ichapamwanya nkani, chikunena nizya vintu vivyo u Chala akabomba. Lyanda pakusimikizya ukuti u Chala weyuyo akapela ichisu chosi, sona lyamalizya nu lufingo lulo u Chala akapanga ukulanjizya ulughano lwache ku bantu bache. Mwibuku lyosi ili, likunena nkani nizya Chala, yuyo akulonga inongwa nukubafunda abantu babo bakubomba imbibi, akubalongozya nukubavwa abantu bache, sona akuyannya akiza nkani imbili yabo. Ibuku ilya kale ili likasimbiwa ni chifukwa ichakuti bakalondagha ukusimba imbili iya lwitiko ulwa bantu, sona nukubavwa ababelengi bache ukuti babanje nu lwitiko.
Ivyamukasi
Ukupeliwa ukwa chisu chosi na bantu 1.1—2.25
Ubwandilo ubwa mbibi nintamyo 3.1-24
Ukufuma pakabalilo aka Adamu mupaka pakabalilo aka Nowa 4.1—5.32
U Nowa na mizi aghakwizula 6.1—10.32
Ichitembe icha Babiloni 11.1-9
Ukufuma pakabalilo ka Shemu mupaka pakabalilo ka Abulamu 11.10-32
Abanyenya abamanyikwe abakale: U Abulahamu nu Yisaki sona nu Yakobo 12.1—35.29
Abaluko aba Esabu 36.1-43
U Yosefu na bawamwabo 37.1—45.28
Aba Izilayeli mu Ijiputi 46.1—50.26
Pilihan Saat Ini:
Ubwandilo Ukwanda: LMB2024
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Lambya Bible © Bible Society of Malawi, 2024.