OODEZHECHEGAWINEWAH 20
20
1Uhpe dush kahishquah‐oombuhzhekummeguk, Paul oogenundoomaun enewh kekenooähmahgunun, kuhya kahähnuhmekahwaud, kemahjah weëzhaud ewede Macedoniaïng.
2Uhpe dush kahpemoosahdung oonoo duhnuhkeewinun, nebewah dush kahkuhgekemaud, kepeëzhah emuh Greece‐ïng.
3Nesoo‐keezis dush emuh keähyah. Uhpe dush enewh Jewyun akuhmahgood, magwah weënahshid emuh Syriaïng, keënandum pemekewad chepeëzhaud emuh Macedoniaïng.
4Oogeühneweejewaun ewede Asiaïng Sopaterun Bereaiïng duhzhe enenewun kuhya Aristarchusun kuhya Secundusun, Thessalonicaïng duhzhe enenewun, kuhya Gaiusun Derbeïng duhzhe enenewun, kuhya Timotheusun, Tychicusun kuhya Trophimusun Asiaïng duhzhe enenewun.
5Oogoo dush keühnenegahnewaud ningepeëgoonahnig ewede Troasing.
6Philippiïng dush ningeöonjemahjeähshemin kahishquah‐aumwahwaud enewh wambishkahsenegoon buhquazhegunun, ningeöodissahnahnig emuh Troasing naunuhgoonuhguk; ewede dush ningeähyahmin neezhwahswe kezhik.
7Netum kezheguk kahishquah‐aunwabe‐kezheguk, uhpe kemahwunjeëdewaud egewh kekenooähmahgunug chebuhquabenahwaud buhquazhegun, Paul oogekuhgekemaun, ewh wahyahbunenig wemahjaud; kekuhgequa dush nahnauzh ahyahbetah‐tebekudenig.
8Nebewah dush wahsuhkoonanjegunun kewahsahkoo-nawun ewede ishpemesuhgoong duhzhe ahbenahsoowining, kahduhzhe‐mahwunjeëdewaud.
9Kenuhmuhduhbe dush pazhik ooshkenuhwa emuh wahsacheguning Eutychus kahezhenekahzood, kahkeche‐nebaud: Paul dush keche‐kinooazh kekuhgequad, kekahwesa owh ooshkenuhwa magwah nebaud, keöondahgoojin dush ewede nesing ishpemesuhgookahdag ewh wegewaum, keneboo dush uhpe wambenind.
10Paul dush kenesaunduhwa, kekahwesa dush emuh weyowening, keöojeemaud oo‐oo keëkedood, Kagoo kushkandunkagoon; ookekishkaun suh oobemahdezewin.
11Uhpe dush menuhwah kahahquaunduhwad, kuhya kahbuhquabenaud enewh buhquazhegunun, kahwesenid dush, kinooazh dush kekekedood, nahnauzh pahtahbunenig, medush keëzhemahjaud.
12Oogepeenahwaun dush enewh ooshkenuhwan bemahdezenid, punge nunga kemenoodaäähwug.
13Nenuhwind dush ningenegaun‐mahjeähshemin, ningeënahshemin dush ewede Assosing, ningeënandahmin ewede chepoozeüngid owh Paul; me muh ween kahenahkoonegad, keënandum suh cheühne‐metoosad.
14Uhpe dush nagishkahwungid ewede Assosing ningepoozeähnaun, keëzhahyaung dush ewede Mityleneïng.
15Ewede dush ningeöonjemahjeyahshemin, wuhyahbung dush ningeähyahmin debishkoo Chios; menuhwah dush wuhyahbung ningetuhgwishenoomin emuh Samosing, ningenuhkoowa‐duhnezemin emuh Trogylliuming; kuhya wuhyahbung ningetuhgwishenoomin ewede Miletusing.
16Paul muh keënahkoonega Ephesusing chekahbek-ahshid, kah muh keënanduhse kinooazh cheähyaud emuh Asiaïng; kewaweebandum muh, kishpin kushketood cheähyaud emuh Jerusaleming uhpe oojechesanig keche‐ahnuhmeä‐kezhik Pentecost azhenekahdag.
17Miletusing dush oogeöonjeëzhenahzhahwaun enewh enenewun cheëzhahnid emuh Ephesusing chenundoomindwah egewh katezejig emuh ahnuhmeähwining.
18Uhpe dush kepeöodissegood enewh, oo‐oo oogeënaun, Kekekandahnahwah, ewh moonzhug azhewabezeyaun weejewenenuhgoog pahahkootuhgwishenaun wuhyashkud emuh Asiaïng,
19Kahezhebuhmeetuhwug owh Tabaningad emuh kuhkenuh ahgahsanemoowining, kuhya nuhningim kemahweyaun, kuhya nebewah kuhgwatebanemegoowining, kahpeöodissegooyaun keühkuhmahwewaud egewh Jewyug.
20Kah dush ningeshahgwanemoose cheweenduhmoonenuhgoog kuhkenuh menik nanduhwandahgoozeyag chenoondahmag, kegewahbundahenim dush, kuhya kegeke-kenooähmoonenim emuh anduhzhe‐mahwunjeëding, kuhya emuh kewegewaumewaung.
21Kedebahjemootuhwugwah egewh Jewyug, kuhya goo egewh Greekug aunwanindezoowin anuhkuhkayah Kesha‐Muhnedoo, kuhya dabwayanduhmoowin anuhkuhkayah Tabaningad Jesus Christ.
22Noongoom dush, benuh, azhenunduhwandahgoozeyaun emuh ninjechaugoong nindezhah ewede Jerusaleming, kekanduhsewaun nuhmunj kadoodahgoowaunan ewede:
23Me atuh kakanduhmaun debahjemood owh Keche‐Oojechaug emuh auduhsing oodanahwun, akedood minjemahpenegoowinun kuhya ahnemezewinun nepeëgoonun ewede.
24Kah dush oonoo uhyeëen nindoonjeshahgwanemoose, kah kuhya nesahgetoose ewh tebenuhwa nimbemahdezewin, ewh dush nah cheëzhekezhetooyaun ninpemebuhtoowin emuh moojegezewining, kuhya ewh ahnookeewin kahmeezhid owh Tabaningad Jesus, chedebahjemootuhmaun ewh oominwahjemoowin owh shawanjegad Kesha‐Muhnedoo.
25Benuh dush, nekekandaun, kenuhwah kuhkenuh kahpahpahkuhgeekemenenuhgoog ewh oodoogemahwewin owh Kesha‐Muhnedoo, kah wekah menuhwah kegahwahbuhmeseem.
26Benuh dush, kewahweenduhmoonenim kenuhwah noongoom kezheguk, nindoonjepeeniz emuh oomisqueemewaung kuhkenuh enenewug.
27Kah muh ningeshahgwanemoose cheweenduhmoonenuhgoog kuhkenuh oodenahkoonegawinun owh Kesha‐Muhnedoo.
28Ahyaungwahmeëdezooyook dush kuhya aungwahmezeyook chemenoo‐guhnuhwanemagwah kuhkenuh mahnishtahnishug kahmeenenag owh Keche‐Oojechaug cheguhnuhwanemagwah, cheähshummagwah egewh dabandahgoozejig emuh oodahnuhmeähwining owh Kesha‐Muhnedoo kahkishpenuhnaud oonje tebenuhwa oomisqueem.
29Oo‐oo muh nekekandaun kemahjahyaun egewh kagwahnesuggandahgoozejig maheengunug tahpeendegawug emuh anduhzhe‐ahyahyag, chewebahnahjeähwaud enewh mahnishtahnishun.
30Kenuhwah dush anduhsheyag tahoonjepuhsegwewug ahnind enenewug, kamujje‐kezhwawaud, chewekoobenahwaud enewh kekenooähmahgunun.
31Ahkahwahbeyook, kuhya mequanduhmook, nesoo‐kekenoonoowinun kahween ningeïshquahtahse cheäungwahmemugwah kuhkenuh bamahdezejig tabekukin kuhya kahzhegukkin ewh kemahweyaun.
32Noongoom dush, nejekewaëdoog, kedahnuhmeä-tuhmoonenim cheguhnuhwanemenag owh Kesha‐Muhnedoo, kuhya cheguhnuhwanemegooyag emuh ooshahwanjegawine oodekedoowining, ewh kaöonjekushkeëgooyag chemushkahwandemooëgooyag, kuhya chemeenegooyag ewh debandahsoowin emuh anduhzhe‐ahyahwaud egewh kahmenoo‐ezhewahbezeïndjig.
33Kahween ningeshoobeëgoose ahweyah ooshooneäum gamuh oodoozahwah‐shooneäum gamuh oodahgwewinun.
34Aahe, kenuhwah tebenuhwa kekekandahnahwah, oonoo neneenjeen keähnookemahguk keöonjebemahdezeyaun neen kuhya egewh wahjewugig.
35Kegewahbundahenim kuhkenuh uhyeëen, kaëzheahnookeeyag cheähshummagwah egewh naneenuhmezejig, chemequanduhmag dush owh Tabaningad Jesus oodekedoowinun, kahekedood, Nahwuj shahwandahgwud chemeegewang dush ween cheoodahpenegang.
36Uhpe dush oo‐oo kahekedood, keöojecheengwuhnetah, kuhya keweejeähnuhmeähmaud kuhkenuh.
37Kuhkenuh dush kekeche‐wesuggedamoowug, kuhya kepungeshinoog emuh Paulun ookwagunahning, kuhya keöojeemahwaud,
38Keöonjekushkanduhmoog mamwach enewh ekedoowinun kahekedood, Kah wekah menuhwah kegahwahbuhmeseem. Oogeühneweejewahwaun emuh nahbequauning.
Pilihan Saat Ini:
OODEZHECHEGAWINEWAH 20: OTW
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
