Matayo 9
9
YEZU NAKIZA OMULEMA. — NAYETA MATAYO.
1Mbe nahanama mu bwato nayambuka, nahika mu charo chabo. 2Aho nibamuletera omulema, amamire ha kitabo. Yezu, ka yabwene kwikiriza kwabo, nagambira omulema ati: Tegeza, mwana wange, wakizibwa ebiheno byawe. 3Mbe abandi bo mu bandiki mu mitima zabo nibachwa bati: Onu yazuma Mungu. 4Yezu, ka yabwene ebitekateko byabo, nagira ati: Mukutekatekera ki amabi mu mitima zanu? 5Si echanguhire ni kiha? kugira nti: Wakizibwa ebiheno byawe, nangu kugira nti: Imuka, olibate? 6Mbe ka mumanye okw’Omwana w’omuntu ali n’obuhicha mu nsi bwo kukiza ebiheno, aho nagambira omulema ati: Imuka, twara ekitabo chawe, otahe mu ka. 7Naimuka, nataha mu ka. 8Mbe abantu ka babwene, nibatina nibakuza Mungu, ayahere abantu obuhicha butyo.
9Mbe Yezu ka yarugire aho, nabona omuntu, izina lye Matayo, aikere h’iholero, namugambira ati: Nondube. Naimuka, namuruba. 10Mbe hatyo Yezu, ka yekere mu nzu nalya, nibo n’abasoroza bengi n’abaheni nibeza, nibalya nage n’abahemba be. 11Mbe Abafarizayo ka babwene batyo, nibagambira abahemba be bati: Kai omwolekerezi wanu akulira ki n’abasoroza n’abaheni? 12Yezu, ka yahulire, nagira ati: Abazima tibasasirwe omufumu, nawe abarwere. 13Mbe nimugende, mweyege ekigambo kinu: Nkwenda ekisa, nawe ekitambo pai, kuba tinezire kweta abatakatifu, nawe abaheni#9, 13 Yezu akwenda kugamba ati: Abasoroza abakuhatwa Abafarizayo bali nk’abarwere; mbe n’ine omufumu wabo. Kusasira abantu ni kuzima muno kukira kutamba ebitambo byo kwesima ha meso g’abantu chonka, nk’okwo abandi bakola..
EBY’EKISIBO. — YEZU NAKIZA OMUHARA WA YAIRO N’OMUKAZI W’OMUZWO.
14Mbe aho abahemba ba Yohana nibamwizaho, nibagira bati: Itwe n’Abafarizayo tukusiba kengi; kasi! waza! abahemba bawe batakusiba? 15Yezu nabagambira ati: Abanwani b’omuswezi bakuhicha bata kubihirirwa, aho omuswezi akuba ali nabo? Nawe enaku zilihika, ezo balibehiraho omuswezi, mbe aho niho balisiba. 16Tihaliho muntu akusatura omwenda mukokoro ekisato kihya, kuba ekisato kikubandukaho, hatyo obutemuke nibukana muno. 17Kai hona tibakuta evini mpya mu nzoga zikokwere, kuba enzoga zikwatika, evini neseseka, n’enzoga nizifwa busa. Nawe evini mpya bakugita mu nzoga mpya, mbe niho bikuguma byona na byona#9, 17 Yezu akwelenganisya n’omuswezi. Mbe abahemba be tibakuhicha kubihirirwa, akiliho. K’alirugaho, balibona ebinaranazo bingi muno. — Ebizwaro n’enzoga nkokoro bikususanisya edini y’Abayahudi; kai evini mpya ekususanisya edini ya Yezu Kristu. Takwenda kutoba Evanjeli ye n’emiku z’Abafarizayo..
18Yaliga akibatengera ebyo, niwe n’omukungu omo namwizaho, namugwa mu maguru, nagira ati: Mukama wange, omuhara wange yamara kufwa hati, nawe iza, omuteho omukono gwawe, alore. 19Mbe Yezu naimuka namuruba n’abahemba be. 20Mbe aho omukazi, ayaliga arwere omuzwo myaka ikumi n’ebili, naruga enuma, nakwata ha bumalirizo bw’omwenda gwe. 21Kuba mu mutima gwe yatekatekaga ati: Ka ndakwataho omwenda gwe chonka, nkukira. 22Yezu, ka yekebukire, namubona nagira ati: Tegeza, mwana wange, kwikiriza kwawe kwakukiza. Mbe omukazi nakira mu katungu ako. 23Mbe Yezu, ka yahikire mu ka y’omukungu, nabona abatezi b’engoza n’embaga y’abantu nibayomba, nagira ati: 24Murugeho, kuba omuharakazi tafwire, nawe anagire. Nibamusekerera. 25Mbe abantu ka bahurukire, natahamo, namukwata omukono. Aho omuharakazi naimuka. 26Mbe enkuma ezo nizisugana mu nsi egyo yona.
YEZU NAKIZA ABAHUME BABILI N’OMUTITA ALI NA SITANI.
27Mbe Yezu ka yarugire aho, abahume babili nibamuruba nibayeta bati: Mwana wa Daudi, notusasire. 28Ka yahikire mu nzu, abahume nibamwizaho. Yezu nabagambira ati: Mukwikiriza okwo nkuhicha kubakolera ebyo? Nibasubamo bati: Yee, na sugu. 29Aho nakwataho ameso gabo, nagira ati: Mugirwe nk’okwo mukwikiriza. 30Mbe ameso gabo nigabona. Yezu nabahaniriza nagira ati: Mulore omuntu n’omo atamanya. 31Nawe bonene nibagenda nibamumanyisya mu nsi egyo yona.
32Baliga bakigenda, mbe nibamuletera omuntu mutita, ali na sitani. 33Isitani ka lyerukibwe, omutita nafumora, aho abantu nibakuma nibagira bati: Kinu kiti tikikabonwaga mul’Israeli. 34Aho Abafarizayo nibagira bati: Akwiruch’amasitani n’amani g’ikuru ly’amasitani.
35Yezu nazongorora mu byaro byona na mu nsozi, nayolekerera mu masomero gabo, namanyisya Evanjeli y’obukama, nakiza buli ndwara yona n’obusasi. 36Mbe ka yabwene embaga y’abantu, nabasasira, obwo baliga bali mu naku, bali aho chonka nk’enabalega ezitali na mulisya. 37Aho nagambira abahemba be ati: Igesa ni lingi, nawe abakozi nibo bake. 38Mbe nimusabe Omukuru w’igesa asindike abakozi mw’igesa lye.
Pilihan Saat Ini:
Matayo 9: KED1946
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
First published in 1946 by the White Fathers. Published online with the permission of the White Fathers.
