Chhòng-sè-kì 3

Lâng Ûi-pōe Bēng-lēng

1Chú Siōng-tè só͘ chō iá-tōe it-chhè ê tōng-bu̍t, chôa siōng khúi-khiat. Chôa tùi hū-jîn-lâng kóng, “Siōng-tè kiám ū-iáⁿ kóng, hn̂g-lāi só͘-ū ê ké-chí lín lóng bōe-ēng-tit chia̍h?”

2Hū-jîn-lâng tùi chôa kóng, “Hn̂g-lāi só͘-ū ê ké-chí goán lóng thang chia̍h, 3chí-ū hn̂g-tiong hit-châng chhiū ê ké-chí, Siōng-tè bat kóng, ‘Lín m̄-thang chia̍h, mā m̄-thang bong; lín nā m̄ thiaⁿ, lín ōe sí.’”

4Chôa tùi hū-jîn-lâng kóng, “Lín bô it-tēng ōe sí. 5Siōng-tè chai, lín chia̍h ê sî, lín ê ba̍k-chiu chiū ōe khui, ōe chhin-chhiūⁿ Siōng-tè#3.5 “chhin-chhiūⁿ Siōng-tè” mā thang e̍k-chòe “chhin-chhiūⁿ sîn-bêng”. hun-pia̍t siān-ok.”

6Hū-jîn-lâng khòaⁿ hit-châng chhiū ê ké-chí hó-chia̍h, kah-ba̍k, koh ōe hō͘ lâng ū tì-hūi, chiū chin him-siān. I chiū bán hit-ê ké-chí lâi chia̍h, sòa hō͘ kap i chòe-hé ê tiōng-hu chia̍h, i ê tiōng-hu mā chia̍h. 7In nn̄g ê lâng ê ba̍k-chiu chiū khui, chiah chai ka-kī sī chhiah-sin-lō͘-thé, chiū pīⁿ bû-hoa-kó chhiū-hio̍h chòe kûn hâ--teh.

8Hông-hun liâng-léng ê sî, hit-ê lâng kap i ê hū-jîn-lâng thiaⁿ-tio̍h Chú Siōng-tè tī hn̂g-lāi teh kiâⁿ ê siaⁿ, chiū bih tī hn̂g--ni̍h ê chhiū-á lāi, siám-pī Chú Siōng-tè ê bīn. 9Chú Siōng-tè kiò hit-ê lâng, kóng, “Lí tī tó-ūi?”

10Hit-ê lâng chiū kóng, “Góa tī hn̂g-lāi thiaⁿ-tio̍h lí ê siaⁿ chiū chin kiaⁿ, in-ūi góa chhiah-sin-lō͘-thé, chiū bih--khí-lâi.”

11Chú Siōng-tè chiū mn̄g, “Sím-mi̍h-lâng kā lí kóng lí chhiah-sin-lō͘-thé? Lí sī m̄-sī chia̍h góa hoan-hù lí m̄-thang chia̍h hit-châng chhiū ê ké-chí?”

12Hit-ê lâng kóng, “Lí hō͘ góa kap góa chòe-hé hit-ê cha-bó͘-lâng, i the̍h hit-châng chhiū ê ké-chí hō͘ góa, góa chiū chia̍h.”

13Chú Siōng-tè tùi hū-jîn-lâng kóng, “Lí ná ōe án-ni chòe?”

Hū-jîn-lâng kóng, “Chôa kā góa ín-iú, góa chiū chia̍h.”

Siōng-tè Phòaⁿ-chōe

14Chú Siōng-tè tùi chôa kóng,

“Lí kì-jiân chòe chit-ê tāi-chì,

tī it-chhè ê cheng-siⁿ kap iá-tōe ê cháu-siù,

lí te̍k-pia̍t tio̍h siū chiù-chó͘;

lí beh ēng pak-tó͘ kiâⁿ-lō͘,

it-seng chia̍h thô͘-hún.

15Góa beh hō͘ lí kap hū-jîn-lâng kiat oan-siû,

lí ê hō͘-tāi kap i ê hō͘-tāi mā kiat oan-siû;

i beh siong lí ê thâu-khak,

lí beh siong i ê kha-āu-tiⁿ.”

16Koh tùi hū-jîn-lâng kóng,

“Góa beh tōa-tōa ke-thiⁿ lí hoâi-īn ê thòng-khó͘;

lí beh chhui-chūn thòng-khó͘ chiah siⁿ-kiáⁿ;

lí beh loân-bō͘ lí ê tiōng-hu,

i beh koán-hat lí.”

17Chú Siōng-tè mā tùi A-tong kóng,

“Lí kì-jiân thiaⁿ-thàn lí ê bó͘ ê ōe,

chia̍h góa hoan-hù lí m̄-thang chia̍h hit-châng chhiū ê ké-chí,

só͘-í thó͘-tōe in-ūi lí ê iân-kò͘ siū chiù-chó͘;

lí tio̍h chi̍t-sì-lâng lô-khó͘, chiah ōe-tàng tùi thó͘-tōe tit-tio̍h chia̍h-mi̍h.

18Thó͘-tōe beh in-ūi lí hoat chhì-phè kap chi̍t-lê;

lí beh chia̍h iá-tōe ê chhài-soe.

19Lí tio̍h kōaⁿ-lâu-móa-bīn chiah ū thang chia̍h,

kàu lí kui-thó͘, in-ūi lí sī tùi thô͘ lia̍p-chō--ê;

lí pún sī thô͘-hún, mā beh kui tī thô͘-hún.”

20Hit-ê lâng kā i ê bó͘ hō-miâ kiò-chòe Hā-oa#3.20 “Hā-oa” ì-sù sī “oa̍h-miā”.; in-ūi i sī jîn-lūi ê lāu-bú. 21Chú Siōng-tè ūi-tio̍h A-tong#3.21 “A-tong” ì-sù sī “jîn-lūi”. kap i ê bó͘ ēng phê chòe saⁿ hō͘ in chhēng.

Siū Kóaⁿ-chhut I-tiân-hn̂g

22Chú Siōng-tè kóng, “Taⁿ, chit-ê lâng í-keng kap lán siâng-khoán, ōe hun-pia̍t siān-ok; i nā chhun-chhiú khì bán oa̍h-miā-chhiū ê ké-chí lâi chia̍h, chiū ōe oa̍h kàu éng-oán.” 23Chú Siōng-tè chiū chiong i kóaⁿ-chhut I-tiân-hn̂g, hō͘ i khì chèng-choh thó͘-tōe; i sī tùi thô͘ lia̍p-chō--chhut-lâi--ê. 24Chú Siōng-tè chiong hit-ê lâng kóaⁿ--chhut-khì í-āu, tī I-tiân-hn̂g ê tang-pêng siat sì-bīn tńg-se̍h hoat hé-iām ê kiàm, phài thiⁿ-sài ki-lō͘-pek hông-siú khì oa̍h-miā-chhiū ê lō͘.

Pilihan Saat Ini:

Chhòng-sè-kì 3: TTVR

Sorotan

Berbagi

Salin

Ingin menyimpan sorotan di semua perangkat Anda? Daftar atau masuk

The Bible Society in Taiwan

Pelajari Selebihnya Tentang 現代台語譯本羅馬字版

Chhòng-sè-kì 3

Ayat-ayat Alkitab Ternama dari
Chhòng-sè-kì 3

Alkitab:

Chinese, Min Nan

Versi: 現代台語譯本羅馬字版 - TTVR

Chhòng-sè-kì 3

Chhòng-sè-kì 3

Ayat-ayat Alkitab Ternama dari Chhòng-sè-kì 3

Alkitab:

Chinese, Min Nan

Versi: 現代台語譯本羅馬字版 - TTVR

Chhòng-sè-kì 3

Ayat-ayat Alkitab Ternama dari
Chhòng-sè-kì 3