Yohane 13
13
KHAOLO 13.
1MI yana pele ga moriho oa Tlolaganyo, ka Yesu a itse oura oa gague o tlile, ha a tla coa mo hatsiñ ye, a ea go Rara ka ona, ka a la a rata ba gague ba ba mo hatsiñ, a ba rata le kua boheloñ.
2Mi ka e sa le selalelo (ka diabolo a tsenya mo peruñ ea ga Yuda Isekariota moroa Simone, go mo oka),
3Yesu ka a itse Rra a mo neile lilo cotle mo atleñ tsa gague, le gona, ka a la a coa Morimoñ, mi a ea Morimoñ;
4A nanoga mo selaleloñ, mi a baea aparo tsa gague, mi a cula sephimolo, a ikokoaela.
5Morago ga mouo a tsela metse mo mogocaneñ, mi a simolola go tlapisa linao tsa barutoa, le go li phimola ka sephimolo se o la a ikokoaetse ka shona.
6Eriha gona o tlañ go Simone Petero, mi eo, a mo raea, Morena a u tlapisa nao tsa me?
7Yesu a araba, a mo raea, Se ki se rihañ, ga u se itse yana; mi u tla nama u se itse,
8Petero a mo raea, Ga u kitla u tlapisa nao tsa me ka bosina bokhutlo. Yesu a mo araba, Etlare ha ki sa gu tlapise, ga u na kabelo le ’na.
9Simone Petero a mo raea, Morena, esiñ nao tsa me cosi, tlapisa le cona atla tsa me, le tlogo ea me.
10Yesu a mo raea, Eo o tlapisicoeñ, ga a tloke go tlapisioa, ha e si go tlapisa linao tsa gague, gone a itsekile gotle; mi lona lo itsekile, mi esiñ lotle;
11Gone a itse eo o tla mo okañ; ki gona o reñ, Ga loa itseka lotle.
12Mi yana ka a sina tlapisa nao tsa bona, a tsaea liaparo tsa gague, a ba a lula ha liyoñ, mi a ba raea, A lo itse se ki se lo rihetseñ?
13Loa ’mpitsa Moruti le Morena; mi loa bua ka go siameñ; gone kintse yalo.
14Ki gona, ha ’na eo ki leñ Morena le Moruti, ki tlapisitse nao tsa lona, le lona lo cuanetse go tlapisanya linao.
15Gone ki lo neile sekao, gore lo rihe yaka ki lo rihetse.
16Amarure, amarure, kia lo raea, Motlanka ga a mogolu bogolu go morena oa gague, le ena moroñoi ga a mogolu bogolu mo go eo o mo romileñ.
17Ha lo itse lilo tse, lo tsegoharicoe ha lo li riha.
18¶ Gone ga ki bue ga lona lotle: kia itse ba ki ba itseñketseñ; mi gore lokualo lo rihahale, Eo o yañ señkhue le ’na, o ’nculeleritse serethe sa gague.
19Yana kia lo bulelela pele go e si go rihahale, gore mogañ go rihahalañ lo rumele ha ki le ena.
20Amarure, amarure, kia lo raea, Leha e le mañmañ eo o mo culañ, eo ki mo romileñ, oa ’ncula; mi eo o ’nculañ, oa cula ena eo o ’nthomileñ.
21Ka Yesu a sina bua lilo tse, a huruega mo moeeñ, mi a itsise, a re, Amarure, amarure, kia lo raea, Moñue oa lona o tla ’nkoka.
22Eriha gona barutoa ba lebanañ, ba akanya gore o bua ga mañ?
23Ga bo go le ha lomatiñ moñue oa barutoa ba gague eo o letseñ ha sehubeñ sa ga Yesu, eo Yesu o mo ratañ.
24Ki gona Simone Petero o mo goetlañ, gore a motse o bua ga mañ?
25Mi eo a oela ha hubeñ sa ga Yesu, a mo raea, Morena, ana emañ?
26Yesu a araba, Ki ena eo, ki tla mo naeañ thathana, ki sina go e ina. Mi ka a ina thathana, a e naea Yuda Isekariota, moroa Simone.
27Mi ka a sina cula thathana, Satane a tsena go ena. Eriha gona Yesu o mo raeañ, Se u se rihañ, u se rihe ka bonako.
28Mi go si ka ga na ope oa bona ba ba rutseñ ha liyoñ, eo o la a tlaloganya gore o buelañ nae yalo.
29Ka Yuda a na le khetse ea sereko, bañue ba itlomile Yesu a muleletse go rekela moriho tse ri tlokahalañ; khotsa go naea bahumanegi señue.
30Mi ka a sina cula thathana, a akoha a coa; mi e le le bosigo.
31¶ Mi erile a sina go coa, Yesu a re, Yana Moroa mothu o galalericoe, mi Morimo o galalericoe mo go ena.
32Ha Morimo o galalericoe mo go ena, Morimo le ona o tla mo galaletsa ka esi, mi o tla akoha o mo galaletsa.
33Banyana, ki sa na le lona ka lobakanyana. Lo tla ’mpatla; mi yaka ki reile Bayuda, Kua ki eañ gona, ga lo kake lo ea gona: ki bua yalo yana le lona.
34Kia lo naea taolo e nca, gore lo ratane, yaka ki lo ratile, le lona, gore lo ratane.
35Ha lo ratana, bathu botle ba tla itse lo barutoa ba me ka mo.
36Simone Petero a mo raea, Morena, u ea kae? Yesu a mo araba, Kua ki eañ gona, ga u kake ua ’ntatela yana, mi u tla nama u ’ntatela.
37Petero a mo araba, Morena, ana ki sa gu lateleleñ yana? Ki tla gu bela botselo yoa me.
38Yesu a mo araba, A u tla ’mpela botselo yoa gago? Amarure, amarure, kia gu raea, Koku e tona ga e kitla e lela go tlo go tsamaee u ’ntatole ga teri pele.
Pilihan Saat Ini:
Yohane 13: TSN1890
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
this is a historical text maintained by the British and Foreign Bible Society
