Genesis 5
5
Ozondekurona za Adam okuza ku Set nga ku Noa
(1Eku 1:1-4)
1 #
Gen 1:27, 28 Indi oro embo rozondekurona za Adam. Eyuva Ndjambi nda mema ovandu, we ve ungura kosaneno ye omuini. 2#Mt 19:4; Mk 10:6Eye we ve mema omurumendu nomukazendu ne ve sere ondaya ne ve ruku kutja “omundu” meyuva ndi va memwa. 3Adam tja tjita ozombura esere nomirongo vitatu, wa kwata omuzandu ngwa sisiwa i ye omuini, ne mu ruku Set. 4Nu kombunda yongwatero ya Set Adam wa hupa ozombura zarwe omasere hambondatu; neye wa ri novazandu novakazona varwe. 5Eye wa koka nozombura omasere muvyu nomirongo vitatu.
6Set tja ri nozombura esere rimwe nandano, otja kwata omuzandu Enos. 7Nu kombunda yongwatero ya Enos Set wa hupa ozombura zarwe omasere hambondatu na hambombari. Neye wa ri novanatje varwe. 8Eye wa koka nozombura omasere muvyu nomurongo na mbari.
9Enos tja ri nozombura omirongo muvyu otja kwata omuzandu Kenan. 10Nu kombunda yokukwata Kenan, Enos wa kara nomuinyo ozombura zarwe omasere hambondatu nomurongo nandano. Neye wa ri novanatje varwe. 11Neye wa koka nozombura omasere muvyu nandano.
12Kenan tja ri nozombura omirongo hambombari otja kwata omuzandu Mahalalel. 13Nu kombunda yongwatero ya Mahalalel, Kenan wa hupa ozombura zarwe omasere hambondatu nomirongo vine. Neye wa ri novazandu novakazona varwe. 14Neye wa koka nozombura omasere muvyu nomurongo.
15Mahalalel tja ri nozombura omirongo hamboumwe nandano, otja kwata omuzandu Jered. 16Nu kombunda yongwatero ya Jered, Mahalalel wa hupa ozombura zarwe omasere hambondatu nomirongo vitatu. Neye wa ri novanatje varwe. 17Neye wa koka nozombura omasere hambondatu nomirongo muvyu nandano.
18Jered tja ri nozombura esere rimwe nomirongo hamboumwe na mbari otja kwata omuzandu Enok. 19Nu kombunda yongwatero ya Enok, Jered wa hupa ozombura zarwe omasere hambondatu. Neye wa ri novanatje varwe. 20Eye wa koka nozombura omasere muvyu nomirongo hamboumwe na mbari.
21Enok tja ri nozombura omirongo hamboumwe nandano wa kwata omuzandu Metuselak. 22Enok aa ryanga puna Ndjambi. Nu kombunda yongwatero ya Metuselak, Enok wa hupa ozombura zarwe omasere yetatu; neye wa ri novanatje varwe. 23Nozombura za Enok azehe kumwe za ri omasere yetatu nomirongo hamboumwe nandano. 24#Heb 11:5; Jud 1:14Enok aa ryanga puna Ndjambi. Nu tjazumba eye a zengi, orondu Ndjambi tjinga e mu isa ko kombanda yehi.
25Metuselak tja ri nozombura esere nomirongo hambondatu na hambombari wa kwata omuzandu Lamek. 26Nu kombunda yongwatero ya Lamek, Metuselak wa hupa ozombura zarwe omasere hambombari nomirongo hambondatu na mbari. Neye wa ri novanatje varwe. 27Neye wa koka nozombura omasere muvyu nomirongo hamboumwe na muvyu.
28Lamek tja ri nozombura esere nomirongo hambondatu na mbari wa kwata omuzandu; 29neye we mu ruka Noa, na tja: “Omuatje ngwi me tu suvisa moviungura vyetu avihe ovizeu okuza mehi romakunino, Muhona nda senga.” 30Nu kombunda yongwatero ya Noa, Lamek wa hupa ozombura zarwe omasere yetano nomirongo muvyu nandano. Neye wa ri novanatje varwe. 31Eye wa koka nozombura omasere hambombari nomirongo hambombari na hambombari.
32Noa tja ri nozombura omasere yetano wa ri novazandu vetatu ooSem na Ham na Jafet.
Pilihan Saat Ini:
Genesis 5: HRR-UNI
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Herero Revision Bible © Bible Society in Namibia, 2021.