ROMANUN 4
4
1Wagoonan dush kaëkedooyung owh koosenaun Abraham kemekung anandahgwuk weyahsemah?
2Kishpin Abraham emuh ahnookewining kequuhyuk‐ezhewabezeïnd, oodahyaun suh gagoo kaöonje‐mahmik-wahzoopun; kahween emuh ahahsuhmuhbid owh Kesha‐Muhnedoo.
3Ahneen muh akedoomahguk ewh kechetwah‐oozhebeëgawin: Abraham oogedabwatuhwaun enewh Kesha‐Muhnedoon, me dush oo‐oo kahoonjeënuhgemind ewh kequuhyuk‐ezhewabezid.
4Owh muh anookeed kahween shahwanemah ename-mahse gagoo mahnindjin, tebahahmahwah, enugemah.
5Owh dush anookesig, dabwayanemaud atuh enewh quuhyuk‐ezhewabezeähnejin enewh maje‐ezhewabezenejin, mesuh owh, quuhyuk‐ezhewabeze kaënugemind oodabwayanduhmoowin oonje.
6Debishkoo owh David wuhyahweendung ewh ooshahwandahgoozewin owh enene quuhyuk‐ezhewabeze kaënugemegood enewh Kesha‐Muhnedoon ahnoo ayahsig ahnookeewinun,
7Oo‐oo keëkedood, Shahwandahgoozewug egewh kahwabenuhmoowindjig oomujjeëzhewabezewinewah, kuhya oobahtahzewinewah kahahgwunuhegahdanig.
8Shahwandahgooze suh owh enene, mujje‐ezhewabeze, kaënanenemegoosig enewh Kesha‐Muhnedoon.
9Maunduh shahwandahgoozewin oodoodissegoonahwah nuh atuh egewh kakenoowahje‐kishkezhegahzoojig, gamuh kuhya egewh pwahyah‐kekenoowahje‐kishkezhegahzoojig? kedekedoomin muh ewh dabwayanduhmoowin keähginduhmoowah owh Abraham debishkoo quuhyuk‐ezhewabezewin.
10Ahneen dush kahezheähginduhmahwind? uhpe kahkenoowahje‐kishkezhegahzood? gamuh pwah‐kekenoowahje‐kishkezhegahzood? Kah suh ween emuh kekenoowahje‐kishkezhegahzoowining, pwah‐kekenoowahje‐kishkezhegahzood suh goo.
11Oogeöodahpenaun dush ewh kekenoowahje‐kishkezhegahzoowin, chekekenoowahduk ewh quuhyuk‐ezhewabezewin kahoonjeemahguk emuh dabwayanduhmoowining keähyaud pwah muhshe kekenoowahje‐kishkezhegahzood: cheöoyoosemegood kuhkenuh enewh duhyabwayanduhmenejin, mesuhwah goo pwah‐kekenoowahje‐kishkezhegahzoomenid; kuhya wenuhwah cheënuhginduhmoowindwah ewh quuhyuk‐ezhewabezewin:
12Kuhya cheöoyoosemegood enewh kakenoowahje‐kishkezhegahzoonejin, kahween atuh enewh kakenoowahje‐kishkezhegahzoonejin, kuhya oonoo bamoosanejin emuh oodabwayanduhmoowining koosenaun Abraham, kahezhedabwayandung pwah muhshe kekenoowahje‐kishkezhegahzood.
13Ewh muh wahweenduhmahgawin, chedebandung uhkee, kahween owh Abraham, gamuh oonejahnesun emuh tebahkoonegawining keöonjesinsenene, emuh suh atuh dabwayanduhmoowine‐quuhyuk‐ezhewabezewining.
14Kishpin dush egewh tebahkoonegawining dabandahgoozejig debandahsoowaud, kah ningood tahenahbuttussenoon ewh dabwayanduhmoowin, kah kuhya tahahnooke-mahgussenoon ewh wahweendahmahgawin:
15Chenishkanemegooyung mahween enuhnookemahgud ewh tebahkoonegawin: emuh ayahsenook ewh tebahkoonegawin kahween ahyahsenoon ewh bahtahzewin.
16Medush dabwayanduhmoowining wandahduk, wanepuzh shahwanemegooyung oonje; cheöonje‐debanduhmoowaud ewh wahweendahmahgawin kuhkenuh egewh wanejahnesemindjig; kahween atuh goo egewh kahoonejahnesemindjig emuh oonje tebahkoonegawining, egewh suh goo kuhya wanejahnesemindjig oonje oodabwayanduhmoowining owh Abraham; owh kuhkenuh wayoosemung,
17(Debishkoo azhebeëgahdag, Kegeëzheïn cheöoyoosemikwah nebewah papuhkaun azheweenzoojig ahnishenahbag,) emuh anahsuhmenid enewh kahdabwayanemahjin, mesuh enewh Kesha‐Muhnedoon, owh nayaub bamahdezeäud enewh naboonejin, kuhya nandoodung enewh uhyeëen ayahsenigoon debishkoo goo ayahnegebuneen.
18Owh ahnoo goo kewahbunduhsig ahpanemoowin, kahdabwayandung ewh apanemoowin e‐ewh cheöoyoosemegood nebewah papukkaun azheweenzoonejin ahnishenahban, debishkoo ewh kahekedoongebun, Mesuh kemenekaun kaëzhewabuk.
19Kah dush ween kepajewese emuh dabwayanduhmoowining, kah dush oogenahnahgahdahwanduhse tebenuhwa weyow ahzheneboomahgudenig uhpe kahningoodwauk‐duhsoo‐pepoon‐uhgezid, kuh kuhya kahezhe‐neboomahgudenig Sarah oonegeähwahsoowin:
20Kahween oogeähgoonwatunse ewh Kesha‐Muhnedoo oowahweendahmahgawin chepwah‐dabwayanduhmoowining, kesoongedaä dush emuh dabwayanduhmoowining kepeshegandahgoozeäud enewh Kesha‐Muhnedoon;
21Quuhyuk kekandung, ewh kahwahweendung owh Kesha‐Muhnedoo, ookushketoon cheëzhechegad.
22Mesuh kahoonje‐enugginduhmoowind ewh quuhyuk‐ezhewabezewin.
23Kahween gooshah ween atuh keöonje‐oozhebeëgahdasenoon, cheënuhginduhmoowind;
24Kuhya kenuhwind oonje, kaënuhginduhmahgooyung, kishpin dabwayanemung owh kahahbejebahaud enewh Tabanemenung Jesus oonje neboowining;
25Owh kahpuggedenind kemujje‐ezhewabezewinenahnin oonje, kuhya kahahpejebahind kequuhyuk‐ezhewabezeëgoowinenahnin oonje.
Pilihan Saat Ini:
ROMANUN 4: OTW
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.