ማርቆሳ 11
11
ግታ ቦንቾን የሩሳላመ ገሉዋ
(ማቶ 21:1-11፤ ሉቃ 19:28-40፤ ዮሀ 12:12-19)
1ኤንቲ የሩሳላመ ማትሸ፥ ሻማሆ ዙማ ማታን ደእያ ቤተፋገነ ብታነ ካታማታ ጋክዶሶና። የሱሲ ባ ታማረታፐ ናምአታ ስን ኪትድ፥ 2“ህንተፈ ስንን ደእያ ጉታ ቢተ፤ ያ ገልዳ መላ ኦንካ ቶግቦና ቃሾን ደእያ ሀረ ማር ህንተ ደማና፥ እያ ብልድ፥ ሃ ኤክ ዪተ። 3ኦንካ ህንተና፥ ‘ሀይሳ አይስ ኦቲ?’ ያግድ ኦይችኮ፥ ‘ጎዳይ እያ ኮዬስ፥ ኤለስድ ሃ የዳና’ ያግተ” ያግስ።
4ኤንቲ ብድ፥ ሀረ ማር ካረ ቦላ ኦገ ማታን ቃሸትድ ደኤይሳ ደምድ ብልዶሶና። 5ሄ በሳን ኤቅዳ እስ እስ አሳት ኤንታኮ፥ “ሀረ ማራ ዋታናዉ ብሌቲ?” ያግድ ኦይችዶሶና። 6እያ ታማረት የሱሲ ባንታና ኪትዳይሳ ኦድን፥ አሳት የድ አግዶሶና። 7ኤንቲ ሀረ ማራ የሱሳኮ ኤህድ፥ ባንታ ማኡዋ እያ ዞኮን ሂፅን የሱሲ ሄ ሀረ ማራ ቶግስ። 8ዳሮ አሳይ ባንታ ማኡዋ ኦግያን ሂፅዶሶና፤ ቃስ ሀራት ም ታሸ ታሽድ፥ ኦገን ሂፅዶሶና። 9የሱሳፐ ስንራ ሄመትያ አሳይነ እያ ካልያ አሳይ ባንታ ቃላ ቁ ኦድ፥
“ሆሳና!#11:9 ሆሳና፦ ማቶ 21:9 በእተ። ፆሳይ ጋላተቶ!
ጎዳ ሱንን የይስ አንጀትዳይሳ።#ማዝ 118:25.
10ጎዳ ሱንን ያ ኑ አዋ
ዳዊታ ካዎተይ አንጀትዳይሳ።
ኡባፈ ቦላ ሳሎን
ደእያ ፆሳይ ጋላተቶ”
ያግዶሶና።
11የሱሲ የሩሳላመ ብድ፥ ፆሳ ኬ ገልስ። ቃስ ኡባባ ዩይ ፄልዳፐ ጉየ፥ ሳእ ቃምያ ግሾ፥ ታማነ ናምኡ ታማረታራ ብታነ ካታማ ብስ።
የሱሲ ባድዳ ባላሰ ምዉ
(ማቶ 21:18-19)
12ዎንተ ጋላስ ኤንቲ ብታነፐ ከይድ ብሽን፥ የሱሲ ኮሻትስ። 13ሃሆን እስ ባላሰ ምዉ ሀይ ፃላላ ማአ ኡትዳሮ በእድ፥ እ ቦላ አይፈይ በንትኮ ግድ፥ በአናዉ ኢኮ ብስ፥ ሽን ኢኮ እ ብያ ዎደ፥ ሀይ ፃላላፐ አትሽን፥ እስ አይፈካ ደምቤና፤ አይስ ጊኮ፥ ባላሰይ አይፍያ ዎደይ ጋክቤና። 14የሱሲ ሄ ባላስዉ፥ “ህዛ፥ አስ ኔፐ መርናዉ አይፈ ሞፖ” ያግስ። እያ ታማረት እ ገይሳ ስእዶሶና።
ፆሳ ኬን ዛልኤይሳታ ከስስ
(ማቶ 21:12-17፤ ሉቃ 19:45-48፤ ዮሀ 2:13-22)
15ኤንቲ የሩሳላመ ብዶሶና፤ የሱሲ ፆሳ ኬ ገልድ፥ ያን ባይዘይሳታነ ሻመይሳታ ካረ ጎዶ ኦይክስ፤ ቃስ ሚሸ ላመይሳታ ፃርጴዛነ ሆለ ባይዘይሳታ ኦይድያ ሽር የግድ፥ 16አስ አይብባካ ቶክድ፥ ፆሳ ኬ ግዶራ አና መላ ድግስ። 17የሱሲ አሳ ሀይሳዳ ያግድ ታማርስስ፦ “ጌሻ ማፃፋን፥ ‘ታ ኬይ አስ ኡባይ ፆሳ ዎስያ ኬ ግዳና’ ጌተትድ ፃፈትስ። ሽን ህንተ እያ ፓንጋት ቆሰትያ ጎንጎሎ ኦደታ” ያግስ።#እሳ 56:7፤ ኤርም 7:11.
18ካህነ ሀላቃትነ ህገ አስታማረት ሄሳ ስእድ፥ እያ ዎናዉ ኦገ ኮይዶሶና። ሽን ዳሮ አሳይ እያ ትምርትያን ማላለትያ ግሾ፥ እያዉ ባብዶሶና።
19ሳአይ ኦማርስያ ዎደ የሱሲነ እያ ታማረት ካታማፐ ጋፃ ከይዶሶና።
ባላሰ ምያ መላሱ
(ማቶ 21:20-22)
20ኤንቲ ዎንተ ጋላስ ሄ ኦግያራ አሸ፥ ሄ ባላስያ ፃጶራ መልዳሮ በእዶሶና። 21ጰፅሮስ አኬክድ፥ “አስታማርያዉ፥ ሄኮ፥ ኔኒ ባድዳ ባላስያ መላሱ” ያግስ።
22የሱሲ ዛሪድ፥ “ፆሳ አማንተ። 23ታኒ ህንተዉ ቱማ ኦዳይስ፤ ኦንካ ባ ዎዛናን ስና ግዳባይ ሀናናይሳ አማንድ፥ ሀ ዙማ፥ ‘ደንዳዳ አባን ኩንዳ’ ያግኮ እያዉ ሀናና።#ማቶ 17:20፤ 2 ቆሮ 13:2. 24ሄሳ ግሾ፥ ታኒ ህንተዉ ኦዳይስ፤ ፆሳ ህንተ ዎስያባነ ኦይችያባ አይባ ግድኮካ ኤክዳዳ አማንተ፥ ህንተ ኤካና። 25ፆሳ ዎሳናዉ ህንተ ኤቅያ ዎደ፥ ሳሎን ደእያ ህንተ አዋይ ህንተ ናጋራ አቶ ጋና መላ፥ ኦንካ ህንተና ናቅዳባይ ደእኮ፥ እያዉ አቶ ጊተ። 26ሽን አሳ ናጋራ ህንተ አቶ ጎና እፅኮ፥ ሳሎን ደእያ ህንተ አዋይካ ህንተ ናጋራ ህንተዉ አቶ ጌና” ያግስ።
የሱሳ ማታይ ኦይሸትስ
(ማቶ 21:23-27፤ ሉቃ 20:1-8)
27ኤንቲ ዛሪድ የሩሳላመ ብዶሶና። የሱሲ ፆሳ ኬን ሄመትሽን፥ ካህነ ሀላቃት፥ ህገ አስታማረትነ ጭማት እያኮ ይድ፥ 28“ኔኒ ሀይሳ ኦናዉ ነዉ አይ ማት ደኢ? ዎይኮ ነዉ ሀ ማታ እምዳይ ኦኔ?” ያግዶሶና።
29የሱሲ ዛሪድ፥ “ታ ህንተና እስባ ኦይቻና፥ ታዉ ኦድተ። ታ ቃስ ሀይሳ አይ ማታን ኦያኮ፥ ህንተዉ ኦዳና። 30ዮሃንሳ ፅንቃተይ ፆሳፈየ ዎይኮ አሳፔ? ታዉ ኦድተ” ያግስ።
31ኤንቲ ባንታ ግዶን ፓላማ ዶምድ፥ “ኑኒ፥ ‘ፆሳፈ’ ጊኮ፥ እ ኑኮ፥ ‘ያትን፥ ዮሃንስ ኦድዳይሳ አይስ አማንበከቲ?’ ያጋና። 32‘አሳፐ ጊኮ’ አሳ ኡባይ ዮሃንስ ናበ ግደይሳ ኤሮሶና።” ሄሳ ግሾ፥ አሳስ ያይዶሶና። 33ሄሳ ግሾ፥ ኤንቲ የሱሳኮ፥ “ኑኒ ኤሮኮ” ያግድ ዛርዶሶና።
የሱሲ፥ “ታንካ ሀይሳ አይ ማታን ኦያኮ፥ ህንተዉ ኦድከ” ያግስ።
Pilihan Saat Ini:
ማርቆሳ 11: GFBEVF
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
The Word for the World International and The Word for the World Ethiopia
