Mateo 5
5
Lusapwilo lwa Yesu pa Mutumba
1Yesu pa kwiamona mabumba, wakanjijile pa mutumba. Byo aikajile panshi baana banji babwanga baishile kwi aye, 2ponkapo aye watatwile kwamba ne kwibafunjisha amba.
Batokwa
(Luka 6:20-23)
3“Ba michima yapelelwa bo batokwa;
mambo bufumu bwa mwiulu bo bwabo!
4 #
Isa 61:2
Bajila majilo bo batokwa;
mambo bakatekeneshiwa!
5 #
Sala 37:11
Bakimote bo batokwa;
mambo bakaswana ntanda!
6 #
Isa 55:1,2 Baumvwa nzala ne kilaka kya kusakisha bololoke bo batokwa;
mambo bakekuta!
7Boba lusa bo batokwa;
mambo bakobilwa lusa!
8 #
Sala 24:3,4 Ba michima yatoka bo batokwa;
mambo bakamumona Lesa!
9Bapwanya bantu bo batokwa;
mambo bakatelwa amba; baana ba Lesa!
10 #
1 Pe 3:14
Bobapata na mambo a bololoke bo batokwa;
mambo bufumu bwa mwiulu bo bwabo!
11 #
1 Pe 4:14
“Mwatokwa anweba umvwe bantu bemwambila mwenga, ne kwimushikwa, ne kwimubepela mu misango yonse ya bubi na mambo a amiwa. 12#2 Moba 36:16; Byu 7:52Sekelai ne kusangalala, mambo mfweto yenu yo ikatampe mwiulu, mambo byo byo bebapachilenga ne bangauzhi ba batangijilepo kala.”
Mukele ne kyeya
(Mako 9:50; Luka 14:34-35)
13 #
Mako 9:50; Lu 14:34,35 “Anweba mwi mukele waba pano pantanda. Kabiji umvwe mukele wa aluka ke wasamuka, ukamubwezha byepi mu bu mukele bwanji? Kechi wafwainwa kintu ne, kana kumutayatu pangye ne kunyantaulapo bantu.
14 #
Yoa 8:12; 9:5 “Anweba mwi kyeya kya ba pano pantanda. Muzhi ye bashimikila pa mutumba kechi bakonsha kumufya ne. 15#Mako 4:21; Lu 8:16; 11:33Nangwa lampi, kechi bamwambula ne kumutuula munshi ya kilukwa ne, poso ponka pa kitulwapo lampi, kabiji usaamisha kyeya ku bonse ba munzubo. 16#1 Pe 2:12Byonkabyo kyeya kyenu kimweke ku meso a bantu; bamone mingilo yenu yawama, ne kumutumbijika Shenu uji mwiulu.”
Lufunjisho pa mambo a mizhilo
17“Kechi mulanguluke amba, naiya na kufumyapo bya mu buku wa mizhilo nangwa bya mu buku wa bangauzhi ne. Kechi naiya na kwibifumyapo ne, poso namba nebifikizhe. 18#Lu 16:17Mambo kine amiwa nemwambila namba, poso jiulu ne ntanda bikapite, kafwako nangwa kajilembo kamo nangwa kakinshabu kamo ka mu mizhilo kakapita ne, poso byonse bikafike. 19Byonkabyo awa ukazhilulula kamo ka tuno tumikambizho tucheche, ne kwibafunjisha bakwabo nabo kwikazhilulula bakamutela amba, ye mucheche mu bufumu bwa mwiulu. Kabiji awa uketulama ne kwibafunjisha bakwabo nabo kwitulama bakamutela amba, ye mukatampe mu bufumu bwa mwiulu. 20Mambo amiwa nemwambila namba, mukatwela mu bufumu bwa mwiulu inge kyakuuba bololoke bwenu bwakila bololoke bwa banembeshi ne Bafaliseo.
Mambo a bukaji
21 #
Lupu 20:13; Mpitu 5:17 “Anweba mwaumvwine byo bebabujile bashakulu bakala amba, kechi wipayang'ana ne; kabiji wa kwipayang'ana ukaletwa mukije. 22Pakuba amiwa nemwambila namba, awa wamubukila bukaji mulongo wanji, aye naye wafwa nao a kuletwa mukije, kabiji awa wa mwambila mulongo wanji amba, wakosama, aye naye wafwa nao a kuletwa mukije kikatampe, pakuba awa wa amba bya kufing'ana wafwa nao a kutayiwa mu Ngehena ya mujilo. 23Byonkabyo umvwe keulambule mulambu wobe ku kyakusokelapo bitapisho, ne kuvuluka amba, mulongo wami njinanji na mambo, 24sha mulambu wobe konka ku kyakusokelapo bitapisho, kabangijile jimo kupwana na mulongo wobe, bino ubwele ulambule mulambu wobe.
25“Pwana bukiji ne ye uji nanji na mambo, byo ukiji nanji mu jishinda ja ku kutwala ku kije; kuchiina amba, wa kukukenda mambo wakakufikizha ku mutonyi, ne mutonyi wakakufikizha ku muota, ne obewa wakatayiwa mu kaleya. 26Kine amiwa nemwambila namba, kechi ukafumamo ne, poso wafuta mali onsetu.
Mambo a bukende
27 #
Lupu 20:14; Mpitu 5:18 “Anweba mwaumvwine byo kyaambilwe amba, kuuba bukende ne. 28Pakuba amiwa nemwambila namba, awa utala mwanamukazhi na lunkumbwa, wauba nanji bukende monka mu muchima wanji. 29#Mat 18:9; Mako 9:47Kabiji umvwe jiso jobe ja ku kilujo jakulengesha kulenga mambo, wijilobolemo ne kwijitaya! Mambo kyakuwamina umvwe kimo kya mubiji wobe kyaonaika, bino mubiji wobe yense kutayiwa mu Ngehena ne. 30#Mat 18:8; Mako 9:43Kabiji umvwe kuboko kobe kwa ku kilujo kwa kulengesha kulenga mambo wikuchibeko ne kwikutaya! Mambo kyakuwamina umvwe kimo kya mubiji wobe kyaonaika, kukila mubiji wobe yense kuya mu Ngehena.
Mambo a kwikana
(Mateo 19:9; Mako 10:11-12; Luka 16:18)
31 #
Mpitu 24:1-4; Mat 19:7; Mako 10:4 “Kabiji kyaambilwe amba, wa kumukana mukazhanji, amupe nkalata ya kwikana. 32#Mat 19:9; Mako 10:11,12; Lu 16:18; 1 Ko 7:10,11Pakuba amiwa nemwambila namba, awa ukana mukazhanji, pakubula mambo a bukende, wamulenga ke nkende, ne aye wamusongola awa ye bakana aye naye wauba bukende.
Mambo a kuchipa
33 #
Levi 19:12;
Bala 30:2; Mpitu 23:21 “Kabiji mwaumvwine byo bebambijile bashakulu baakala amba, kechi uchipa bubela ne, kabiji ukamubile Lesa monka mo wachipila. 34#Yako 5:12; Isa 66:1; Mat 23:22Pakuba amiwa nemwambila namba, kechi uchipatu nangwa pacheche ne, nangwa kuteela mwiulu ne, mambo jo jitanda ja Lesa; 35#Isa 66:1; Sala 48:2nangwa kuteela pano panshi ne, mambo po poatuula maulu anji, nangwa kuteela Yelusalema ne, mambo ye muzhi wa mfumu mukatampe. 36Nangwa kuchipa mutwe wobe ne, mambo kechi wakonsha kwalulula lusuki umo ke utoka nangwa ke ufiita ne. 37Nanchi kwamba kwenu kwikaletu amba, ‘Ee, Ee;’ nangwa, ‘Ine, Ine,’ mambo kyakila kwamba pa bibye, kifuma ku bubi.
Mambo a kushinkanya
(Luka 6:29-30)
38 #
Lupu 21:24; Levi 24:20; Mpitu 19:21 “Mwaumvwine byo kyaambilwe amba, jiso jifwile pa jiso jikwabo, ne jiino najo mo monka. 39Pakuba amiwa nemwambila namba, kechi umukosele mubi ne. Kabiji awa wakupuma ku jibuta ja ku kilujo, mwalwile ne ja ku kipiko. 40Kabiji awa usaka kukuleeta mukije, ne kukwangata mukangyo wobe, muleke atambule ne munkukumba pamo. 41Kabiji awa wa kukanjikizha kwenda nanji musinso umo, enda nanji misinso ibiji. 42Kabiji wa kukulomba, mupeepo, ne aye wasaka kukongola kwi obewa kechi umushibuluke ne.
Kutemwa balwanyi
(Luka 6:27-28,32-36)
43“Mwaumvwine byo kyaambilwe amba ukamutemwa mukwenu, ne mulwanyi wobe ukamushikwa. 44Pakuba amiwa nemwambila namba, kasa mwibatemwa balwanyi benu ne kwibalombelela bemushikwa, 45namba mwikale baana Bashenu wa mwiulu. Mambo aye useelesha juba janji pa babi ne ku bawama pamo, ne kunokesha mvula pa baoloka ne pa babula koloka pamo. 46Kabiji umvwe mwibatemwatu bonka bemutemwa, mumwenamo ng'anyi mfweto? Basonkeshi nabo kechi boba byonkabyo nenyi? 47Kabiji umvwe mwibemuna balongo benu bonka, po mwakijila bakwabo po pepi? Bangentila nabo kechi boba byonkabyo nenyi? 48#Levi 19:2; Mpitu 18:13Byonkabyo mwikale balumbuluka, byonka byo alumbuluka Shenu wa mwiulu.”
Pilihan Saat Ini:
Mateo 5: KNTP
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
The Kaonde New Testament © The Bible Society of Zambia, 2019.