'Olic 6
6
O Pilongoc to Pipadama i Kapadesan
O 'olic ni Tafiti. Mapatorod i kakridan no paradiway, o faloay a kliw a sapisotasot a lalosidan ko sapacafay a pasoni. O no <<Saka Falo>> a hacong ko saparadiw.
1 Tapangaw, milongoc kako i Tisowanan, aka kakteren kako.
Aka ka o nano kter Iso ko sapitfoc i takowanan.
2 Tapangaw, nanay kaadayayen Iso kako, nawhani o tadancaay kako.
Tapangaw, adahen kako, nawhani awaayto ko 'ice'icel ako.
3Matfad i kapadesan ko tireng ato faloco' ako.
Tapangaw, tahacowa ko nika halafin no pades ako saw?
4Sikolenho kako a mitdal to faloco' ako Tapang.
Nawhani o maolahay Kiso i takowanan.
Saka, nanay pa'oripen kako.
5Itira i kaitiraan no mapatayay i,
awaay ko miharatengay i Tisowanan.
Itira i tadem i, awaay ko mahmekay i Tisowanan.
6Maroray kako to nano rarom ako a tomangic.
Snger#6.6 Snger -- o roma i, cpa' (katimol), 'opic (ka'amis). sato ko kafoti'an ato tatangalan ako to losa' ako to dadayadaya.
7Mararid ko tangic ako saka, mapato' ko mata ako.
Kadipohaw#6.7 Kadipohaw -- o roma i, maporahaw (Posko), mafodad (ka'amis). sato ko mata ako.
O nano 'ada ko sakamatini ako.
8Kamo o tatiihay a tamdaw, piliyas i takowanan.
Nawhani matngilto no Tapang ko tangic ako.
9Mitngil ko Tapang to pitahidang ako a milongoc,
Milayap ko Tapang to pitolon ako.
10O mamapakangodo ko 'ada ako a malowid,
Wa talifahal sa cangra a maparawraw a milaliw.
Pilihan Saat Ini:
'Olic 6: AMIS2019
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
© The Bible Society in Taiwan, 2019