मरकुस शुरुवाती बोक
शुरुवाती बोक
धिक सोचे त, हें देश अन्तर सुभाष चन्दर बोसे बारे कत विचार असे, खास कइ तसे मरणे बारे। केहि बोते कि जहाजे एक्सिडेन्ट बेलि से मरा, होर केहि बोते कि से अभेईं बि जीन्ता असा। केहि केहि त ईं बि बोते कि से अपु शकल बदलाई कइ भारत देश आ त अणजाण भोई कइ रेहा। कपले कपले एस पुठ सुआ राजनीति बि भुन्ति। ए सद तसे बारे ईं नेईं, बल्कि तेन्हि हर यक जेईं के बारे बि असी, जे बोडे बणते।
पेहली सदी अन्तर जपल पूरे धरती पुठ यीशु चेले बधण लगो थिए त प्रभु यीशु बारे बि तिहांणि सुआ बोक भुण लगी। यीशु सतसंग अन्तर सही बोक शिचालणे बाड़े सुआ घट थिए, किस कि सद यीशु चेली सुसुर पता थिआ कि तेन की की बोलु त की की किउ। इस बझई जोई यीशु खास चेला पतरसे बुलो बोक मरकुस नोउएं यक विश्वासी लिख कइ ए कताब बणाई, ताकि होरी जे यीशु जिन्दगी बारे सही जाणकारी मेई सकियेल। ए खुश खबरी हरालती कि यीशु केईं सोब हक असा। तस केईं शिचालणे, दुष्ट आत्मा नशाणे त पापी माफ करणे बि हक असा।
बाइबले सुआ जाणकार मानते कि यीशु मसीहे खुश खबरी अन्तरा एईएं खुश खबरी सोबी केआं पेहली लिखो थी। इ खुश खबरी 50-60 सदी अन्तर लिखो थी। त तुस बि एस पढ़ीण दिए, होर अपफ हेरे कि पेहली खुश खबरी अन्तर यीशु मसीहे बारे की की लिखो असु।
विषय सूची
शुरुवाती बोके (1:1-13)
गलील राज्य अन्तर यीशु सेवाई कम (1:14—6:13)
यीशु गलील राज्य केआं बाहर घेण (6:14—8:26)
यीशु यरुशलेम शेहर जे घेण त तठि सेवा करीण (8:27—13:37)
यीशु मरुण (14:1—15:47)
यीशु दुबारी जीण त स्वर्ग जे घेण (16:1-20)
Pilihan Saat Ini:
मरकुस शुरुवाती बोक: pgg
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
© 2023 (Active) Wycliffe Bible Translators, Inc. All rights reserved.