OODEZHECHEGAWINEWAH 22
22
1Enenewedoog, wejekewamahdoog, kuhya oosemahdoog, bezinduhweshig, noongoom wahenenuhgoog kuhnoodahmahzooyaun.
2(Uhpe dush kahnoonduhwahwaud cheHebrewemoonid, ashkum kepezaune‐kahbahwewug: oo‐oo dush keëkedoo),
3Kagate neJew‐enenewh, Tarsusing keduhzhe‐negeyaun, Ciliciaïng duhzhe keche‐oodanah, keche‐oodanaung ningeduhzhe‐netuhwuggeëgoo emuh oosittaung owh Gamaliël, quuhyuk dush ningeëzhekekenooähmahgoo anandahgwudenig ootebahkoonegawinewaun egewh wayoosemindjig, ningekeche‐minwawiz keähnookeetuhwug Kesha‐Muhnedoo debishkoo kenuhwah kuhkenuh noongoom kezheguk azheähnookeetuhwag.
4Kuhya ningekootuggetoon maunduh ezhetwahwin peenish keneshewayaun, ketuhkoobenugwah kuhya kepeenj-wabenugwah emuh kebahquahoode‐weguhmigoong enenewug kuhya equawug.
5Mesuh kaënahjemid owh keche‐sahsahgewejega‐wenene, kuhya kuhkenuh egewh katezejig: me suh oogoo kahmeezhejig muzzeneëgunun chemeenugwah egewh we jekewaëmaug, ningeëzhah, dush ewede Damascusing, chepeëzhewenugwah egewh ewede ayahjig kahminjemahpe nindwah, oomah Jerusaleming chekooduggeïndwah.
6Kepuhgumme‐ahyahmahgud dush magwah uhneühpesekahyaun, kuhya zhuhyegwah kahtuhgwishenaun cheguhyeëe emuh Damascusing nuhyahwukwag, chasekah kezhegoong keöondahtahmahgud keche‐wahsayahzewin, kekeche‐wahsayah dush kewetuhyeëe azheähyahyaun.
7Uhkeeng dush ningeëzhekahwesa, ningenoondaun dush inwawin oo‐oo keëgooyaun, Saul, Saul, wagoonan wanje-kooduggeëyun?
8Neen dush ningenuhquatuhwah, Anwanan keen, Tabaningayun? Oo‐oo dush ningeik, Nindow Jesus Nazarething duhzhe‐enene gwattuggeëyun.
9Egewh dush kahweejewugig kagate oogewahbundahnahwah ewh wahsayahzewin, kesagezewug dush; kah dush oogenoonduhsenahwah ewh oodinwawin owh kahguhnoozhid.
10Oo‐oo dush ningeëkid, Ahneen kaëzhechegayaun, Tabaningayun? Owh dush Tabaningad oo‐oo ningeïk, Puhsegween, ezhaun dush emuh Damascusing, me dush ewede kaduhzhe‐wahweendahmahgooyun kuhkenuh enewh uhyeëen pagedenuhmahgooyunin cheëzhechegayun.
11Uhpe dush kewahbesewaun kah‐apeech‐peshegan-dahgwuk ewh wahsayahzewin, ningeühnesahgeninjeöosahegoog egewh kahweejewugig, me dush ketuhgwishenaun emuh Damascusing.
12Pazhik dush Ananias azhenekahzood, natuh‐ahnuhmeäud enene debishkoo azhesing ewh tebahkoonegawin, kahminwahjemegood kuhkenuh enewh Jewyun ewede anduhnuhkeenejin.
13Ningepeöodissik, kenebahwid, oo‐oo dush keëzhid, Nejekewa Saul, nayaub wahbin. Ewh dush nahsaub tebahegun ningewahbuhmah.
14Oo‐oo dush keëkedoo, Wakesha‐Muhnedoomegood enewh kooseminahbuneen kegewahwanahbuhmik, chekekanduhmun oodenanduhmoowin, kuhya chewahbuhmud owh Qunhyukwahdezid, kuhya chenoonduhmoowud anwamahgudenig oodoon.
15Kedahnoonik suh dush chedebahjemootahwudwah kuhkenuh egewh enenewug ewh kahnoonduhmun kuhya kahwahbunduhmun.
16Wagoonash dush wanje‐pezaun‐uhbeyun? puhsegween, chebaptizooëgooyun, kuhseyahbahwetoon dush kemujjeëzhewabezewinun, kewahweenduhmun oodezhenekahzoowin owh Tabaningad.
17Kepuhgummeähyahmahgud dush, uhpe menuhwah kahpetuhgwishenaun oomah Jerusaleming, magwah ahnuhmeähyaun emuh keche‐ahnuhmeä‐weguhmigoong, ningewuhnemikow;
18Ningewahbuhmah dush oo‐oo ezhid, Waweebetaun, Jerusaleming kazhetin oonjemahjaun, kah muh kegahbezindahgooseeg kaënahjemeyun.
19Oo‐oo dush ningeëkid, Tabaningayun, ninkekanemigoog, kekebahquahugwah kuhya kepuhzhunzhaügwah emuh kuhkenuh ahnuhmeä‐weguhmigoong egewh duhyabwayanemikig:
20Uhpe dush keöonjegahtahmoowind comisqueem owh Stephen owh kedezhetwahwin kahoonjenesind, ningeweedookauz kenesind kuhya keguhnuhwanduhmoowugwah oodahgwewinewaun egewh kahnesahjig.
21Oo‐oo dush ningeïk, Mahjaun: wahsah kegahezhenahzhahoon emuh mayuggezejig ahyahwaud.
22Oogebezindahwahwaun dush nahnaunzh oo‐oo keëkedood, me dush uhpe keähshequawaud, oo‐oo keëkedoowaud, Ahwus mahjeweezh mahbuh enenewish uhkeeng oonje, kah muh ahpeetandahgoozese chebemahdezid.
23Magwah dush ahshequawaud, kuhya kekesekuhmoowaud enewh oodahgwewinewaun, ningooje dush uhpuhgeduhmoowaud, kuhya keöombewabenuhmoowaud ewh weyuggussa,
24Owh keche‐menesenoo‐oogemah keëkedoo chepeendeguhnemind, emuh keche‐wahkaheguning, kuhya keühnookee chepuhzhunzhaöomind cheöoonjekuhgwajememind, wagoodoogwan kahoonje‐keche‐pepahgemahwindan.
25Magwah dush tuhkoobenahwaud enewh peshahgunahbeen, Paul oogeënaun, enewh menesenoo‐oogemaun pashoo nahbahwenejin, Kekushkeäwezeem nuh chepuhzhunzhawag Romane‐enene pwah nahneboomind?
26Uhpe dush owh menesenoo‐oogemah kahnoondung oo‐oo, oogeähweweenduhmoowaun enewh keche‐menesenoo‐oogemaun, oo‐oo keëkedood, Nahnahguhdahwahbundun ewh wahezhechegayun: Romane‐wenenewe mahbuh.
27Medush kepeöodissegood enewh keche‐menesenoo‐oogemaun, oo‐oo keëgood, Weenduhmooweshin, keRomane-wenenewh nuh? ween dush keëkedoo, Menungakah.
28Owh dush keche‐menesenoo‐oogemah oo‐oo keëzhenuhquatum Nebewah shooneäh ningetebahahmahga cheöonje‐kishpenuhtooyaun maunduh ahpetandahgoozewin. Paul dush keëkedoo, Neen dush ningeëzheneeg.
29Medush kazhetena kenuhguhnegood enewh wahkooduggeëgoopuneen: kesageze dush owh keche‐menesenoo‐oogemah, uhpe kakenemaud cheRomane‐wenenewenid, oonje ewh ketuhkoobenaud.
30Wuhyahbung dush, keënandung wawane wekekandung wagoodoogwan kahoonjeähnahmemigoogwan enewh Jewyun, oogeähbahahmahwaun enewh ootuhkoobezoowinene, keëkedoo dush enewh keche‐sahsahgewejega‐wenenewun kuhya enewh ookekedoo‐wenenemewaun chepenahgoozenid, oogepeenaun dush enewh Paulun, keähsaud dush emuh anahsuhmenid.
Pilihan Saat Ini:
OODEZHECHEGAWINEWAH 22: OTW
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
