ROMANUN 7
7
1Kah nuh ween kekekanduhsenahwah, nejekewaëdoog, (neguhnoonaug muh egewh kakandungig ewh tebahkoonegawin,) ewh enene oogemahkundahgood ewh tebahkoonegawin menik bemahdezid?
2Owh gooshah equa wanahbamid oodebanemegoon enewh oonahbamun, debishkoo ekedoomahguk ewh tebahkoonegawin, menik bemahdezenid; kishpin dush keneboonid enewh oonahbamun, puhgedenah kahezhedebanemegoopun enewh oonahbamebuneen emuh tebahkoonegawining.
3Kishpin dush, magwah bemahdezenid oonahbamun, wedegamaud enewh pakahnezenejin enenewun, peshigwahdeze tahenah: kishpin dush keneboonid oonahbamun puhgedenegahzoo emuh oonje ewh tebahkoonegawining; kah dush pezhigwahdezese, ahnoo goo wedegamaud pakahnezenejin enenewun.
4Mesuh, nejekewaëdoog, kuhya kenuhwah azhenebootuhmag ewh tebahkoonegawin oonje ooweyowing owh Christ; cheweedegamag pakahnezid, me suh owh kahahbejebahind oonje neboong, cheöonje‐mekoogeetuhmoowung owh Kesha‐Muhnedoo ewh meenewinun.
5Uhpe kahdebandahgoozeyung emuh weyahsemaung, enewh kemujje‐nunduhwanduhmoowenenahin kahahyahgin oonje ewh tebahkoonegawin, keähnookeemahgudoon emuh kepukkawezewinenahning chemahjegetooyung enewh neboowine‐meenewinun.
6Noongoom dush kepuggezekahgoomin emuh oonje tebahkoonegawining, keneboomahguk ewh kahminjemene-gooyungoobun; cheëzhebuhmeetahgayung emuh ooshke-enahdezewining kahween emuh kata ezhetwahwining.
7Ahneen dush kaëkedooyung? mujje‐ezhewabud nuh ewh tebahkoonegawin? Kah bahpish ezhewabussenoon. Kahween nindahgekekanduhseen ewh mujje‐ezhewabezewin, me atuh oonje tebahkoonegawining: kah muh nindahgekedanduhseen ewh shoobeëgoowin, pwah ekedoomahgukebun ewh tebahkoonegawin, Kahween kegahshoobeëgooseen gagoo.
8Mujje‐ezhewabezewin suh, oonje ewh tebahkoonegawin, keähnookeemahgud emuh peenjenuh cheühchegahdag ahnooj mujje‐nundahwanduhmoowin. Keähyahsenoogebun ewh tebahkoonegawin tahgeneboomahgud ewh mujje‐ezhewabezewin.
9Kuhyet kekekanduhsewaunbaun ewh tebahkoonegawin ningebemahdezenahbun, uhpe dush kahöodissegooyaun ewh tebahkoonegawin, mujje‐ezhewabezewin nayaub kebemahdezemahgud, me dush kenebooyaun neen.
10Kuhya ewh enahkoonegawin, kahoonje‐oozhechegahdag chebemahdezing, ningemekaun neboowining cheenandahgwuk.
11Mujje‐ezhewabezewin muh oonje ewh tebahkoonegawin ningewuhyazhemegoon, me dush kahezhenesegooyaun.
12Benuh dush, ewh tebahkoonegawin peenud, kuhya ewh kuhgequawin peenud, kuhya quuhyukwud, kuhya oonesheshin.
13Menuh ewh wanesheshing kahoonjenebooyaun? Kah bahpish. Ewh suh mujje‐ezhewabezewin, chekekandahgwuk azhemujje‐ezhewabuk, keähnookeemahgud chenebooyaun oonje ewh wanesheshing; ewh mujjeëzhewabezewin chekuhgwahnesugge‐mujje‐ezhewabuk ewh enahkoonegawin oonje.
14Kekekandahmin suh ewh tebahkoonegawin oojechaugwandahgwuk: neen dush ninduhkeewandahgooz, ahpeche debandahgoozeyaun emuh mujje‐ezhewabezewining.
15Kah muh neminwanduhseen ewh azhechegayaun: ewh manwanduhmaun kahween nindezhechegase; ewh shaunganduhmaun nindezhechega.
16Kishpin dush azhechegayaun ewh manwanduhsewaun, nedebahdoodaun ewh tebahkoonegawin cheöonesheshing.
17Kah suh kayahbe neen nindahwese owh azhechegad, ewh suh mujjeëzhewabezewin peenjenuh neyowing anduhnezemahguk.
18Nekekandaun muh ewh kekishkunsewaun gagoo wanesheshing emuh neweyausing; ahnoo goo nindenandum, ewh suh chekeezhetooyaun ewh wanisheshing kahween nemekunseen.
19Ewh muh wanisheshing nanduhwanduhmaun, kahween nindoodunse, ewh atuh mujje‐uhyeewish manwanduhsewaun, me ewh andooduhmaun.
20Benuh dush dooduhmaun ewh manwanduhsewaun, kah neen kayahbe nindahwese owh andoodung, mujje‐ezhewabezewin atuh peenjenuh neyowing anduhnezemahguk.
21Nemekaun dush pazhik tebahkoonegawin, uhpe nanduhwanduhmaunin chemenoo‐dooduhmaun, mujjeëzhewabezewin pashoo peähyahmahgud.
22Neminwandaun ewh ootebahkoonegawin owh Kesha‐Muhnedoo peenjenuh nindezhetwahwining:
23Newahbundaun pakahnuk tebahkoonegawin emuh nepukkawezewining, mahgahduhmoomahguk nindenanduhmoowining duhzhe‐tebuhkoonegawin, ezheweenegooyaun dush emuh kadebanemegooyaun ewh mujje‐ezhewabezewine tebahkoonegawin emuh nepukkawezewining anduhgoomahguk.
24Oh katemahgezeyaun aneneweyaun! ahwanan kawabenuhmahwid maunduh neboowine‐weyowemah?
25Nemahmooyahwahmah owh Kesha Muhnedoo oonje owh Jesus Christ Tabanemenung. Emuh dush nindenanduhmoowining nebuhmeetaun ewh ootebahkoonegawin owh Kesha‐Muhnedoo; emuh dush neweyausing nebuhmeetaun ewh mujje‐ezhewabezewine tebahkoonegawin.
Pilihan Saat Ini:
ROMANUN 7: OTW
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.