OODEZHECHEGAWINEWAH 9
9
1Saul dush, kepahbahsagemaud kuhya kepahbahnesaud enewh ookekenooähmahgunun owh Tabaningad, oogehahnun enewh keche‐sahsahgewejega‐wenenewun,
2Oogenundooduhmoowaun dush enewh mahjebeëgunun weëzhaud ewede Damascusing duhzhe ahnuhmeä‐weguhmigoong, kishpin mekahwaud ahweyah oo‐oo azheähnuhmeähnejin, enenewun gamuh equawun, chepeenaud minjemahpezoonid emuh Jerusaleming.
3Magwah dush uhnebemoosad, pashoo dush uhneähyaud emuh Damascusing: chasekah oogewahsashkahgoon kezhegoong oonje wahsayahzewin:
4Kepungeshin dush emuh metushkuhkummig, oogenoondaun dush inwawin oo‐oo keëgood, Saul, Saul, ahneeshwin kooduggeëyun?
5Oo‐oo dush keëkedoo, Ahwanan keen, Tabaningayun? Tabaningad dush oo‐oo keëkedoo, Nindow Jesus quaduggeëyun: sunnuhgud suh chedungishkuhmun enewh kahnaugin.
6Ween dush kenahningishkah kuhya kemahmahkahdandum oo‐oo keëkedood, Tabaningayun, wagoonan nunduhwanemeyun cheëzhechegayaun? Owh dush Tabaningad oo‐oo oogeënaun, Puhsegween, ezhaun dush ewede keche‐oodanaung, ewede dush kegahweenduhmahgoo ewh kaëzhechegayun.
7Egewh dush enenewug kahweejewahjig kenebahwewug kuhnuhga kekedoosigwah, kenoonduhmoowaud inwawin, kewahbuhmahsigwah ahweyah.
8Saul dush kepuhsegwe oonje metushkuhkummig, uhpe dush kahdooshkahbid, kahween oogewahbuhmahseen ahweyah: oogeühnesuhgeneenjeöosahahwaun dush keëzheweenahwaud dush ewede Damascusing.
9Nesoogoon dush kahween kewahbese, kah dush kewesenese, kah kuhya kemenequase.
10Keähyah dush pazhik kekenooähmahgun ewede Damascusing, Ananias azhenekahzood; mesuh enewh owh Tabaningad kahguhnoonahjin emuh enahbunduhmoowining oo‐oo keënaud, Ananias. Oo‐oo dush oogeëgoon, Benuh, oomah nindahyah, Tabaningayun.
11Owh dush Tabaningad oo‐oo oogeënaun, Puhsegween, ezhaun ewede anenuhmook oodanah‐meekun quuhyukquahmook aduhming, kuhgwadwan emuh oowegewauming owh Judas, kishpin ahyahgwan pazhik enene Saul azhenekahzood, Tarsusing duhzhe enene: ahnuhmeäh gooshah,
12Oogebahwahnaun suh pazhik enenewun Ananias azhenekahzoonejin pepeendegahgood, taungenegood dush, cheöonjewahbeïnd.
13Ananias dush oogenuhquatuhwaun, Tabaningayun, ningenoonduhwaug nebewah enahjemahwaud oonoo enenewun, menik kahmujje‐doodahwahnid anuhmeätookig ewede Jerusaleming:
14Oomah dush peëzhaud oomeenegoon enewh keche‐sahsahgewejega‐wenenewun ewh kushkeäwezewin cheminjemahpenaud kuhkenuh wuhyahweenduhmenejin kedezhenekahzoowin.
15Owh dush Tabaningad oo‐oo oogeënaun, Mahjaun; ningewuhwanahbuhmah suh, cheëzhewetood nindezhenekahzoowin emuh anduhzhe ahyahnid enewh mayuggezenejin, kuhya enewh keche‐oogemaun, kuhya oonejahnesun owh Israel:
16Ningahwahbundahah gooshah menik kakeche‐kooduggetood oonje ewh nindezhenekahzoowin.
17Kemahjah dush owh Ananias, keühnepeendega dush emuh wegewauming; keähtahwaud dush enewh ooneenjeen emuh weyowening, oo‐oo oogeënaun, Nejekewa Saul, owh Tabaningad, Jesus, kahwahbuhmud emuh meekunaung kepebemoosayun, ningepeähnoonik, cheoonjewahbeëgooyun, chemooshkenashkook owh Keche‐Oojechaug.
18Kazhetena dush keöonjepungesinoon emuh ooshkinzhegoong debishkoo oonuhgahuhyun: bahbega dush kewahbeäh, kepuhsegwe, kuhya kebaptizooäh.
19Uhpe dush kahwesenid, kemushkahweze. Nebewah duhsuhgoon owh Saul oogeweejewaun enewh kekenooähmahgunun emuh Damascusing kahahyahnejin.
20Bahbega dush kekuhgequa emuh ahnuhmeä‐weguhmigoong, keënahjemaud enewh Christun, ahwenid Kesha‐Muhnedoo Oogwissun.
21Kuhkenuh dush kahnoondahwahjig kemahmahkahdanduhmoog, oo‐oo dush keëkedoowaud, Kahnuh ween mahbuh ahwese owh kahbahnahjeäud kuhkenuh enewh wuhyahweenduhmenejin maunduh ezhenekahzoowin ewede Jerusaleming, oo‐oo dush kahpeöonzekaud oomah peëzhaud, cheoonjeminjemahpenaud kuhya cheëzheweenaud ewede ahyahnid enewh sahsahgewejega‐wenenewun?
22Ashkum dush kemushkahweze owh Saul, oogewahwuneäun dush enewh Jewyun ewede Damascusing kahahyahnejin, kewahbunduhewad ewh kagate ahwenid Christ.
23Bahnemah dush kahdebishkoosag nebewah kezhegudoon, kekahkekedoowug egewh Jewyug wenesahwaud:
24Saul dush oogekekanemaun wenesegood enewh. Keähkahwahbewug kahzhegudenegin kuhya tabekudenegin ashquaundamewung oodanah wenesahwaud.
25Egewh dush kekenooähmahgunug oogeöodahpenahwaun nebah‐tebik, kuhya oogenesahbeginahwaun wahkaheguning oonje emuh kookoobenahguning.
26Uhpe dush kahtuhgwishing owh Saul ewede Jerusaleming, keënandum cheweejewaud enewh kekenooähmahgunun: kuhkenuh dush oogekoosahwaun, kah dush kedabwatunsewug chekekenooähmahgunewenid.
27Barnabas dush oogeöodahpenaun, oogeëzheweenaun dush emuh ahyahnid enewh apostleün, keweenduhmahwaud dush ewh kewahbuhmahnid enewh Tabaninganejin emuh meekunaung, kuhya keguhnoonegood, kekeche‐kuhgequanid dush emuh Damascusing oodezhenekahzoowining owh Jesus.
28Oogeweejewaun dush enewh kekenooähmahgunun kepuhpeendegad kuhya kesuhsahguhung ewede Jerusaleming.
29Kekuhgequa dush emuh oodezhenekahzoowining owh Tabaningad Jesus, oogekeche‐guhnoonaun enewh Hellenistun: oogepahbahnundahnesahwaun dush.
30Egewh dush kekenooähmahgunug uhpe kahkekanduhmoowaud ewh, oogeëzhewenahwaun ewede Cesareaïng, kuhya oogeëzhenahzhahwahwaun ewede Tarsusing.
31Me dush keäunwabewaud kuhkenuh egewh anuhmeähjig anegookookummegaug Judæä kuhya Galilee kuhya Samaria, ashkum dush kemushkahwanduhmoog; kebemoosawug emuh ookoosegoowining owh Tabaningad, kuhya emuh oomenoodaäshkahgawining owh Kache‐penezid‐Oojechaug, ashkum dush kemeshenoowug.
32Kepuhgumme‐ahyahmahgud dush, uhpe minze pahbahmoosad owh Peter, oogenaunzekahwaun enewh anuhmeähnejin Lyddaïng ayahnejin.
33Me emuh kemekahwaud pazhik enenewun Æneas azhenekahzoonejin, kahshingeshinenejin emuh nebahguning nishwauswe kekenoonoowinun kahneboowahpenanejin.
34Peter dush oo‐oo oogeënaun, Æneas, kenoojemooïk suh owh Jesus Christ; puhsegween, oozhetoon kenebahgun. Kazhetena dush kepuhsegwe.
35Kuhkenuh dush kahduhnuhkeejig ewede Lyddaïng kuhya Saroning oogewahbuhmahwaun, keëzhequakeewug dush chewebuhmeetahwahwaud enewh Tabaninganejin.
36Keähyah dush ewede Joppaïng pazhik kekenooähmahgun Tabitha azhenekahzood, mesuh ahnekenootuhming Dorcas: owh dush equa oogemooshkenashkahgoonun enewh menoo‐ahnookewinun kuhya shahwanjegawinun kahezhechegad.
37Kepuhgumme‐ahyahmahgud dush uhpe oonoo kezhegudoon, keähkoose, kuhya dush keneboo; uhpe dush kahkesebeeginahwaud, oogeähsahwaun emuh ish pemesuh-goong duhzhe uhbenahsoowining.
38Kepashoowud suh Lydda emuh Joppaïng, kahnoonduhmoowaud egewh kekenooähmahgunug ewede ahyahnid Peterun, oogeëzhenahzhahwahwaun neezh enewh enenewun, chenundoomahnid waweeb chepeëzhahnid.
39Me dush kepuhsegweed owh Peter keühneweejewaud dush. Uhpe dush tagwishing, oogeëzheweenahwaun ewede ishpemesuhgoong duhzhe uhbenahsoowining; kuhkenuh dush egewh shagahwejig oogeweejekahbahwetahwahwaun mahwewaud, kuhya wahbunduhewawaud keche‐nebewah puhpeensekahwahgunun kuhya enewh ahgwewinun kahoozhetahmahgoowaud enewh Dorcasun, magwah weejahyahwahwaud.
40Peter dush uhpe kahsahgechenahzhahwaud kuhkenuh, keöojecheengwunetum, keähnuhmeäh dush; kequakekahbahwetahwaud dush enewh chebuyun oo‐oo keëkedoo, Tabitha, oonishkaun. Kedooskahbe dush ween: uhpe dush kahwahbuhmaud enewh Peterun, kenuhmuhduhbe.
41Keshebenekatahwaud dush, oogeöonishkahbenaun, uhpe dush kahnundoomaud enewh anuhmeähnejin, kuhya enewh shagahwenejin, oogepuhgedenaun emuh ooneenjening bemahdezenid.
42Kekekandahgwud dush maunduh emuh anegookwaug Joppa; nebewah dush oogedabwayanemahwaun enewh Tabaninganejin.
43Kepugguhme‐ahyahmahgud, keduhneze nebewah kezhegudoon ewede Joppaïng keweedegamaud enewh Simonun ahsaka‐wenenewun.
Pilihan Saat Ini:
OODEZHECHEGAWINEWAH 9: OTW
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
