Матеј 9
9
Исус исцелува фатен човек
(Мк 2,1-12; Лк 5,17-26)
1Тогаш Тој влезе во еден кораб, премина и пристигна во Својот град. 2#Лк 5,18.20; 7,48 И ете, Му донесоа еден неподвижен, легнат на постела. Па кога ја виде Исус нивната вера, му рече на неподвижниот: „Биди храбар, чедо! Ти се простуваат гревовите!“ 3#12,31; 26,65; 3 Мојс 24,11-16; Јн 10,33-36; Дела 6,11И ете, некои од книжниците си рекоа во себе: „Овој богохули!“ 4#12,25; Пс 93,11; Јн 1,48; 2,25А Исус, знаејќи ги нивните мисли, им рече: „Зошто мислите лошо во вашите срца? 5Што е полесно да се каже: ’Ти се простуваат гревовите!‘ или да се каже: ’Стани и оди!?‘ 6#8,20; Дан 7,14; Лк 5,24; Јн 5,8; Дела 9,34Но за да знаете дека Синот Човечки има власт на земјата да проштева гревови – тогаш му рече на неподвижниот – ’Стани, земи си ја постелата и оди си дома‘!“ 7И тој стана и си отиде дома. 8#15,31; Лк 5,26; Дела 4,21А народот, кога го виде тоа, се восхити и Го прослави Бога, Кој им даде таква власт на луѓето.
Исус го повикува Матеј
(Мк 2,13-17; Лк 5,27-32)
9 #
8,22; 10,3; Дела 1,13 И, заминувајќи оттаму, Исус виде еден човек, по име Матеј, како седи во даночницата и му рече: „Врви по Мене!“ И тој стана и тргна по Него. 10#5,46; Лк 15,1И кога седеше Исус на трпеза во куќата, ете, мнозина даночници и грешници дојдоа и седнаа со Него и со Неговите ученици. 11#3,7; Лк 15,2Но, штом го видоа тоа фарисеите, им рекоа на Неговите ученици: „Зошто вашиот Учител јаде со даночници и грешници?“ 12#1 Тим 1,15А Исус, кога го чу тоа, им рече: „Здравите немаат потреба од лекар, туку болните; 13#12,7; Ос 6,6одете и научете се што значат зборовите: ’Милост сакам, а не жртва‘. Зашто не дојдов да ги повикам праведниците, туку грешниците на покајание.“
Прашања за постот. Старото и новото
(Мк 2,18-22; Лк 5,33-39)
14 #
Јн 3,25
Тогаш кај Него дојдоа Јовановите ученици и рекоа: „Зошто ние и фарисеите постиме многу, а Твоите ученици не постат!?“ 15#Ис 62,4-5; Ер 2,2; Ез 16; Ос 1–3; Јн 3,29; 16,20; 2 Кор 11,2; Откр 21,2А Исус им рече: „Зар можат сватовите да бидат нажалени додека младоженецот е со нив? Но ќе дојде време кога младоженецот ќе биде оттргнат од нив, па тогаш и тие ќе постат. 16#Јн 1,17; 2 Кор 5,17; Гал 4,9Никој не става ново парче ткаенина врз стара облека, бидејќи парчето ќе се скине од облеката и отворот ќе биде поголем; 17ниту, пак, се става ново вино во стари мевови; инаку, мевовите ќе напукнат, и виното ќе истече и мевовите ќе се упропастат; туку ново вино се става во нови мевови, па така ќе се запази и едното и другото.“
Чудата со болната жена и со ќерката на Јаир
(Мк 5,21-43; Лк 8,40-56)
18 #
19,15; Мк 5,23; 6,5; 7,32; Лк 13,13 Додека Тој им говореше за тоа, ете, еден началник Му пријде, падна ничкум пред Него и Му велеше: „Ќерка ми штотуку умре; но дојди, положи ја Својата рака над неа и таа ќе оживее.“ 19Исус стана и тргна по него, заедно со Своите ученици. 20#14,36; 3 Мојс 15,25; 5 Мојс 22,12; Мк 6,56; Лк 6,19И ете, една жена, која дванаесет години боледуваше од крвотечение, се приближи одзади и се допре до крајот на Неговата облека, 21зашто си велеше: „Само да се допрам до Неговата облека, и ќе оздравам.“ 22#8,10; 10,22; Лк 7,50; Дела 3,16; 16,31А Исус, штом се заврте и ја виде, рече: „Биди храбра, ќерко, твојата вера те спаси!“ И оздраве жената во тој час. 23И кога Исус дојде во куќата на началникот и ги виде свирачите и народот вознемирени, 24#Лк 8,52; Јн 11,11; 1 Кор 15,18-20им рече: „Излезете, зашто девојката не е умрена, туку спие.“ А тие Му се потсмеваа. 25#8,15Но, штом го истераа народот, Тој влезе, ја фати девојката за рака и таа стана. 26#5,15; Лк 4,14.37И тоа се расчу по целата таа земја.
Исус лекува двајца слепи
27 #
1,1; 20,30-31; 2 Цар 7,12-17; Дела 2,30 А кога Исус си одеше оттаму, тргнаа по Него двајца слепи и викаа: „Смилувај ни се, Сине Давидов!“ 28#8,10А штом дојде в куќи, слепите Му пријдоа; и Исус им рече: „Верувате ли дека можам да го направам тоа?“ Тие Му рекоа: „Да, Господи!“ 29#8,13; 15,28Тогаш им ги допре очите и рече: „Нека ви биде според вашата вера!“ 30#8,4И очите им се отворија; а Исус строго им заповеда: „Гледајте никој да не дознае за ова!“ 31Но тие, штом излегоа, разгласија за Него по целата таа земја.
Исус лекува нем човек
(Лк 11,14-15)
32 #
12,22-24; Лк 11,14-15 #
Мк 7,32.35 Додека тие излегуваа, ете, Му доведоа еден човек нем и опседнат од демон. 33#Мк 2,12; 7,37И, откако демонот беше изгонет, немиот проговори. А народот се чудеше и говореше: „Никогаш такво нешто не се видело во Израил.“ 34#12,24; Мк 3,22А фарисеите велеа: „Тој ги изгонува демоните преку началникот на демоните.“
Исус сочувствува со народот
(Мк 6,6-34; Лк 10,2)
35 #
4,23
И Исус одеше по сите градови и села и поучуваше по нивните синагоги, проповедајќи го благовестието за царството и лекувајќи секаква болест и секаква немоќ во народот. 36#14,14; 4 Мојс 27,17; 3 Цар 22,17; Ез 34,5.23; Зах 13,7; 2 Цар 18,16А штом виде многу народ, се сожали над нив, зашто беа изморени и напуштени како овци без пастир. 37#3,12; Лк 10,2; Јн 4,35-37Тогаш им рече на Своите ученици: „Жетвата е голема, а работниците се малку. 38#Јн 4,38Затоа молете Го Господарот на жетвата да испрати работници на Својата жетва.“
Pilihan Saat Ini:
Матеј 9: MAK2023
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
© Библиско Здружение на Р. Македонија 2023
