ƗMbombo ɨzya Bhasontwa 1

Ɨndapo ɨya hwambɨɨlɨle ʉMʼpepo ʉMʼfinjile

1Holo waanɨ Tiyofiilo, mu shitaabu shaanɨ ɨsha hwande#1:1 Ɨshitaabu shaanɨ ɨsha hwande hwa huje shitaabu sha Luuka. nahaʼsimbiiye hu nongwa ya gaala gonti, ʉYeesu ga‑ahabhombaga na‑amanyizye, afume hu wandilo wɨ mbombo yaakwe 2afishe isiku liila ahanyeetulwa abhale hu mwanya. Sha‑asɨɨle abhale hu mwanya, ahabhalajiziizye abhasontwa bhaakwe bha‑ahabhasaluuye ashilile hu Mʼpepo ʉMʼfinjile#1:2 Mʼpepo ʉMʼfinjile Bhaazya izwi Mʼpepo ʉMʼfinjile hu Ngalulanyo ɨyɨ Mazwi aMajenu hu malishilo wɨ shitaabu ɨshi. huje bhabhombe ziila ʉNgʉlʉbhɨ zya‑ahwanza. 3Hu habhaazyo ahɨ nsiku amashʉmi ganɨ afume azyʉshɨle mu bhafwe, ahahwilolesyaga hwa bhasontwa bhaala hahinji lwene. Ahabhalangaga hahinji pa pazelu huje, ʉmwene mwʉmi. Nantele, ahabhamanyizyaga ɨnongwa ɨzyɨ wumwɨnɨ ʉwa Ngʉlʉbhɨ.#1:3 wumwɨnɨ ʉwa Ngʉlʉbhɨ Bhaazya izwi Wumwɨnɨ ʉwa Ngʉlʉbhɨ hu Ngalulanyo ɨyɨ Mazwi aMajenu hu malishilo wɨ shitaabu ɨshi.

4Isiku limo, ʉYeesu lwa‑alya peeka na bhasontwa, ahabhalajizya huje, “Musahasogole mwi‑ibooma ɨlyɨ Yelusaleemu,#1:4 Yelusaleemu Bhaazya izwi Yelusaleemu hu Ngalulanyo ɨyɨ Mazwi aMajenu hu malishilo wɨ shitaabu ɨshi. leelo mugʉʉlɨle mwʉmwu, hafishe ahabhaazyo ɨho mwahayambɨɨlɨla ɨmpeesya, hwa huje ʉMʼpepo ʉMʼfinjile. Ɨyo ya yɨ mpeesya ɨyo ʉDaada ʉNgʉlʉbhɨ ahalapile, ɨndapo ya mwahanʉmvwɨzye ɨyanga. 5ɄYoohani ahabhozyaga abhantu na mɨnzɨ, leelo hu nsiku nyishe lwene zya zihwɨnza, amwɨ mwahayoozewa hu Mʼpepo ʉMʼfinjile.”#1:5 Mwahayoozewa hu Mʼpepo ʉMʼfinjile hwa huje ʉNgʉlʉbhɨ ahayihunʼsonteelezya ʉMʼpepo ʉMʼfinjile akhale mu mwoyo gwa bhantu na hubhalongozye. Nantele, ahayihubhasangalusya ɨmbiibhi zyabho, na hubhapeele ikhone ɨlya humʼmwɨtɨshe ʉNgʉlʉbhɨ.

ɄYeesu anyeetulwa abhale hu mwanya

6Abhasontwa bha Yeesu lwa bhabhʉngɨɨne peeka nawo, bhahamʼmʉzɨɨlɨzya bhahaga, “Bhʉlɨ, Mwɨnɨ, habhaazyo ɨha ha wahayihutigalushizya tiBhaizilaeeli ʉwumwɨnɨ weetu?” 7Ahabhaamula huje, “Ɨnsiku na habhaazyo aha‑abhombeshe ɨzyo, saga mbombo yeenyu amanye. ɄDaada avibhɨɨshɨle hwi‑ikhone lyakwe yʉʉyo. 8Lwa wɨnza huliimwɨ ʉMʼpepo ʉMʼfinjile, mwahayambɨɨlɨla ikhone. Ɨpo mwahayihumfumizyaga ʉsimishizi mu Yelusaleemu, mu mukowa gwonti ʉgwɨ Yudeeya nʉ gwɨ Samaliya, afishe muula ɨnsi mwɨ‑ɨpeleliiye.”

9ɄYeesu lwa waamala hubhabhʉʉzye ɨgo, ahanyeetulwa pa maaso gaabho abhale hu mwanya. Ibhɨngo lyahanʼkwinshila, saga bhahanʼnola nantele. 10Hu habhaazyo hahaala lwa bhahwenya hu mwanya lwa‑asogola, nalinaali lwene abhantumi#1:10 abhantumi Bhaazya izwi Bhantumi hu Ngalulanyo ɨyɨ Mazwi aMajenu hu malishilo wɨ shitaabu ɨshi. bhabhɨɨlɨ bha bhakwɨte amenda amazelu, bhahɨmɨɨlɨla mu pɨɨpɨ nabho. 11Bhahaga, “Mubhalume amwɨ mubha mu Galilaaya,#1:11 Galilaaya Bhaazya izwi Galilaaya hu Ngalulanyo ɨyɨ Mazwi aMajenu hu malishilo wɨ shitaabu ɨshi. yeenu mwɨmɨlɨɨye ɨpa muhwenya hu mwanya? ɄYeesu ʉnʉ wa‑anyetuliilwe afume huliimwɨ abhale hu mwanya, ahayigaluha nantele shishiila sha munʼnolile lwa‑asogola.”

ɄNgʉlʉbhɨ ahunʼsalula ʉMatiya pa Yuuda

12Ɨpo abhasontwa bha Yeesu bhahasogola pi‑igamba lya bhahagaga lyɨ Mizeyituuni. Bhahaweela hwi‑ibooma ɨlyɨ Yelusaleemu lya lyahali pa pɨɨpɨ. Lyahali nanshi ɨkilomeeta yeeka ɨshi afume pi‑igamba ɨlyo. 13Lwa bhatʉʉha mwi‑ibooma, bhahabhala mu nyumba ɨnjeleehanye, bhahazʉbha hu mpanda ɨya pa mwanya, mwa bhahakhomanilaga. Abhasontwa ɨbho bha bhɨɨbha, ʉPeeteli, ʉYaakobo, ʉYoohani, ʉAnduleeya, ʉFilipo, ʉToomasi, ʉBasolomaayo, ʉMataayo, ʉYaakobo ʉmʼvwɨlɨ wa Alufaayo, ʉSiimoni ʉNʼzeloote#1:13 ʉSiimoni ʉNʼzeloote ɄSiimoni ʉyo ahali na mataawa gabhɨɨlɨ, lyeka yʉ Siimoni ʉNʼzeloote, ɨlyamwabho yʉ Siimoni ʉNʼkaanani. hwa huje ʉlwɨla nsi yaakwe, nʉ Yuuda ʉmʼvwɨlɨ wa Yaakobo. 14Ɨbho bhonti, peeka nʉ Maliya ʉnyina wa Yeesu, abhashɨ abhanjɨ na bhaholo bha Yeesu bhahabhʉngaanaga hunʼnaabhe ʉNgʉlʉbhɨ.

15Isiku limo, abhooziwa bhahabhʉngɨɨne peeka, bhahafishile abhantu ɨmya yeeka na mashʉmi gabhɨɨlɨ ɨshi. Ɨpo ʉPeeteli ahɨmɨɨlɨla paahati yaabho, 16ahabhabhʉʉzya huje, “Bhaholo bheetu, ɨNsimbo ɨMfinjile zyahakhondɨɨye huje zibhombeshe. ɄMʼpepo ʉMʼfinjile ahakuwile ɨzyo ashilile hwa maama weetu ʉDaudi,#1:16 ʉDaudi Bhaazya izwi Daudi hu Ngalulanyo ɨyɨ Mazwi aMajenu hu malishilo wɨ shitaabu ɨshi. hu nongwa ya Yuuda wa‑ahabhalongʉʉye abhantu bhaala bha bhahanʼkhɨɨte ʉYeesu. 17ɄYuuda Sikalyoti ahali peeka naatɨ, ahasaluliilwe abhombe ɨmbombo peeka naatɨ.”

18Lwa waposheela ɨmpɨɨya ɨzyɨ mbiibhi, ahakalila ʉnʼgʉnda. Mu nʼgʉnda ʉmwo ahagwa kupama, ɨvyanda vyahatuluha, ʉwula wonti wahanyampaana pa nsi. 19Izwi ɨlyo lyahamanyiha hwa bhantu bhonti bha bhahakhalaga hu Yelusaleemu. Ʉnʼgʉnda guula bhahagupeela itaawa ɨlyɨ Hakelidaama, hu njango yaabho#1:19 Ɨnjango yaabho hwa huje Shialamayiki. hwa huje ʉNʼgʉnda ʉgwi‑Idanda.

20ɄPeeteli ahonjela ayanje huje, “Ɨgo ga gɨɨgo gahasimbwilwe mu shitaabu ɨshɨ Nsalifyo huje,

‘Ɨnyumba yaakwe yahayibha lisaami,

agandi akhale ʉmuntu nʉʉmo.’#Bhaazya ɨNsalifyo 69:25.

Nantele, ɨsimbwilwe huje,

‘Ɨmbombo yaakwe ɨya‑alongozye bhamʼpeele ʉmuntu ʉwɨnjɨ.’#Bhaazya ɨNsalifyo 109:8.

21-22Hu nongwa ɨzyo, ahwanziwa abhe ʉnʼnume ʉwɨnjɨ ʉmo wa‑anza‑ajendaje peeka naatɨ mu mbombo, afumyaje ʉsimishizi huje, ʉMwɨnɨ weetu ʉYeesu azyʉshɨle mu bhafwe. Ʉmuntu ʉyo ahwanziwa huje, abhanje ʉmo mwa bhaala bha bhahali peeka naatɨ hu habhaazyo honti ha tahamʼmɨnjɨlɨlaga ʉMwɨnɨ weetu ʉYeesu lwa‑ahashilaga mwa bhantu. Ahwanziwa huje, abhanje ʉmo mwa bhaala bha bhahali peeka naatɨ afume mu habhaazyo haala ʉYoohani lwa‑ahozyaga abhantu, afishe isiku liila ʉYeesu lwa‑ahanyetuliilwe huliitɨ abhale hu mwanya.”

23Ɨpo abhooziwa bhahataha amataawa aga bhalume bhabhɨɨlɨ. Ʉmo ahali yʉ Yoosefu Balisaaba ʉyo itaawa lyakwe ɨlyɨnjɨ ahali yʉ Yuusito, nʉ wa bhɨɨlɨ ahali yʉ Matiya. 24Ɨpo bhahanʼnaabha ʉNgʉlʉbhɨ bhahaga, “Aawe Mwɨnɨ, ʉmɨɨnye zya zili muuhati mu mooyo ga bhantu bhonti. Ɨshi, ʉtilanje wʉ‑ʉnʼsaluuye mwɨ‑ɨbha, 25nka‑apyanile pa mbombo ya nʼsontwa ʉYuuda ya‑ahayileshile, ahafwa, ahabhala ɨpo pa panʼkhondɨɨye yʉʉyo.” 26Ɨpo bhahaduunya ɨnduunya#1:26 bhahaduunya ɨnduunya ABhayahuudi bhahasimbaga amataawa ga bhantu mu mawe amadoodo, na hugabhɨɨshe gonti mu lwɨndɨ. Bhahayinzanyaaga afishe iwe lyeka lifume na‑alagale pa nsi. Ʉmuntu ʉyo iwe lya lili ni‑itaawa lyakwe nka lyatala afume, ya bhahagaga ashilile, na‑aje, asaluliilwe nʉ Ngʉlʉbhɨ yʉʉyo. Bhaazya ɨNjango 16:33. abhantu bhabhɨɨlɨ bhaala, yope ɨnduunya yahanʼgwɨla ʉMatiya. Ʉyo ahabha peeka na bhasontwa abhanjɨ bhaala ishʉmi na weeka.

Pilihan Saat Ini:

ƗMbombo ɨzya Bhasontwa 1: SBK

Sorotan

Salin