Matiyu 14
14
1Ra imo nempugon Herod teterark yemorĭgi narĭgi Iesū, memenūwi punora ōvun lĭvsaū eni memokū, 2Imo Yōane baptisō ovsorasah marugi nemas, ĭm pōpowo imo sugkū, iyi umnumpi ōvun numpūrah horog. 3It Herod yepme lekavi Yōane mēeti memsumpat ūnisog nimo nugkugko popōwo ugi Herodias retepon eni Fĭlĭp avensi eni; 4ĭt Yōane yemenūwi pugi memokū, Tawi sugkū selnivi nam ma kĭk emampī iyi; 5miyi yemakiugi woretalugi, kō yemtetokonda ōvun numpūn lō mori dūmōkū iyi si profet.
6Im pol sugkū dūontemi dan numprokomol eni Herod, netni ītnasiven eni Herodias yemempekō ūnimĭnda ĭm 7Herod yemavos memenūwi nam ūnam memokū ampugi sī en tie sī iyi yemakīugi. 8Im dĭneme eni yepmenūavsogi, miyi yemenūwi memokū, 9Ovo yaū ĭgko ra sī plēt, numpūn eni Yōane baptisō. Miyi teterark yemorĭgi sat tamas, kō popōwo ugi nam ūnam, mugi irora mori dūmūtesĭgi dal iyi, iyi yempasewugi memokū wampugi. 10Miyi yemtamūli memtantevi numpūn eni Yōane ūnisog nimo nugkugko; 11yemuriuki numpūn ra plēt movugi ĭtnumpokon; miyi yemuriuki pugi dĭneme.
12Mōvun nūrie eni dūmūve mūmūriuki nokolĭsiran mūmūtenemi mōinūve worenūwi pugi Iesū. 13Im pol sugkū Iesū yemorĭgi iyi yemōwi nūrū yūi ra bōt, mempe ra sĭ nūrū wokon, iyi ko sĭ, mov numpūn lō dūmūrĭgi mūmūri ra selat, mūmne ra ōvun sĭti. 14Im Iesū yivelum memokesora sĭ numpūn lō tamas, memtogesovelora memumkororĭgives ōvun namarat.
15Ovun nūrie eni dūmūvelum pugi pōarap mūmūnūwi mūmōkū, Nūrū ĭgko nūrū wokon, pōaraparap marima, tamūlora numpūn lō mampe ra ōvun nimote worevasĭgi nevag nĭsekonda. 16Im Iesū yemenūwi punora memokū, Irora ūtūampe; ūvunora nevag, kĭmi. 17Mirora dūōmūnūwipūgi mūmōkū, Tawi nevag enugkam ĭgko yōūp sūkrĭm ĭm nomū endūrū wokon. 18Miyi yōmenūwi memokū, Uviĭmpelum poyaū, 19Miyi yemenūwi ma ōvun numpūn lō wontesep ūnovo, miyi yempĭ yōūp sūkrĭm ĭm nomū endūrū mori, memelasah ūnpokūp, memumpalugi, memorūsevi memovunora ōvun nūrie eni, mōvun nūrie dūmūtavūrakwokonda ōvun numpūn lō. 20Mirorasū dūmoni, yemtalira; mirora dūmūsemsimugi ōvun nevlugkon nevag mūmevĭ vēyū twelv. 21Irora mori dūmoni sugkū ōveteme fiv taūsan, mōvasiven movalalaū mōmū dal.
22Marimago Iesū yemtelielora ōvun nūrie eni memokū irora wampe ra bōt mūpmampūm iran nugkonnūmpe miyi ontamūlora ōvun numpūn lō mampe. 23Im pol sugkū iyi yemtamūlora ōvun numpūn lō, yive, iyi ko sĭ, ra numpūo worufwaki; yemalebōkwi, miyi yūi, iyi ko sĭ.
24Kō bōt mori ĭlepalam memsēōp ugi nĭmpiaū; ĭt irora dūsē nĭpmi nemetagi.
25Yumti naūvetavū ĭm Iesū yive punora memavan ran tan tok; 26mōvun nūrie dūmōkesi yimnavan ran tan tok dūmūyōmpeli, mūmūnūwi mūmōkū, Sĭ natemas; mirora dūmasorasah popōwo ugi nemetet. 27Marimago Iesū yemenūwi punora memokū, Wavos; yaū, ūtūmtetugi. 28Im Piter yemtamsi memenūwi pugi memokū, Novsūromon, nagkū kĭk, ampasewokoyū magkū, ya ampelah punok ran tan tok. 29Miyi yemenūwi memokū, Elum; ĭm pol sugkū iyi yemyep yemne ra bōt Piter yemavan ran tan tok woreve pugi Iesū; 30kō pol sugkū yemokesi nemetagi horog yemtetugi memati potni worumkon; miyi yeino-vrugisah memenūwi memokū, Novsūromon, eviyaūēō-wara. 31Im Iesū yēevan ĭtnum memelekavi iyi, memenūwi pugi memokū, Tavniri ūrekis; koketevrevorūwi irantie? 32Im pol sugkū irora dūmūsuki bōt yemeti nemorinū. Mirora ra bōt mūmūvelum mūmūteveta 33iran, mūmūnūwi mūmōkū, Itnesog, Kĭk Netni eni Nōbū. Mirora dūmūve nugkonnūmpe, 34ra nūrū Kenesaret; mōveteme yūi dūmōkili iyi, 35mūmūtamūlora ōveteme ra nūrū sū yūi mūmūtorora ōvun namarat omwisū pugi; 36mirora dūmovrugi iyi mūmūnūwi mūmōkū, dūmakĭugi woresugkori wokon navlūtni semplaūon eni; dūmumkororĭgives mori sū dūmūsugkori.
Pilihan Saat Ini:
Matiyu 14: ERGNT79
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Erromangan New Testament © British and Foreign Bible Society, 1909,1979.
