Medhetethi 36
36
Eesawenne Iya Yeletetha
1Edoome geetetiya Eesawe yeletethay haysafe kaallidi xaafetidaysa; 2Eesawey Kanaane biitta macca naytape baw machota ekis. Entika Hite addiya Eloona na7iw Ado, Hiwe addiya Xiba7oona na7ay Ani yelida Oholbaamonne 3Isma7eela na7iw, Nebayoota michiw Basemaato. 4Ada Eesawes Elfaaza yelasu. Basemaata Ragu7eela yelasu. 5Oholbaama Ye7usa, Ya7ilamanne Qore yelasu. Kanaane biittan Eesawes yeletida adde nayti haysata.
6Eesawey ba macheta, ba adde naytanne macca nayta, ba soo asa ubbaa, ba miizanne ba hara mehe ubbaa Kanaane biittan haaridaba ubbaa ekidi ba isha Yayqoobape haakidi hara biitta bis. 7Enta shaloy darida gisho, enti issife daanaw danda7ibookona. Enta mehey darida gisho, enti de7iya biittay enta nam7aas gidonna ixis.
8Yaanin, Edoome geetetiya Eesawey derey dariya Sayre biittan de7is.
9Derey dariya Sayre biittan de7ida Edoometa mayza Eesawe yeletethay haysafe kaallidi xaafetidaysa; 10Eesawe adde nayta sunthay, Eesawe mache Adi na7aa Elfaazanne Eesawe mache Basemaati na7a Ragu7eela.
11Elfaaza nayti Temaana, Omaara, Xafa, Ga7itamanne Qeneza. 12Qassi Timnaa7a Eesawe na7a Elfaazas aylle. Iya Elfaazas Amaaleqa yelasu. Haysati Eesawe mache Adi na7aa nayta.
13Ragu7eela adde nayti Nahaata, Zara, Shamanne Miiza. Haysati Eesawe mache Basemaati na7a nayta.
14Xiba7oona na7ay Ani yelida Oholbaama adde nayti haysata; Entika Ye7usa, Ya7ilamanne Qore.
15Eesawe yeleta halaqati haysafe kaallidi xaafetidaysata; Eesawes bayra na7a Elfaaza adde nayti, halaqa gididaysati Temaana, Omaara, Xafa, Qanaza, 16Qore, Ga7itamanne Amaaleqa; Edoome biittan Elfaazi yelida halaqati haysata; hessati ubbay Adi na7aa nayta.
17Eesawe na7a Ragu7eela adde nayti, halaqa gididaysati Nahaata, Zaraha, Shamanne Miiza; Edoome biittan Ragu7eeli yelida halaqati haysata; enti Eesawe mache Basemaati na7a nayta.
18Eesawe mache Oholbaami adde nayti, halaqa gididaysati Ye7usa, Ya7ilamanne Qore; enti Ana na7e, Eesawe mache Oholbaamipe yeletida halaqata.
19Edoome geetetiya Eesawe adde nayti haysata; enta halaqatika haysata.
Sayrenne Yeletetha
(1 Taari 1:38-42)
20Edoome biittan de7iya Hoora Sayre adde nayti haysafe kaallidi xaafetidaysata; hessatika Loxaana, Shobaala, Xiba7oona, Ana, 21Disoona, Exeranne Disaana; hessati, Edoome biittan de7iya Sayre adde nayti, Hoorata halaqata.
22Loxaana adde nayti Hooranne Hemaama; Loxaana michiya Timnaa7o.
23Sobaala adde nayti Aliwa, Manahoota, Ebaala, Sifanne Onaama.
24Xiba7oona adde nayti Ayanne Ana; haysi Ani mela biittan ba aawa Xiba7oona hareta heemmishe bilbo haatha pultuwa demmidaysa.
25Ana na7ay Disoona; na7iya qassi Oholbaamo.
26Disoona adde nayti Hemdaana, Esbaana, Yitraananne Kaarana.
27Exera adde nayti Bilihaana, Zawananne Aqana.
28Disaana adde nayti Uxanne Arana.
29Hoorata halaqati haysata; Loxaana, Shobaala, Xiba7oona, Ana, 30Disoona, Exeranne Disaana. Haysati Sayre biittan banta yaran yaran shaaketida Hoorata halaqata.
Edoome Ayseysata
(1 Taari 1:43-54)
31Isra7eelen Kawoy kawotanaape kase Edoome biittan kawotida kawoti haysafe kaallidi xaafetidaysata.
32Bi7oora na7ay Balaaqi Edoomen kawotis; iya katamaa sunthay Dinaaba geetetees.
33Balaaqi hayqin, Baasora addey Zaara na7ay Yobaabi iya bessan kawotis.
34Yobaabi hayqin, Temaana addey Husami kawotis.
35Husami hayqin, Badada na7ay Hadaadi, Midiyaameta Moo7abe biittan xoonidaysi kawotis; iya katamaa sunthay Awiita geetetis.
36Hadaadi hayqin, Masreeqa addey Samili kawotis.
37Samili hayqin, shaafa matan de7iya Rehoboota addey Saa7uli kawotis.
38Saa7uli hayqin, Akboora na7ay Ba7al-Hanani kawotis.
39Akboora na7a Ba7al-Hanani hayqin, Hadaadi kawotis; iya katamaa sunthay Paa7u geetetees; iya machiya Mezahaaba na7iya Maxireeda yelida Mahexabeelo geetetawusu.
40Eesawe yeleta halaqati banta yaran yaran, banta bessan bessan banta sunthan sunthan haysata; Timina, Aliwa, Yeteta, 41Oholbaama, Ela, Pinoona, 42Qanaza, Temaana, Mibsaara, 43Magdelanne Irama. Haysati banta aysiya biittan, banta de7iyasuwan de7iyasuwan Edoome halaqata. Haysi Eesawey, Edoometa aawa.
Pilihan Saat Ini:
Medhetethi 36: GFBLVF
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
The Word for the World International and The Word for the World Ethiopia