OODEZHECHEGAWINEWAH 11
11
1Egewh dush Apostleüg kuhya wejekewaëmaug kahahyahjig emuh Judæäing kenoonduhmoog kuhya enewh mayuggezenejin keöodahpenuhmenid ewh oodekedoowin owh Kesha‐Muhnedoo.
2Uhpe dush kahpetuhgwishing owh Peter emuh Jerusaleming, enewh kahkekenoowahje‐kishkizhegahzoonejin oogekekahmegoon.
3Oo‐oo keëkedoonid, Kegepeendegahwaug egewh enenewug pwahyah‐kekenoowahje‐kishkizhegahzoojig, kuhya dush kegeweedoopuhmaug.
4Peter dush oogedebahjemootahwaun ewh kahezhewabuk wahyashkud mahjesing, kuhya oogeähneka‐wahweenduhmoowaun, oo‐oo keëkedood,
5Nindahyahnahbnn emuh Joppa aduhming oodanaung keähnuhmeähyaun: magwah dush nekahbunduhmaun nengewahbundaun enahbunduhmoowin, Pazhik ahtahsoowin debishkoo kechewahbishkegining kezhegoong keöonjenesahbegenegahda ayishquayeëe; ningepuhgummishkahgoon dush:
6Uhpe dush anegook kahguhnuhwahbunduhmaun, ningenahnahgahdahwandaun, ningewahbuhmaug dush egewh nawookahdajig ahwaseeyug uhkeeng ayahjig, kuhya puhgwuj‐ahyahahjig, kuhya pabahmoodajig, kuhya kezhegoong duhshe penasheyug.
7Ningenoondaun dush ewh inwawin oo‐oo keëgooyaun, Puhsegween, Peter; netahgan wesenin dush.
8Oo‐oo dush ningeëkid, Kahween, Tabaningayun: kah muh wekah kepeendegamahgussenoon emuh nindooning gagoo anandahgwuhsenook chemeejing gamah wahnuk.
9Menuhwah dush kezhegoong oonje inwawin oo‐oo ningenuhquatahgoon, Ewh kahpeenetood owh Kesha Muhnedoo, kahween mahnahdud kegahedunseen.
10Nesing dush oo‐oo keëzhewabud: menuhwah keëzheöodahbenahwug kuhkenuh ewede kezhegoong.
11Benuh dush, bahbega ketuhgwishenoog neswe enenewug emuh wahkaheguning kahdahyaun, Cesareaïng kahoonje‐ezhenahzhahoondjig chepenundoomewaud.
12Ningekuhgaunzoomik dush owh Keche‐Oojechaug cheühneweejewugwah, kuhnuhga cheähgoonwayanduhsewaun. Oogoo dush ningoodwauswe wejekewaëmaug ningeühneweejewegoog, ningepepeendegamin emuh owh enene oowahkaheguning.
13Ningewahbundahegoomin dush ewh kewahbuhmahpun enewh angenun emuh oowahkaheguning, kahpenebahwenid oo‐oo dush keëgood, Ahnookeen cheëzhahwaud enenewug ewede Joppaïng, chenundoomahwaud enewh Simonun, Peter azhenekahzoonejin;
14Me suh wah‐owh kawahweenduhmook enewh ekedoowinun, kaöonjebemahdezeyun keen kuhya kuhkenuh emuh kewahkaheguning ayahjig.
15Uhpe dush mahyahje‐kekedooyaun oogeähpuggesekahgoowaun enewh Keche‐Oojechaugwun, debishkoo kuhya kenuhwind wuhyashkud.
16Me dush uhpe kemequanduhmaun ewh oodekedoowin owh Tabaningad, oo‐oo keëkedood, John gooshah kebaptizooëwa nebee ahyood; kenuhwah dush kegahbaptizoomegoom enewh Keche‐Oojechaugwun.
17Uhpe dush Kesha‐Muhnedoo kahmeenaud ewh nahsaub meegewawin kahmeenenung kenuhwind, kahdabwayanemung owh Tabanemenung Jesus Christ, ahneen neen kahenandahgoozeyaun, chemegahnugebun owh Kesha‐Muhnedoo?
18Uhpe dush kahnoonduhmoowaud oonoo uhyeëen, kepezaun‐uhbewug, kuhya oogewahwezhanemahwaun enewh Kesha‐Muhnedoon oo‐oo keëkedoowaud, Kagate Kesha‐Muhnedoo oogemeenaun enewh mayuggezenejin ewh aunwanindezoowin cheoonjebemahdezenid.
19Egewh dush kahsuhswashkahwindjig uhpe kahkooduggeïndwah egewh anuhmeähjig uhpe kahnesind owh Stephen kebahbahmahdezewug nahnauzh Phenice, kuhya Cyprus, kuhya Antioch, kekuhgeekemahwaud enewh Jewyun atuh, kedebahdooduhmoowaud ewh ekedoowin.
20Ahnind dush Cyprusing kuhya Cyreneïng keduhzhe‐enenewewug, oogoo dush uhpe tagwishenoowaud ewede Antioching, oogeguhnoonahwaun enewh Hellenistun, kedebahjemahwaud enewh Tabaninganejin Jesusun.
21Oogeweedookahgoowaun dush ooneenj owh Tabaningad: keche‐nebewah dush kedabwayanduhmoog, kuhya oogekwakekahbahwetahwahwaun enewh Tabaninganejin.
22Uhpe dush kahnoonduhmoowaud egewh anuhmeähjig kahahyahjig ewede Jerusaleming oonoo uhyeëen: oogeëzhenahzhahwahwaun enewh Barnabasun, cheëzhahnid nahnauzh emuh Antioching.
23Uhpe dush kahpetuhgwishing, kahwahbundung dush ewh ooshahwanjegawin owh Kesha‐Muhnedoo, kewahwezhandum, oogeënaun dush kuhkenuh, cheäunwahjenid emuh oodaëning chedebandahgoozenid emuh Tabaningang.
24Kemenoo‐ezhewabeze suh owh enene, kuhya oogemooshkenashkahgoon enewh Keche‐Oojechaugwun kuhya dabwayanduhmoowin: keche‐nebewah dush ahnishenahbag ketuhquahkoonahwug emuh oodezhetwahwining owh Tabaningad.
25Me dush Barnabas kahezhemahjaud ewede Tarsusing, cheähweöondoonaäud enewh Saulun:
26Uhpe dush kahmekahwaud, oogepeëzheweenaun ewede Antioching. Kepuhgumme‐ahyahmahgud dush, ningoo‐kekenoonoowin kepuhpeendegawug emuh anduhzhe‐mahoonjeëdewaud egewh anuhmeähjig, oogekekenooähmahwaun dush nebewah ahnishenahban. Netum dush ewede Antioching Christianug keëzheweenahwug egewh kekenooähmahgunug.
27Uhpe dush oonoo kezhegudoon kepeëzhahwug Jerusaleming duhzhe aunwahjega‐wenenewug ewede Antioching.
28Pazhik dush Agabus azhenekahzood kepuhsegwe, Keche‐Oojechaugwun kahoonjewahweenduhmahgad, wepukkuddakummegaug emuh anegookookummegaug uhkee: oo‐oo suh kepuggumme‐ahyahmahgud uhpe ookezhegudoomun owh Claudius Cæsar.
29Me dush keënahkoonegawaud egewh kekenooähmahgunug, anduhchid enene menik kashkechegad chenindahahwaud enewh wejekewaëmaun ewede Judæäïng anduhkeenejin ewh shahwanjegawin:
30Mesuh kahezhechegawaud, kenindahahwaud dush enewh katezenejin emuh ooneenjewaung owh Barnabas kuhya Paul.
Pilihan Saat Ini:
OODEZHECHEGAWINEWAH 11: OTW
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
