Gyenesise 5
5
Adam Boso ama
(1 Aberɛso Dwirɛ 1.1-4)
1 #
Gye 1.27
Adam boso ama mɔ ɛhe: Mmerɛ bɔ Nyameɛ bɔle sona nen, ɔyɔle ye kyɛ Nyameɛ sɛso. 2Ɔbɔle bɛ bienzua ne brasua, na oyirale bɛ. Na ɔtole bɛ dumaa ‘Sona’ wɔ mmerɛ bɔ ɔbɔle bɛ ne. 3Adam lili afoɛ ɛyaa ko ne aburasa nen, ɔwole ye sɛso baa bienzua bɔ osoma ye, na ɔtole ye dumaa Sɛte. 4Adam wole Sɛte nen, ye si ye olili afoɛ ɛyaa mmɔtwɛ; na ɔwole mmaa mmienzua ne mmrasua mɔ koso. 5Yiti Adam afoɛ bɔ olili amukoraa te ɛyaa ngona ne aburasa, na owuli. 6Na Sɛte lili afoɛ ɛyaa ko ne nnu nen, ɔwole Enose. 7Sɛte wole Enose nen, ye si ye ɔtenane ase afoɛ ɛyaa mmɔtwɛ ne nzoo; na osa wole mmaa mmienzua ne mmrasua mɔ koso. 8Yiti Sɛte afoɛ bɔ olili amukoraa te ɛyaa ngona ne buru ne nyɔ, na owuli. 9Enose lili afoɛ aburahona yeɛ ɔwole Kenan ɔ, 10na Enose wole Kenan nen, ye si ye ɔtenane ase afoɛ ɛyaa mmɔtwɛ ne buru ne nnu; na osa wole mmaa mmienzua ne mmrasua mɔ koso. 11Yiti Enose afoɛ bɔ olili amukoraa te ɛyaa ngona ne nnu, na owuli. 12Kenan lili afoɛ aburasoo yeɛ ɔwole Mahalaleel ɔ, 13na Kenan wole Mahalaleel nen, ye si ye olili afoɛ ɛyaa mmɔtwɛ ne aburanna, na osa wole mmaa mmienzua ne mmrasua mɔ koso. 14Yiti Kenan afoɛ bɔ olili amukoraa te ɛyaa ngona ne buru, na owuli. 15Mahalaleel lili afoɛ aburasia ne nnu yeɛ ɔwole Yarede ɔ, 16na Mahalaleel wole Yarede nen, ye si ye olili afoɛ ɛyaa mmɔtwɛ ne aburasa, na osa wole mmaa mmienzua ne mmrasua mɔ koso. 17Yiti Mahalaleel afoɛ bɔ olili amukoraa te ɛyaa mmɔtwɛ ne aburahona ne nnu, na owuli. 18Yarede lili afoɛ ɛyaa ko ne aburasia ne nyɔ yeɛ ɔwole Henɔke ɔ, 19na Yarede wole Henɔke nen, ye si ye olili afoɛ ɛyaa mmɔtwɛ, na osa wole mmaa mmienzua ne mmrasua mɔ koso. 20Yiti Yarede afoɛ bɔ olili amukoraa te ɛyaa ngona ne aburasia ne nyɔ, na owuli. 21Henɔke lili afoɛ aburasia ne nnu nen, ɔwole Metusela. 22Henɔke wole Metusela yiele nen, ɔne Nyameɛ natele afoɛ ɛyaa nza, na osa wole mmaa mmienzua ne mmrasua mɔ. 23Yiti Henɔke afoɛ bɔ olili amukoraa te ɛyaa nza ne aburasia ne nnu. 24#Heb 11.5 Henɔke ne Nyameɛ natele, na otu minini, ofikyɛ Nyameɛ fale ye hɔle. 25Metusela lili afoɛ ɛyaa ko ne aburawɔtwɛ ne nzoo yeɛ ɔwole Lamɛke ɔ, 26na Metusela wole Lamɛke nen, ye si ye olili afoɛ ɛyaa nzoo ne aburawɔtwɛ ne nyɔ, na osa wole mmaa mmienzua ne mmrasua mɔ koso. 27Yiti Metusela afoɛ bɔ olili amukoraa te ɛyaa ngona ne aburasia ne ngona, na owuli. 28Lamɛke lili afoɛ ɛyaa ko ne aburawɔtwɛ ne nyɔ nen, ɔwole baa bienzua. 29Ɔtole ye dumaa Nowa, na ɔhane kyɛ, “Ye yeɛ okofi aseɛ bɔ AWURADE anoma ye ne anu ɔkɔkyekye yɛ wora wɔ yɛ adwuma, ɔne ɛfɛɛ wora bɔ yɛfɛ yɛ sa nu ɔ.” 30Na Lamɛke wole Nowa nen, ye si ye olili afoɛ ɛyaa nnu ne aburahona ne nnu, na osa wole mmaa mmienzua ne mmrasua mɔ koso. 31Yiti Lamɛke afoɛ bɔ olili amukoraa te ɛyaa nzoo ne aburasoo ne nzoo, na owuli. 32Nowa lili afoɛ ɛyaa nnu ne, ɔwole Sem, Ham ne Yafɛte.
Pilihan Saat Ini:
Gyenesise 5: EBP
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Esahie Bible © Bible Society of Ghana, 2018.