MATEUS 4
4
Yesus tonihkos
(Mrk. 1:12-13; Luk. 4:1-13)
1 #
Ibr. 2:18, 4:15 Uliorih Yesus konitot bain Roh Pohotala nokuh padang balambah ahkan tonihkos bain sehtan. 2Ohpat pulu ondou ohpat pulu ngolomi Yesus eam kuman. Turus Io komo bolo'u. 3Sehtan lombut tutang nuhtui, “Ihko Anak Pohotala, kowa? Nah, nyuhu bahtu-bahtu tuh monjadi luhte.”
4 #
Deut. 8:3
Yesus mutah, “Ang luwang Surat Borasih tonyurat: Ulun eam tou bolum tahkan luhte ih, tahpi ka'a tahkan nyinong auh ijo konohawot bain Pohotala.”
5Uliorih sehtan ngomin Yesus nokuh Yerusalem lowu brasih, tutang ngina Io, ang ngosan bohuwung Lohpou Tuhan. 6#Msm. 91:11-12 Turus sehtan nuhtui umba Io, “Ihko Anak Pohotala, kowa? Amat kodorih nomarang nokuh pinda; tului ang luwang Surat Borasih anai tonyurat koloutuh,
‘Pohotala ahkan nyuhu molehkat-molehkat-Oh ngolindung Ihko,
iro ahkan noharang Ihko umba longon'ndo,
mangat pa'am ka eam totungging ang bahtu.’ ”
7 #
Deut. 6:16
Yesus mutah, “Tahpi ang luwang Surat Borasih tonyurat ka'a, ‘Ara ihkam nikos Tuhan Pohotalan'kam.’ ”
8Pongohuli sehtan ngomin Yesus hino nokuh puruk ijo isung tu'u tutang nunjuk ahkan-Oh paring kolahca'an ang kolunon tutang paring kotahtouoh. 9Turus sehtan nuhtui umba Yesus, “Paringoh tuh ahkan ahku nonga ahkan-Mu, amat Ihko suhkuntu'ut nyembah ahku.”
10 #
Deut. 6:13
Yesus mutah, “Hahtun ihko, o ponihkos! Ang luwang Surat Borasih tonyurat: Nyembah Tuhan Pohotalan'kam, tutang nonga horomat ahkai-Oh ih!”
11Kojoriaioh sehtan nohtah Yesus, tutang molehkat-molehkat ka lombut mohalu Yesus.
Yesus nguan gawiu-Oh ang Galilea
(Mrk. 1:14-15; Luk. 4:14-15)
12 #
Mat. 14:3; Mrk. 6:17; Luk. 3:19-20 Kotihka ngonih ijo Yohanes ponosolong ang luwang sipir, Yesus mokila nokuh Galilea.
13 #
Yoh. 2:12
Io nohtah Nasaret, turus mohcon ang Kapernaum, ang saran Danou Galilea, ang tana Zebulon tutang Naftali. 14Tului Yesus nguan aang orih, nyolung inon ijo tonuhtui bain Nabi Yesaya:
15 #
Yes. 9:1-2
“Tana Zebulon tutang tana Naftali
ang jalan nokuh danou, pohoi Sungoi Yordan,
Galilea tana bohkon Yahudi!
16Uhtus ijo bolum ang luwang kopindong
jari nohto koboloang ijo ngorolondang!
Bagi ijo mohcon a'ang lowun kopindong popahtoi
jari lombut koloang ngorolondang!”
17 #
Mat. 3:2
Tahkan ohkot orih Yesus nopara mborihta, “Hubah tahkan dusa-dusan'kam, tului Pohotala ahkan jeleng moretah kolou Lahca!”
Yesus na'ah ohpat behti pongohcin
(Mrk. 1:16-20; Luk. 5:1-11)
18Kotihka Yesus beteng nyalan ang saran Danou Galilea, Io nohto duo behti pongohcin, iorih Simon (ijo pongo hino konohawot ka'a Petrus) doro arioh Andreas. Iro beteng nawan ohcindanum ang danou rih umba jala.
19Yesus nuhtui umba iro, “Olai, umba Ahku, Ahku ahkan majar ihkam monjala kolunon.” 20Nyolung iro nohtah jala'ndo, turus nutut umba Yesus.
21Yesus nyalan turus, turus nohto hino duo behti ulun hokonduang ijo bohkon, iorih Yakobus tutang Yohanes anak-anak Sebedeus. Iro hihco hombo-homboh umba amai'ndo, rahat ngorong jala ang luwang alut, Yesus na'ah iro ka'a, 22tutang iro hunrihka'a nohtah alut tutang amaioh turus ngohasu Yesus.
Yesus majar, kotbah, tutang ngopios ulun
(Luk. 6:17-19)
23 #
Mat. 9:35; Mrk. 1:39 Ang Galilea, Yesus mongodiling ang sohopus tana tutang majar ang lohpau sombayang. Io mborihta Kabar Hinut, ijo Pohotala ahkan moretah. Tutang Io ka'a ngopios ulun-ulun mondam tutang cacat. 24Kabar tohou Yesus rih tosiar johcok ang hapus tana Siria, nyiring aro ulun lombut nokuh Io. Iro ngomin ulun-ulun ijo ngarot mahca-mahcam koporos tutang kosusah. Ulun-ulun ijo tonyorupang roh ja'at, ijo poros nyo'on, tutang ijo bolomukaet paringoh konopios bain Yesus. 25Aro samasino ulun ijo ngohasu Yesus aang ohkot orih. Anai ijo lombut tahkan Galilea, anai ijo tahkan Sopulu Lowu, tahkan Yerusalem, tahkan Yudea, tutang anai hino ijo tahkan lowu ang pohoi Yordan.
Pilihan Saat Ini:
MATEUS 4: OTD
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
@ LAI 1997 Indonesian Bible Society (Lembaga Alkitab Indonesia)
