OODEZHECHEGAWINEWAH 10
10
1Keähyah pazhik enene ewede Cæsareaïng Cornelius azhenekahzood, oomenissenoo‐oogemahmewah egewh shemahgunishug Italianug azheweenzoojig,
2Manoo‐ahnuhmeäud, quasaud enewh Kesha‐Muhnedoon kuhya kuhkenuh oowegewauming kahahyahjig, kahkeche‐shahwanemaud ahnishenahban, kuhya moonzhug kahahnuhmeätuhwaud enewh Kesha‐Muhnedoon.
3Mezheshuh dush oogewahbuhmaun emuh enahbunduhmoowining uhpe shaungusswe‐tebahegunadenig enewh oodangenemun owh Kesha‐Muhnedoo penaunzekahgood, oo‐oo keëgood, Cornelius.
4Uhpe dush kahguhnuhwahbuhmaud, kesageze, oo‐oo keëkedood, Wagoonan, Tabaningayun? Oo‐oo dush oogeënaun, Kesha‐Muhnedoo suh oomequandaunun enewh kedahnuhmeähwinun kuhya enewh kemeegewawinun.
5Noongoom dush ezhenahzhuh enenewug ewede Joppaïng, chenundoomahwaud enewh Simonun Peter azhenekahzoonejin:
6Oowedegamaun enewh Simonun ahsaka‐wenenewun, ewede cheegekechegumme andahnejin: mesuh owh kawahweenduhmook ewh kaëzhechegayun.
7Uhpe dush kahmahjaud owh angen kahguhnoonaud enewh Corneliusun, oogenundoomaun neezh enewh oobuhmeetahgunun, kuhya pazhik anuhmeähnejin shemahgunishun moonzhug kahweejewegoojin;
8Uhpe dush kahweenduhmoowaud kuhkenuh oonoo uhyeëen, oogeëzhenahzhahwaun ewede Joppaïng.
9Wahyahbunenig dush, magwah uhnepahbahmahdezewaud oogoo, kuhya pashoo uhneähyahwaud emuh oodanaung, keëzhequaunduhwa owh Peter emuh oogedegummig chenahkoowa‐ahnuhmeäud kahningoodwausoo‐tebahegunag:
10Kekeche‐puhkudda dush, kuhya oogenunduhwandaun kameejid: magwah dush chebahquawaud egewh chahbah-quajig, oogeähpuggezekahgoon ewh mahzenahmoowin,
11Oogewahbundaun dush ewh kezhik chenesahkoosing, gagoo dush ahtahsoowin kepenesekahgood emuh ahyaud, debishkoo kache‐mecheguk wahbishkegining ayishquayeëe takoobejegahdag kuhya kenesahbegenegahda emuh uhkeeng;
12Emuh dush keähyahwug kuhkenuh nahwoosittajig ahwaseeyug uhkeeng ayahjig, kuhya puhgwuj‐ahwaseeyug, kuhya pabahmoodajig, kuhya kezhegoong duhzhe penasheyug.
13Oogenoondaun dush ewh inwawin, Puhsegween, Peter; netahgan, kuhya wesenin.
14Peter dush keëkedoo, Kahween, Tabaningayun; kah mah wekah ningemeejeseen gagoo anandahgwuhsenook chemeejing gamuh wahnuk.
15Menuhwah dush oogenoondaun ewh inwawin oo‐oo keëgood, Ewh kahpeenetood Kesha‐Muhnedoo, kahween mahnahdud kegahedunseen.
16Nesing dush oo‐oo keëzhewabud: menuhwah dush keëzheöodahpenegahda ewh ahtahsoowin ewede kezhegoong.
17Magwah dush nahnahgahdahwandung wagoodoogwanedoog maunduh wazhebahbunduhmoowin kahwahbundung, benuh, egewh enenewug kahezhenahzhahoogoojig enewh Corneliusun kuhgwadwawaud tebe andahgwan owh Simon, kenebahwewug emuh dush ishquaundang,
18Kepepahgewug dush, kekuhgwadwawaud kishpin oomah daud owh Simon Peter azhenekahzood.
19Magwah dush kenahnahgahdahwandung owh Peter ewh wazhebahbunduhmoowin, oo‐oo oogeëgoon enewh Keche‐Oojechaugwun, Benuh, kenunduhwanemigoog neswe enenewug.
20Puhsegween dush, nesaunduhwan, uhnewejewh dush, kuhnuhga ahgoonwayanduhsewun; neen suh ningeëzhenahzhahwaug.
21Keëzhenesaunduhwa dush Peter emuh ahyahnid enewh kahezhenahzhahwahjin Cornelius; oo‐oo dush keëkedood, Benuh, neen nindow owh nanduhwahbuhmag: wagoonash pahoonzekahyag?
22Oo‐oo dush keëkedoowug, Cornelius menissenoo‐oogemah, manoo‐ezhewabezid enene, kuhya quasaud enewh Kesha‐Muhnedoon, manwahjemegood dush kuhkenuh enewh Jewyun, oogeëgoon dush enewh kachetwahwezenejin angenun chenundoomik ewede andaud cheëzhahyun, cheöonjenoondung enewh ekedoowinun kaëkedooyun.
23Peter dush oogeënaun chepeendeganid, oogeguhnuhwanemaun dush. Bahnemah dush wuhyahbunenig Peter oogeühneweejewaun, oogeweejewegoon dush ahnind wejekewaëmaun ewede Joppaïng ayahnejin.
24Menuhwah dush wahyahbunenig ketuhgwishenoog ewede Cæsareäïng. Cornelius dush oogenundahwanemaun, oogenundoomahbuneen dush ahnind oodenuhwamahgunun kuhya weejekewaün.
25Uhpe dush paundegad owh Peter, oogepenuhquashkahgoon enewh Corneliusun, keähpuggezoonid dush emuh oosittaung, keöojecheengwunetahgood.
26Peter dush oogepuhsegwindenaun, oo‐oo keëkedood, Puhsegween; kuhya neen suh nindenenewh.
27Magwah dush guhnoonaud, keühnepeendega, oogemekahwaun dush nebewah kahmahwunjeëdenejin.
28Oo‐oo oogeënaun, Kekekandahnahwah ewh enandahgwussenook Jew‐enene cheweejewaud, gamuh chenaunzekahwaud pukkaun azheweenzoonejin enenewun: ningewahbunduhik dush owh Kesha‐Muhnedoo mahzhandahgooze gamuh weeneze cheënahsewug ahweyah enene.
29Mesuh pahoonjenaunzekoonaun ahgoonwatunsewaun, uhpe kenundoomegooyaun: kekuhgwajeminim dush wagoonash wanjenundoomeyaig?
30Cornelius dush oo‐oo keëkedoo, Noongoom newoogoonuhgud pahahkoo‐keëquishemooyaun nahnauzh oo‐oo ahpeech‐kezheguk; shaungussoo‐tebahegunag ningeähnuhmeäh emuh newegewauming, benuh dush, kenebahwe enahsuhmeyaun pazhik enene wuhyahbishkookunuhyad,
31Oo‐oo dush keëkedoo, Cornelius, kebezinduhmahgoo kedahnuhmeähwin, kuhya keshahwanjega‐meegewawinun oomequandaunun owh Kesha‐Muhnedoo.
32Ezhenahzhuh dush egewh enenewug ewede Joppaïng, chenundoomind owh Simon, Peter azhenekahzood: dah emuh oogewauming owh Simon ahsaka‐wenene ewede cheege‐kechegumme: uhpe dush penaunzekook kegahguhnoonik.
33Bahbega dush ningeähnooke chenundoomegooyun; kegemenoochega dush peëzhahyun. Noongoom dush kuhkenuh nindahyahmin oomah anahsuhmuhbid Kesha‐Muhnedoo, chenoonduhmaung kuhkenuh oonoo uhyeëen kahkuhgaunzoomikin Kesha‐Muhnedoo chedebahdooduhmun.
34Me dush uhpe ketahwuneed owh Peter, oo‐oo keëkedood, Kagate newahbundaun ewh, Kesha‐Muhnedoo pekinoong uhyenanemahsig enewh bamahdezenejin:
35Kuhkenuh dush ahnooj‐azheweenzoojig owh quasaud Kesha‐Muhnedoon kuhya mahkindung menooëzhewabezewin, mesuh enewh Kesha‐Muhnedoo wadahpenahjin.
36Ewh ekedoowin kahezheguhnoonaud owh Kesha‐Muhnedoo enewh oonejahnesun owh Israel wahweendung ewh pezaunewawin oonje Jesus Christ; (mesuh owh tabanemaud kuhkenuh:)
37Kekekandahnahwah ewh ekedoowin, kahwahweenjegahdag, emuh anegookookummegaug Judæa, Galileeïng kahoonjemahjetaung, kahishquah‐wahweendung owh John ewh baptizooëwawin;
38Kesha‐Muhnedoo kenuhmuhkoonaud enewh Jesusun Nazarething duhzhe‐enenewun enewh Keche‐Oojechaugwun kuhya mushkahwezewin: mesuh wah‐owh kahpahbahshahwanjegad, kuhya kahpahbahnoojemooäud kuhkenuh enewh mujje‐muhnedoo kahkooduggeähjin; oogeweedookahgoon muh enewh Kesha‐Muhnedoon.
39Nenuhwind dush ningewahbunjegamin kuhkenuh menik kahezhechegad emuh oodnhkeemewaung egewh Jewyug, kuhya ewede Jerusaleming; mesuh enewh kahnesahwahjin kuhya kahahgoonahwahjin emuh metikoong:
40Mesuh dush oonoo Kesha‐Muhnedoo kahahbejebahahjin nasoogoonahgudenig, kuhya mezheshuh kahwahbunduhewajin;
41Kahween oogewahbundahahseen kuhkenuh enewh ahnishenahban, enewh atuh wuhyahbunjeganejin kezhah kahwuhwanahbuhmahjin owh Kesha‐Muhnedoo, nenuhwind suh, kahwedoopuhmungid kuhya kahweeje‐menequa-mungid kahahbejebaud.
42Ningekuhgaunzoomegoonaun dush chekuhgeekemungidwah egewh ahnishenahbag, kuhya chedebahjemooyaung, wah‐owh ahwid kahahnoonegood enewh Kesha‐Muhnedoon chetebahkoonaud enewh bamahdezenejin kuhya naboonejin.
43Mesuh enewh dabahjemahwahjin kuhkenuh aunwahjega‐wenenewug, ahwagwan kadabwayanemahgwan, oodoonoozoowining tahoonjewabenuhmahwah oomujjeëzhewabezewinun.
44Magwah kayahbe kekekedood owh Peter oonoo ekedoowinun, Keche‐Oojechaugwun oogepuhgummishkahgoowaun.
45Egewh dush kahkekenoowahje‐kishkezhegahzoojig kahdabwayandungig kemahmahkahdanduhmoog, menik kahpemewejewahpuneeg enewh Peterun, ewh oonje kepeseegenuhmahwindwah egewh mayuggezejig oomeegewawin owh Keche‐Oojechaug.
46Oogenoondahwahwaun muh ezhekekedoonid pakaunukin inwawinun, kekechetwahwanemahwaud enewh Kesha‐Muhnedoon. Medush uhpe kenuhquatung owh Peter.
47Ahweyah nuh enene tahekedoo, Kahween tahpuggedenegahdasenoon ewh nebee, chebaptizoowahsewindwah oogoo, kahoodahpenahjig enewh Keche‐Oojechaugwun debishkoo kuhya kenuhwind?
48Keëkedoo dush chebaptizoomemind emuh oodezhenekahzoowining owh Tabaningad. Oogepahgoosanemahwaun dush cheduhnezenid emuh goomah menik dussoogoon.
Pilihan Saat Ini:
OODEZHECHEGAWINEWAH 10: OTW
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
