Yohane 16
16
KHAOLO 16.
1LILO tse ki li buile le lona, gore lo si khopisioe.
2Ba tla lo khoromeletsa kua ntle ga masenagoge; E, oura oe tla, leha e le mañmañ eo o tla lo bolaeañ, o tla itloma a rihela Morimo.
3Mi lilo tse ba tla li lo rihela, gone ba sa itse Rra, leha e le ’na.
4Mi lilo tse ki li lo buleletse, gore mogañ oura o tlañ lo gopole ha ki li lo buleletse. Mi lilo tse ga kia ka ka li lo bulelela mo tsimologoñ, gone ki le ki na le lona.
5Mi yana kia ea go ena eo o ’nthomileñ, mi ga go ope oa lona eo o ’mpotsañ, U ea kae?
6Mi bohutsana bo tletse mo peruñ tsa lona, gone ki lo buleletse lilo tseuo.
7Leha gontse yalo kia lo bulelela boamarure; go molemo go lona ka ki ea; gone ha ki sa ee, Mogomotsi ga a kitla a tla go lona; mi ha ki ea, ki tla mo romela go lona.
8Mi o tlare a sina tla, o tla itsise lehatse ga boleo, le ga tsiamo, le ga tsekisho;
9Ga boleo, gone ba sa rumele mo go ’na;
10Ga tsiamo, gone kia ea go Rra, mi ga lo kitla lo tlola lo ’mpona;
11Ga tsekisho, gone Mogolu oa lehatse yenu a sekisicoe.
12Ki sa na le lilo li lintsi go li lo bulelela, mi ga lo kake loa li iphapanya yana.
13Mi Moea oa boamarure o tlare o sina tla, o tla lo gogela mo boamarureñ yotle; gone ga o kitla o bua ka osi, mi cotle tse o tla li utluañ, o tla li bua; mi o tla lo bulelela lilo tse ri tla tlañ.
14O tla ’nkhalaletsa; gone o tla cula ga me, mi o tla go lo bulelela.
15Cotle tsa Rra e le tsa me; ki gona ki reileñ o tla cula ga me, mi o tla go lo bulelela.
16Ka bokhutsanyane, mi ga lo kitla lo ’mpona, mi gape ka bokhutsanyane lo tla ’mpona, gone kia ea go Rra.
17Eriha gona bañue ba barutoa ba gague ba ranañ, Eñ se o se buañ le rona, Ka bokhutsanyane, mi ga lo kitla lo ’mpona; mi gape ka bokhutsanyane lo tla ’mpona, gone kia ea go Rra?
18Ki gona ba reñ, Eñ se o se buañ, ba bokhutsanyane? Ga re itse se o se buañ.
19Yesu ka a itse ba rata go motsa, a ba raea, A lo botsanya ga ye ki le buileñ, Ka bokhutsanyane, mi ga lo kitla lo ’mpona, mi gape ka bokhutsanyane lo tla ’mpona?
20Amarure, amarure, kia lo raea, Lo tla lela lo lelela, mi lehatse le tla itumela; lo tla hutsahala, mi khutsahalo ea lona e tla hetoloa boitumelo.
21Mosari o na le khutsahalo mo pelegoñ, gone oura oa gague o tlile. Mi eare a sina belega ñuana, a sa tlole a gopola tlalelo ka ntla ea boitumelo, gone mothu a tsalecoe mo lehatsiñ.
22Mi yana le lona, lo na le bohutsana rure; mi ki tla ba ki lo bona, mi pelu tsa lona li tla itumela, mi ga go ope eo o lo tlosetsañ boitumelo yoa lona.
23Mi mo motleñ ouo, ga lo kitla lo ’mpotsa sepe. Amarure, amarure, kia lo raea, Cotle tse lo tla li lopañ Rra mo ineñ ya me, o tla li lo naea.
24Le mo nakoñ enu ga lo e si lo lope sepe mo ineñ ya me; lopañ, mi lo tla cula, gore boitumelo yoa lona bo tlale.
25Lilo tse, ki li buile le lona ka licuanco; oura oe tla mogañ ki si ki tla ki tlola ki bua le lona ka licuanco, mi ki tla lo bulelela ga Rra ka thanolo.
26Mo motleñ ouo, lo tla lopa mo ineñ ya me, mi ga ki lo ree, Ki tla lo rapelela Rra;
27Gone Rra ka esi oa lo rata, gone lo ’nthatile, mi lo rumetse ha ki coa Morimoñ.
28Ki coa go Rra mi ki tlile mo lehatsiñ. Mi gape, ki tlogela lehatse, mi kia ea go Rra.
29Barutoa ba gague ba mo raea, Bona, yana ua bua ka thanolo, mi ga u bue secuanco sepe.
30Yana rea itse ha u itse lilo cotle, mi ga u cuaneloe go borioa ki ope. Re rumela ha u coa Morimoñ, ka ntla ea mouo.
31Yesu a ba araba, Yana a loa rumela?
32Bonañ, oura oe tla, mi yana o tlile, o lo tla halarioañ moñue le moñue go ba gague ka ona, mi lo tla ’ntlogela ’nosi; mi leha gontse yalo ga ki ’nosi, gone Rra a na le ’na.
33Lilo tse, ki li buile le lona, gore lo ne le kagisho mo go ’na. Lo tla na le patikego mo lehatsiñ; mi namatsegañ, ki hentse lehatse.
Pilihan Saat Ini:
Yohane 16: TSN1890
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
this is a historical text maintained by the British and Foreign Bible Society
