Matiyu 16
16
1Ovun Faresi mōvun Sadūsi dūmūvelum mūmōkū wontapmi iyi, mūmōkū iyi osesi punora sī safi marugi pokūp. 2Miyi yemenūwi punora memokū, poaraparap kūmanūwi mūmagkū, Onenempara; pokūp umnavilara; 3ĭm prubokom, Umyōmūlyōmūl irē; pokūp umnavilara memē-ōmpeli. Ovun nĭmpiri, kūmandūkili nĭpmi pokūp, kō kūtū faneteme worokili safi ra nempugon marima. 4Sī palsi sat ĭm tampalaū umnesorugi sĭ safi otūmampunora sī safi, imō wokon, safi eni Yōna profet. Miyi yemōwi irora, mōempe.
5Mōvun nūrie eni dūmūvelum nugkonnūmpe mūtūontemi worevi yōūp; 6ĭm Iesū yemenūwi punora memokū, Urĭgi, ūfĭnte kĭmi marugi leven enirora ōvun Faresi mōvūn Sadūsi. 7Mirora dūmūtarugi raūmūnūwi punora irora mumokū, Popōwo kos keletūvī yōūp. 8Im Iesū yemokili ugi mōmenūwi punora memōkū, Ah kĭmi, kūmuntavniri virok, irantie kūmontarū popōwo kūtūvī yōūp? 9-10kūmamgĭugi marima kū? Kūtūmnentemi ugi yōūp fĭv mōveteme fĭv taūsan kū? 11ĭm deve woretovi mevĭugi? nokowo imo kūmamgiugi ya otūnūwi ugi yōūp, kō mokū kĭmikwafĭnte kĭmi marugi leven enirora ōvun Faresi mōvun Sadūsi. 12Mirora dūmokili ma iyi yetūnūwi memokū ūgi leven yōūp kō memokū irora wafĭnte irora marugi tavsogi enirora ōvun Faresi mōvun Sadūsi.
13Im Iesū yive ranūrū Sesaria Fĭlĭpĭ memtagkelora ōvun nūrie eni memokū, Oveteme umanūwi mūmagkū Netni enineteme, yaū mē? 14Mirora dūmūnūwi mumōkū Nugkon umagkū Yōane baptisō; ĭm nugkon, Elīya; ĭm nugkon Yeremīa, kū sĭ ra irora ōvun profet. 15Miyi yōemtagkelora memokū, Im Kĭmi, kūmagkū yaū mē? 16Im Simon Piter yemtamsi memenūwi memokū, Kĭk Krĭstō, Netni eni Nōbū umnomūrep. 17Im Iesū yemtamsi memenūwi pugi memokū, Nevĭeves kĭk, Sĭmon netni eni Yōna, ĭt fan ĭm de dūtūsesi imo pugkĭk iyi Itemen yaū ūnpokūp. 18Im ya umanūwi punok memagkū, Kĭk Piter, ĭm ran tan imo vetūnam ya antipe nelepon sĭ lō tumpora enyaū; ĭm horogsū ra Hēdes ūtūontantevakepe iran. 19Im ya ampunok ōvun ki ra lō ūnpokūp; 20ĭm tiamesū kĭk īeti ra nemap ĭeti ūnpokūp; ĭm tiamesū kĭk osūli ra nemap osūli ūnpokūp. Miyi yemwalivat ūnōwanda ōvun nūrie eni memokū, irora ūtūanūwi pugi sĭ neteme ma iyi Iesū, Krĭstō mori.
21Marugi imo nempugon Iesū yematipotni woresesi punora ōvun nūrie eni memokū oti sugkū ma iyi ampe ra Yerūsalem wororĭgi nesorū ugi sikat entiame ōveteme Talam, mōvun tavsogi tumpora, mōvun Somūl wonumpi iran; muntalokoyaū, kō ran dan deselugi ya ōmamsorasah. 22Im Piter yemtōrĭgo mematipotni worenūam wūs pugi memokū, Eyi; esepen nefĭnte kĭk, Novsūromon; imo otūampelum iram. 23Miyi yemelagkaū memenūwi pugi Piter memokū, Eve kitag Sētan; kĭk nevat netakeli irag; kotūmentarūves ugi tiame eni Nōbū, kō ugi tiame enirora ōveteme.
24Im Iesū yōmenūwi punora ōvun nūrie eni memokū, Nagkū sĭ kū sī emagkū worūri yaū, aremi iyi asepen ōwisep iyi memandiuki nēumparum eni memūri yaū. 25Iyi sĭ emagkū woresepen neviēevēeve nomūrep eni ampiugki; kō iyi sĭ ampiugki nomūrep eni popōwo ugi ū ōmampĭ. 26Tie aremī nisekon neteme nagkū iyi eni ōvun netevote omwisū ra nemap mampiugki nomūrep eni? Kū sĭ neteme ampugi tie woresēevasĭgi nomūrep eni? 27It iyi Netni eni neteme ōmampelum ra nilasilaswi eni Itemen eni mōvun agelō eni dal; miyi ontampenĭgi iranda ōveteme omwisū ugi numpūrahsū enirora. Itnesog, ya umanūwi pugkūm memagkū, 28Nugkoneme mori umantūrū ĭgko marima ūtūamas afeli nempugon irora wagesi Netni eni neteme umampelum ra lō eni.
Pilihan Saat Ini:
Matiyu 16: ERGNT79
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Erromangan New Testament © British and Foreign Bible Society, 1909,1979.
