Matiyu 21
21
1Im pol sugkū irora dūmūvelum potipot Yerūsalem, mūmūvelum mefeli Betfake ra numpūo Olivet, Iesū yemtamūlora dūrū ra ōvun nūriē eni, 2memenūwi punora memokū, ūve kĭmi ūntemne ūnimetemi, ĭm kĭmi kwagesi as, ĭm netni eni, mori oti neleki, 3sūli mō mūtorora poyaū ĭm nagkū si anu wi sī en tie si pugkūm, kwanūwi magkū, iyi Novsūromōn umnakīwokonda; marimago iyi ontamūlora.
4Dūroūtepū imō sū sugkū worampesog nam mori yeti ugi profet, yĭpmenūwi memokū, 5Unūwi pugi ĭtnumpūkon eni Sĭon magkū, Pah, Fan lō enugkĭk umampelum pugkĭk; miyi oti noramel, mōmumprokotesep ran tan as, ĭm netni eni netni as woruriuki gĭn tan.
6Mōvun nūriē dūmūve mōmumpi sugkū Iesū yempasewokonda, mōĭmtori as, ĭm netni eni, 7mōmūtipe ōvun némas isenda ran tan as, mōmūvkisah iyi ran tanda; 8mōvun telien lōsū dūmūviēeve ōvun nemas isenda ūselat; dūmūtanteve nugkelĭn nēsū mōmūieve ra selat; 9mōvun naviransū mori dūmūbūm, mirora mori dūmūwi, dūmumprokovrugi mūmōkū, Hōsana ra Netni eni Dēvĭd; nevīeves iyi mori unprokovelum ra nin eni Iehōva; Hōsana ūnūrūsū tantevakepe.
10Im polekū yivelum ra Yerūsalem omwisū ra sĭti dūmūyōūmple mūmūtagkeli mūmōkū, Mē imo? 11Mōvnumpūnlō dūmūnūwi mūmōkū, Imo Iesū profet ra Nasaret ra Kalĭli.
12Im Iesū yive ūnisog nimo tumpora eni Nobū memsatevokondasū mori dūmūvasi ūnisog nimo tumpora, miyi yemtorepesi ōvun nevlok enirora mori dūmūvasi ūmpon; 13miyi yemenūwi punora memokū, Yemetiyi memokū, Wonatov nin magkū Nimo enyaū nimo worufwaki, kō kūmumpi veli enirora ōvun toreforo.
14Mōvun nĭmtēi mōvun nōwumti dūmūvelum pugi ūnisog nimo tumpora miyi yemumkororĭgives. 15Kō pol sugkū ōvun tavsogi tumpora mōvun somūl dūmōkesi ōvun numpūrah sū navlugi mori iyi yemumpi, mōvalalaū dūmovrugisah ūnisog nimo tumpora mūmūnūwi mūmōkū, Nēōwara paū, Netni eni Dēvĭd, irora dūmalokoi pugi, 16mūmūnūwi pugi mūmōkū, Kĭk orĭgi nam imosū ūman ūwi, kū? Im Iesū yemenūwi punora memokū, Monokowo; Kĭmi kūtūmasepi imo nam kū, Marugi naveranda ōvalalaū kĭmampī numplĭn ves nĭsekom.
17Miyi yemōwi irora mempe marugi sĭti ra Betani memorokote lap yūi. 18Im prūbokom yōemtorĭleki ra sĭti miyi yemtemas. 19Miyi yemokesi nē fĭk ra nokoren selat mempe pugi metōkesi sĭ novūan, ōvun nugkelĭn wokon, memenūwi pugi memokū Isūma; kotūōmampūo mōmū; marimago nē yemetū. 20Mōvun nūrie dūmōkesi mūmavlugi, mūmūnūwi mūmōkū, Okesi nē mori okemetū ĭtnum. 21Iesū yemtamsi memenūwi punora memokū, Itnesog, ya umanūwi pug kūm memagkū, nagkū kĭmi kūmūtavniri mūtūtevrevorūwi, kĭmi kūtūwonumpi imo wokon ugi nē fĭk, kō hagkū kĭmi kwanūwi pugi imo numpūo magkū, Eve pelah marugi imo nūrū ĭm tafugi ran tok, imo onumpi sugkū. 22Im tiamesū kĭmi kwosenĭgi ugi nūfwaki ĭm tavniri kĭmi kwampĭ.
23Miyi yive ūnisog nimo tumpora, mōvun tavsogi tumpora mōveteme talam ra lō dūmūvelum pugi nempugon iyi yemtavsogi; mirora dūmūtagkeli mūmōkū, Kĭk emnumpi imosū ugi horog ene mē? Mē yavunok imo horog?
24Im Iesū yemtamsi memenūwi pun ora memokū, Yaū sugkū, ya ontagkolekūm sĭ nam, ĭm nagkū Kĭmi Kwanūwi pe po yaū, ya anūwi pug kūm ugi pe horog mori yakum numpi imō sū: 25pe baptĭsma eni Yōane, yĭmnea? marugi pokūp? kū marugi ōveteme?
Mirora dūmūtampi punora mūmōkū, Nagkū kos ke lanūwi ĭm lagkū, marugi pokūp; iyi anūwi magkū, Im irasiē kūmūtū tavnirĭgi iyi? 26ĭm nagkū kos ke lanūwi ĭm lagkū marugi ōveteme, kos ĭm lamtetokonda ōvun telien lō, ĭt irora sū umagkū Yōane sī profet.
27Mirora dūmūtamsi mūmūnūwi pugi Iesū, mūmōkū, Ka ke letū Kili.
Miyi yōmenūwi punora memokū, Im ya otū anūwi pugkūm magkū ugi horog ene mē yakum numpi imo sū.
28Kō kūmagkūntie? Dūmūti ōvun netni endūrū eni sĭ neteme, miyi yive pugi ĭtnetemefi memenūwi pugi memokū, Netūg, eve irē mumpūrah ran denūok enyaū. 29Kō iyi yemtamsi memenūwi memokū, Eyi, ya otū ampe; penūri yemorĭgi sat ugi mō ĭmpe.
30Miyi yive pugi dūrūgi mōmenūwi sugkū, miyi yemtamsi memenūwi memokū, Ya ampe kō iyi yetūve. 31Itokowo ra irora endūrū yemumpi sugkū nakĭugi eni ĭtemenda? Mirora dūmūnūwi pugi mūmōkū. Iyi nōbūm. Iesū yōmenūwi punora memokū, Itnesog ya umanūwi pugkūm memagkū ōvun lĭvsaū nalekon mōvun tōri umampūm irami ra lō eni Nōbū.
32It Yōane yivelum pugkūm ugi tanepō ĭm kĭmi mūtūtavnirĭgi iyi, kō ōvun lĭvsaū nalekon, mōvun tōri dūmutevnirĭgi iyi, ĭm kĭmi mūmokesi mūtūvīeves nōwami sugkū ma wontavnirĭgi iyi.
33Urĭgi sī mōmu parabel. Sī neteme miyi yemumpi denūok memōgwi ugi vĭn memempī nagkaūugi, memumpi nimo ĭlebōteven nĭmsĭn novūan woretani, memumpi sĭ nimo tantop, memovugi lap punora ōvun nasemnūok mempe ra nūrū ĭsūt.
34Im ra nempugon memovūo iyi yemtamūlora ōvun lĭvsaū eni punora ōvun nasemnūok, memokū iyi ampī dumpon. 35Mōvun nasemnūok dūmūlekavi ōvun lĭvsaū eni mūmūvselatevi sĭ, mūmūtalugi sĭ, mūmūtevi ugi nevat sĭ mōmū.
36Penūri imo iyi yōemtamūlora mōmū ōvun lĭvsaū eni mirora dūmumpi iranda sugkū. 37Im ra nĭsah iyi yōemtamūli netni eni memesepen enūwi memokū, Irora wosesiēves netūg. 38Kō ōvun nasemnūok mori pol sugkū dūmōkesi netni eni dūmūsepen enūwi punora irora mūmōkū, Imo tampenum eni ĭtemen, ūvelum kos litalugi ĭm lampĭ nūrū mori nĭsekont. 39Mirora dūmūrūleki iyi mūmūtafugi ratilat denūok, mūmtalugi. 40Im pol sugkū neteme eni denūok mori ōmampelum iyi onumpi tie iranda ōvun nasemnūok mori? 41Mirora dūmūnūwi pugi mūmōkū, Iyi ontevavteti irora ōvetemĭndi, mĭntenĭmpe lap denūok punora ōveteme mōmū mori wampugi novūan ra nempugon wampūo.
42Ie-ū yemtagkelora memokū, Kĭmi kūtūmasepi imo ra netĭyi tumpora kū? Nevat mori ōveteme dūmumpi nimo mūmōkesi sat, yetipe mori napūtan nimo. Iehōva yemumpi sugkū ĭm imo sĭ navlugi ūnimĭnt. 43Popōwo imo sugkū ya umanūwi pugkūm memagkū, Ampī marugkūm lō eni Nōbū mampugi lō sī mori wampugi novūan. 44Miyi sī amol ra nevat mori mesumprokum ugi; kō nagkū amol iran sĭ kū sĭ ontarekirekon iyi.
45Im pol sugkū ōvun tavsogi horog mōvun Faresi dūmūrĭgi ōvun parabel eni, irora dūmūlavenūri mūmōkū iyi yemenūwi ugi irora. 46Mirora dūmakīugi wororūleki iyi, kō dūmūmtetokonda ōvun numpūn lō, ĭt irora dūmōkū iyi profet.
Pilihan Saat Ini:
Matiyu 21: ERGNT79
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Erromangan New Testament © British and Foreign Bible Society, 1909,1979.
