OODEZHECHEGAWINEWAH 13
13
1Keähyahwug dush emuh ahnuhmeähwining ewede Antiöching ahnind aunwahjega‐wenenewug kuhya kakenooähmahgajig; Barnabas, kuhya Simeon Niger kahezhenekahzood, kuhya Lucius Cyreneïng duhzhe enene kuhya Manaen owh kahweeje‐netahwuggemaud enewh Herodun oogemaun, kuhya Saul.
2Magwah dush buhmeetahwahwaud enewh Tabaninganejin, kuhya kekeëquishemoowaud keëkedoo owh Keche‐Oojechaug, Wahwanahbunduhmahweshig owh Barnabas kuhya Saul cheënuhnookeewaud ewh ahnookewin kahoonjenundoomugwah.
3Uhpe dush‐kahkeëquishemoowaud kuhya kahahnuhmeähwaud, oogeezheneenjetuhwahwaun, kemahjenahzhahwahwaud dush.
4Uhpe dush kahmahjenahzhahoogoowaud enewh Keche‐Oojechaugwun, keëzhemahjahwug emuh Seleucia‐ing; ewede dush keöonjemahjeyahshewaud keënahshewug dush ewede Cyprusing.
5Uhpe dush kahtuhgwishenoowaud ewede Salamising, oogebahbahdebahdoodahnahwah ewh oodekedoowin owh Kesha‐Muhnedoo emuh oodahnuhmeä‐weguhmigoowaung egewh Jewyug: oogeähyahwahwaun dush Johnun chebuhmeetahgoowaud.
6Uhpe dush kahpahbahmahdezewaud anegookwaug kuhkenuh menis peenish egoo Paphosing, oogemekahwahwaun pazhik cheesuhkee‐wenenewun, kuhkeenuhwishke‐aunwahjega‐wenenewun, Jew‐enenewun, Bar‐jesus azhenekahzoonejin:
7Me suh owh kahweejewaud enewh ewede uhkeeng duhzhe oogemaun, nabwahkahnejin enenewun, Sergius Paulus azhenekahzoonejin; me suh owh kahnundoomaud enewh Barnabasun kuhya Saulun, kenundahwandum chenoondung oodekedoowin owh Kesha‐Muhnedoo.
8Owh dush Elymas cheesuhkee‐wenene (mesuh azhenesittootahgwuk oodoonoozoowin anekenootuhming) oogemeegahnaun enewh, kenunduhwandum chepuhkaweenaud enewh oogemaun emuh oonje dabwayanduhmoowining.
9Me dush Saul, (Paul kuhya azhenekahzood) mooshkenashkahgood enewh Keche‐Oojechaugwun, kekeche‐guhnuhwahbuhmaud enewh,
10Oo‐oo dush keëkedoo, Oh keen mwaushkenashkahgooyun kuhkenuh kuhkuhyanezewin, kuhya mujjeëzhewabezewin, wagwissemik owh mujje‐muhnedoo, mahgahduhmun kuhkenuh menoo‐ezhewabezewin, kah nuh ween kegahishquah‐wahwaushkahmootoose quuhyukwahmoogin oomeekunun owh Tabaningad?
11Benuh dush, ooneenj owh Tabaningad kepuhgummishkahgoon, kegahkuhkeepeengwa, kah kegahwahbuhmahse kezis goomah menik. Bahbega dush oogepuggum-mishkahgoon ahwun kuhya puhsuggish‐tebik; kepahbahmoosa dush nunduhwanemaud ahweyah chesuhgahbegenegood.
12Uhpe dush oogemah kahwahbundung ewh kahezhewabuk, kedabwayandum, oonje kemahmahkahdandung ookekenooähmahgawinene enewh Tabaninganejin.
13Uhpe dush Paul kuhya enewh wahjewegoojin uhnemahjeyahshewaud emuh Paphosing, ketuhgwishenoog emuh Pergaïng Pamphyliaïng anduhgoog: John dush oogenuhguhnaun, keëzhekewa dush emuh Jerusaleming.
14Uhpe dush kahoonjemahjahwaud emuh Pergaïng, ketuhgwishenoog emuh Antioching Pisidiaïng anduhgoog, kepeendegawug dush emuh ahnuhmeä‐weguhmigoong aunwabe‐kezhegudenig, kenuhmuhduhbewug dush.
15Bahnemah dush kahishquah‐ahginduhming ewh tebahkoonegawin kuhya enewh aunwahjegawinun oogepeguhnoonegoowaun enewh wagemahkundemenejin ewh ahnuhmeä‐weguhmig, oo‐oo keëkedoonid, Enenewedoog kuhya wejekewaëmahdoog, kishpin ahyahmag gagoo kuhgequawineekedoowin cheguhnoonagwah egewh ahnishenahbag, mahnoo kekedook.
16Me dush owh Paul kepuhsegweed, kuhya kahuhyenenegad oo‐oo keëkedoo, Kenuhwah Israeling duhzhe‐enenewedoog, kuhya kenuhwah quasag Kesha‐Muhnedoo bezinduhmoog.
17Oo‐Kesha‐Muhnedoomewaun oogoo ahnishenahbag egewh Israelitug, oogewuhwanahbuhmaun enewh koosenahnin, kuhya oogekechetwahweäun enewh ahnishenahban uhpe kahduhzhe‐mahyuggezenid emuh Egypting duhzhe uhkeeng, kuhya mashkahwezemahgudenig oonik oogepeoonjesahgejeweenaun emuh.
18Nemeduhnuh kekenoonoowinun dush oogepemewe naun debishkoo enewh ahbenoojeün buhgwuhduhkummig.
19Uhpe dush kahbahnahjeäud neezhwahswawaun ah nishenahban emuh Canaaning, oogemahdahoonaun ooduhkeemene.
20Bahnemah dush nahguj oogemeenaun enewh tebahkoonega‐wenenewun koonemah newauk ahshe nahnemeduhnuh duhsoo pepoon, peenish kebemahdezid owh Samuel aunwahjega‐wenene.
21Nahguj dush oogenunduhwanemahwaun enewh keche‐oogemaun: Kesha‐Muhnedoo dush oogemeenaun enewh Saulun oogwissun owh Kish, Benjamin oodenoodawezewining dabandahgoozenejin nemeduhnuh duhsoo pepoon.
22Uhpe dush kahwabenaud enewh, oogepuhsegwindenahmahwaun enewh Davidun chekeche‐oogemahwemegoowaud: me suh enewh kahdebahjemahjin, oo‐oo keëkedood, ningemekahwah David oogwissun owh Jesse, enene kahminwanemug emuh nindaïng, me suh kadebishkoosetood kuhkenuh nindenanduhmoowin.
23Mahbuh kahoonejahnesejin Kesha‐Muhnedoo debishkoo kahezhewahweendahmahgagoobunan, oogepuhsegwindenahmahwaun enewh Isrealun enewh bamahjeëwanejin, me suh owh Jesus:
24Uhpe dush netum John kahdebahjemootahwaud kuhkenuh Israeling duhzhe ahnishenahban ewh aunwanindezoowine‐baptizooëwawin.
25Magwah dush John debishkoosetood ewh oodahnookeewin, oo‐oo keëkedoo, Ahwanan ananemeyag ahyahweyaun? Kahween nindahwese owh. Benuh dush, nenoopenuhnik pazhik, anandahgoozesewaun cheähbahahmahwug oomukkissinun emuh oosittaung.
26Enenewedoog, nejekewaëdoog, wanejahnesemenag owh Abraham, ahwagwan dush anduhcheyag quasahgwan enewh Kesha‐Muhnedoon, kenuhwah kepenindahegoom maunduh bemahjeëwawine‐ekedoowin.
27Egewh dush wahdatoojig ewede Jerusaleming, kuhya oodoogemahmewaun, kahween oogekekanemahsewaun, kuhya oodinwawinewaun egewh aunwahjega‐wenenewug aginjegahdagin anduhsoo‐aunwabe‐kezhegukin, oogedebishkoosetoonahwah kenahneboomahwaud.
28Ahnahween goo kemekahmahwahsigwah gagoo kaöonjenesahwahpun, oogenundoodahmahwahwaun enewh Pilateün ewh chenesemind.
29Uhpe dush kahdebishkoosetoowaud kuhkenuh menik kahoozhebeëgahdag ween kahduhzhemind, oogenesenahwaun emuh metikoong kuhya keähsahwaud emuh chebaguhmigoong.
30Kesha‐Muhnedoo dush oogeähbejebahaun:
31Nebewah duhsoogoon oogewahbuhmegoon enewh Galileeïng kahpeöonjeweejewegoojin kepeëzhaud emuh Jerusaleming, me suh enewh kahahnoonahjin chedebahjemootahwahwaud enewh ahnishenahban.
32Kedebahjemootuhmoonenim ewh minwahjemoowin, ewh wahweendahmahgawin kahezhewahweenduhmoowindwah egewh wayoosemindjig,
33Kesha‐Muhnedoo oo‐oo kegedebishkoosetahmahgoonaun kenuhwind wanejahnesemenungwah, ewh keähbejebahaud enewh Jesusun; debishkoo azhebeëgahdag emuh neezhing psalming, Keen kedow Ningwis, noongoom kezheguk kegeöogwissemin.
34Ewh dush keähbejebahaud, wekah chebahnahdezesesig, oo‐oo keëkedoo, Kegahmeenin enewh duhyabwamahgudenegin ooshahwandahgoozewinun owh David.
35Me suh dush wanje‐ekedood emuh pukkaun psalming, Kahween kegahpuhgedenahse owh Pahnezid kegwis chewahbundung ewh bahnahdezewin.
36David muh, kahishquah‐buhmeetahwaud enewh weejebemahdezenejin debishkoo kahuhyenanemegood enewh Kesha‐Muhnedoon, kenebah, keningwahwahwah dush kahduhzhe‐ningwahwemind enewh oosebuneen, oogewahbundaun dush bahnahdezewin.
37Owh dush ween, enewh Kesha‐Muhnedoo kahahbejebahahjin, kahween oogewahbunduhseen ewh bahnahdezewin.
38Kekanduhmook dush, enenewedoog nejekewaëdoog, oonje mahbuh enene kedebahjemootuhmahgoom chewabenahmahgooyag enewh mujje‐ezhewabezewinun:
39Ween dush kuhkenuh egewh duhyabwayandungig oonje wabenuhmahwahwug kuhkenuh uhyeëen, kagewabe-nahmahgoosewagoopun emuh ootebahkoonegawining owh Moses.
40Ahyaungwahmezeyook dush, koonemah kegahpuhgummishkahgoonahwah ewh, kahduhzhinchegahdag emuh aunwahjegawining;
41Benuh kenuhwah buhyahpenoodahgashkeyag, kuhya mahmahkahdanduhmoog, kuhya bahnahdezeyook: ninduhnooketaun ewh ahnookeewin uhpe oonoo kezhegudoon magwah bemahdezeyag, ewh ahnookewin kuhnuhga kadabwayanduhsewag, ahnoo ween goo enene weenduhmoonag.
42Uhpe dush uhnesahguhuhmoowaud emuh oodahnuhmeä‐weguhmigoowaung egewh Jewyug, oogepahgoosanemegoowaun enewh mayuggezenejin menuhwah aunwabe‐kezhegudenig chedebahjemootuhwindwah oonoo ekedoowinun.
43Uhpe dush kahishquah‐mahwunjeëding, nebewah egewh Jewyug kuhya manoo‐ahnuhmeähjig kahquakejig oogeühnenoopenuhnahwaun enewh Paulun kuhya Barnabasun: mesuh oonoo kahguhnoonegoowahjin keëgoowaud cheäunwahjewaud emuh ooshahwanjegawining owh Kesha‐Muhnedoo.
44Menuhwah dush aunwabe‐kezheguk gagah kuhkenuh wahdatoojig emuh oodanaung kepemahwunjeëdewug chenoonduhmoowaud ewh oodekedoowin owh Kesha‐Muhnedoo.
45Uhpe dush egewh Jewyug kahwahbuhmahwaud ashenoonid enewh kahmahwunjeëdenejin, oogemooshkenashkahgoonahwah keshahwanjegashkewin, oogemujje‐duhzhindahnahwah enewh uhyeëen kahekedoojin owh Paul, mahnahdahjemoowaud kuhya mujje‐kezhwawaud.
46Paul dush kuhya Barnabas ashkum kenechewezewug oo‐oo keëkedoowug, Keënandahgwud suh kenuhwah netum chedebahjemootahmahgooyag ewh oodekedoowin owh Kesha‐Muhnedoo: kenuhwah dush wabenuhmag, kah dush kedenanindezooseem cheähpeetandahgoozeyag cheähyahmag kahgega‐bemahdezewin, benuh, nequakekahbahwemin cheëzhahyaung egewh mayuggezejig.
47Me muh kahezheyummingid owh Tabaningad, oo‐oo keëkedood, Kegeähsin chewahsashkahwudwah egewh mayuggezejig, chebemahjeïndwah kuhkenuh anegookookummegaug uhkeeng ayahjig.
48Uhpe dush egewh mayuggezejig kahnoonduhmoowaud oo‐oo, kemoojegezewug, kuhya oogewahwe zhandahnahwah oodekedoowin owh Tabaningad; kuhkenuh dush menik kahwuhwanahbuhmindjig emuh kahgega‐bemahdezewining kedabwayanduhmoog.
49Kepahpahwahweenjegahda dush oodekedoowin owh Tabaningad emuh anegookookummegaug ewh uhkee.
50Egewh dush Jewyug oogeweekoojeähwaun enewh anuhmeähnejin kuhya kachetwahwezenejin equawun kuhya enewh nahgahnezenejin enenewun emuh keche‐oodanaung, chemekinjeähnid enewh Paulun kuhya Barnabasun, oogeoonjesahgejewabenahwaun kuhya emuh ooduhkeemewaung.
51Oogepahbahwesittaähtahwahwaun, keëzhahwug dush emuh Iconiuming.
52Egewh dush kekenooähmahgunug oogemooshkenashkahgoonahwah ewh moojegezewin, kuhya enewh Keche‐Oojechaugwun.
Pilihan Saat Ini:
OODEZHECHEGAWINEWAH 13: OTW
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
