Matai 2
2
Ukwisa kwa bamanyandondwa
1Lelo bo apapigwe Yesu mu-Betlehemu nkisu kya mu-Yudai, mmasiku ga ntwa Herodi, popapo balinkuboneka mu-Yerusalemu abamanyandondwa aba bafumile kubusokelo
2ilisuba, balinkuti: Ali kugu untwa gwa baYuda umpapigwa lilino? Namanga tulubwene ulutondwa lwake kubusokelo
3ilisuba, twisile kukubunguluka kumyake. Umwene untwa Herodi bo apilike sisisi, silinkunnyomosya, bope naba mu-
4Yerusalemu balinkunyomokela lumo nagwe. Lelo bo ababungenie abaputi abakulumba nabamanyakalata ba bandu,
5alinkubalalusya muno isakupapigwaga Kristi. Abene balinkumbula balinkuti: Mu-Betlehemu nkisu kya mu-Yudai; buno lyo lyasimbigwe nunkunguluka ukuti:
6Nungwe gwe Betlehemu gwe uli nkisu kya Yuda,
Ungatigi uli nnandi mbalagili ba mwa Yuda;
Kabuno mmyako isakufumamo undagili,
Uyu isakubatimaga abandu bangu abanya Israeli.
7Popapo Herodi alinkubabilikila kubutitu abamanyandondwa,
8alinkubania akabalilo aka lwabonekile ulutondwa. Alinkubatuma ku-Betlehemu alinkuti: Amubukege mukalalusyege fiyo isya mwanike; linga mumwagile, mwise mumbule, ukuti
9nanine mbuke ngambungulukilege. Abene bo bapilike isya ntwa, popapo balinkubuka; balinkwaga ulutondwa ulu balubwene kubusokelo ilisuba, lubalongolile nkyeni ukwakufika
10papo lwimaga pamwanya apa alipo umwanike. Lelo bo balubwene ulutondwa, popapo balinkuya nulusekelo uluku-
11lumba fiyo. Balinkwingila nnyumba, balinkumbona umwanike pamopene na Maria unna. Popapo balinkugwa pasi, balinkumbungulukila; abene bo basakwile ifyuma fyabo,
12balinkunninga ifyabupe, sahabu,#sahabu, bamo bikuti gold. lubani na mira. Bo basokigwe munjosi ukuti bangagomokelaga kwa Herodi, balinkwenda injila iyingi ukubuka kumyabo.
Ukubapela mwʼEgipti
13Lelo bo babukile, po ugwandumi gwa Ntwa alinkunsetukila Yosefu munjosi alinkuti: Sumukaga, umwegege umwanike nunna, uyongelege mwʼEgipti, ukayege mumo ukwisakufika papo nisakukubulaga; namanga Herodi ikuya pakundonda
14umwanike ukuti angoge. Popapo alinkusumuka alinkumwega
15umwanike na yu nna pakilo, alinkubuka mwʼEgipti. Alinkuya mumo bwila ukwisakufika papo afwilege Herodi; ukuti mo simalikilege sisyo uNtwa asiyobile munkunguluka apa atigi: Nalimbilikile umwanangu ukufuma mwʼEgipti.
Herodi ikubagoga abana mu-Betlehemu
16Umwene Herodi bo agile asyobigwe nabamanyandondwa, alinkukalala fiyo; alinkutuma kukubagoga abanike abalumyana bosa aba mu-Betlehemu na mumbafu syake syosa, ukufuma pabafyinja fibili ukufika pabafyele, ukufwana naka-
17balilo aka abaniege abamanyandondwa. Silinkwisa sisyo asiyobege unkunguluka Yeremia apa atigi:
18Ilisyu lyapakigwe mu-Rama,
Inguto nukwililisya ku kwingi,
Raheli ikubalilila abanake;
Ikusita nukusubisigwa, papo bakayako.
Ukugomoka ukufuma mwʼEgipiti
19Lelo bo afwile Herodi, popapo ugwandumi gwa Ntwa
20alinkunsetukila munjosi Yosefu mwʼEgipti alinkuti: Sumukaga umwegege umwanike nunna, ubukege nkisu kya Israeli, namanga bafwile aba babulondaga ubumi bwa mwanike.
21Umwene alinkusumuka, alinkumwega umwanike nunna,
22alinkubuka nkisu kya Israeli. Loli bo apilike ukuti Arikilau ikukilagila ikisu kya Yudai mbuyo bwa gwise Herodi, alinkutila ukubukamo; loli bo asokigwe munjosi,
23alinkubuka nkisu kya mu-Galilai. Alinkubuka alinkwakuyenga nkaya aka batigi Nazareti; ukuti sisege sisyo syayobigwaga nabakunguluka ukuti: Isakuyobigwaga ukuya nNazareti.
Pilihan Saat Ini:
Matai 2: NYY
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Nyakyusa Ngonde New Testament (Ulwitikano Ulupya) © United Bible Societies, 1966.
