ᒪrᐠ 1
1
ᒡᕮᙎᐢᒡᕍ ᐁᐦᕍᐃᕠ᙮
1ᕮᘛᕤ ᒪᐤᐅᕠᐨ ᐅᗱ ᙏᓭᐢ ᙭, ᕠᑫᐊᐅᒡᕄ ᒪ ᗱᐁ; 2ᕦᑫᐦ ᓂᗴᕠᐣᖆᐢ ᐊᑫᕫ ᑯᐅᓇᗴᕩ ᑫᕫ, ᐅᓱᐊᓯ ᐢᐊᑫᐤᐅᕠᐦᗯ ᓇᗴᕞᐊ ᐊᒡᑊᐦuᓂ ᐅᗱ ᓇᐊᐅᒡᕃ᙮ 3ᐦᕄᗁ ᐅᕞᐢᕦ ᕠᑫ ᑫᑦᐤᐁᐦ ᕤᐤᐁ ᐅᕄ, ᐊᒡᑊᐦuᓂ ᐅᗱ ᐊᕮᓱᓀᓴᐣ, ᐊᑊᗃᕮᕠ ᘚᐤᐅᐁᓭᐦ ᐠᐤᐁᕤᔭᑫᕫ᙮ 4ᙓᐣ ᕦᓀ ᕤᑫᑊᗁᐣᑊᖇᒡ ᑫᑦᐤᐁᐦ, ᕮᘛ ᕦᓀ ᕦᕠᕊᐣ ᕤᓇᑊᗃᑫᐅᐢᖇᕠ ᐊᐦᕠᕊᐣ ᐅᒡlᐤᐁᗰ ᑫᐅᗯᐦᕍᕊᐣ ᑫᕫ ᐊᑊᗃᒣᘛᕄ ᐅᓀᐅᗯᕤᕃl ᐊᓯᕊᐣ᙮ 5ᑲᐦᗱ ᔨᐣᐠᕮᑌᐢᕮᕊᐣ ᕠᑫ ᐅᑫᕫ ᐅᘚ juᑕᐁᐊ, ᑲᐦᗱ ᐊᑊᗃᕦᓀ ᔭᕞᐦ ᐅᘚ jᐁruᐢᐊᕃᑦ, ᑯᐃᕫ ᐢᐊᐦᑫ jᐅrᑕᐣ ᐊᑊᗃᓀᕞ ᕤᑯᑫᑊᗁᐣᖇᕊᐣ, ᑯᐅᒣᘛᕄᕬ ᑯᐅᐊᕤᐅᗴᕠᕬ᙮ 6ᙓᐣ ᑊᗃᕦᐃ ᒪᓇᒡᓴᐣᓀ ᑊᗁᑊᗀᒃᐁ ᑊᗃ ᐁᑊᗃᔪᕊᐣ ᓇᕤᐣ ᐊᕞᒡᕍᕊᐣ ᐊᕦᒃᐃ ᐢᔦᐦ ᑲᐦᗱ ᐊᕦᒃᐃ ᐢᔦᐦ ᐃᕫ ᓇᓂᐦᐠᕊᕊᐣ: ᐅᐦᗱ ᔭᐢᑫᓯ ᔪ ᐊᗴᐦᓄᐅ ᔪ ᐊᔨᕍᐃ ᔦᘛᒡᕊᐣ; 7ᐅᗱ ᕤᐤᐁ ᐅᕄ ᔦᐦᕠᕊᐣ, ᔦᘚ ᐅᕞᕊᐣ, ᐦᕄᗁ ᓱᓂᔭ ᐢᐊᕦᐃᐦᗰ ᐊᓇᕠ, ᓇᑵᐠᕊᕃ ᐊᑊᗂᐅ ᐊᕤ ᐁᓇᓱ ᒪᗰ ᗱᓄᐅᐢᕞᕄ ᒪᒪᑫᐅᓴᒡ᙮ 8ᓴᓂ ᕍ ᕤ ᐃᕫ ᓇᑊᗃᑵᐃᐦᖇᒡ: ᐊᐦᐤᐅᕃ ᐊᕦᐃ ᕤ ᐃᕫ ᓇᑊᗃᑵᐃᐦᕄᕄ ᐊᘚᐣᑌ ᐅᗱ ᐃᕫ᙮ 9ᐅᗱ ᑊᗀᐃᓭ ᐤᐊᒃᐁᕊᐦ ᐊᔨ dᒃᐃᓀ, ᙏᓭᐢ ᐅᘚᑌᐢᕮ ᐃᐅᐣ ᓇᒃᐊrᐁᒡᐦ ᗃᕄᕃᐁ ᐅᘚ, ᙓᐣ ᕤᔭᑫᑊᗁᐣᖇᕊᐣ ᙏᓭᐢ jᐅrᑕᐣ ᐅᘚ᙮ 10ᐠᐤᐁᕞ ᕤ ᘚ ᒡᕮᕞᒃᐊ ᘚᐤᐅᐦᒃᐅᐣ, ᐤᐊᐃᕊᐣ ᔭᑫ ᐠᐤᐊ ᒪᕦᕮᘔᕦᑊᗁᐅᕊᐣ, ᔭᑫᐅᕠᓀ ᔦᘚ ᓇᕞᒃᐊᕊᐣ ᐅᐃᐁᒡᕄ ᐁᕞ: 11ᐅᗱ ᐅᕞᐨ ᔭᑫ ᐅᘚ ᐊᕠᒡᓴᐠᕊᐣ, ᕤᐤᐁᕍ ᐅᕄ ᐅᕠ ᐃᕫ, ᓂᕍ ᐅᕦᐃᐦᗰ ᐣᐤᐊᐢᕠ ᐢᐊᗱᐁ᙮ 12ᐠᐤᐁᕞ ᐊᘚᐣᑌ ᐊᗱ ᕠᑫ ᘚ ᔭᕞᕮᕊᐣ ᑫᑦᐤᐁᐦᗰ᙮ 13ᑯᐅᗰ ᑫᑦᐤᐁᐦᗰ ᐊᕤ ᕦᓀ ᐣuᖆᗰ ᕠᐅᑫᕠ dᒃᐃᓀᑫ ᑯᐅᐊᕄ, ᔭᑲᐅᕞᐦuᐣ ᒣᘛᕄ ᐊᑊᗃᑊᗃᕦᐃ; ᑲᐦᗱ ᑊᗃᕦᐃ ᒣᘛᕄ ᐃᐦᑿᕞᐢᕊᐣ; ᑲᐦᗱ ᐅᗱ ᐤᐅᐁᐃ ᐅᗱ ᔦᘚᓇᕠᕊᐣ᙮ 14ᑯᐅᕤ ᙓᐣ ᐠᐤᐁᗴᑊᗁᐣᐦᒡᔨᕊᐣ ᕦᓀ ᐠᐤᐁᗴᑊᗁᐣᐦᒡᔨᐣᕠ, ᙏᓭᐢ ᔪᐦᗰᑌᐢᕮ ᗃᕄᕃᐁ, ᑯᐅᕭᐅᕞᐦ ᐅᕞᐨ ᐅᗱ ᓇᑊᗃ ᒡᕮ ᒪᑲᐅᓇdᒃuᒡᕠ ᐅᘚ, 15ᑲᐦᗱ ᕤᐤᐁᕍ ᐅᕄ, ᕞᓀᕠ ᓇᑊᗃ ᒡᕮ ᑵᔨ: ᓇᑊᗃᒣᘛᕄᕬ ᑵᗴᐦᕄ, ᐅᗱ ᐅᕞᐨ ᐅᗱ ᐊᕮ ᑯᐅᕦᐦᕠ᙮ 16ᐃᐦᕞᒃᐅᐣ ᕤ ᗱᐠ ᗃᕄᕃᐁ ᒡᕮᑦᐤᐁᐦ ᐠᕊᐣᕞᐢᕮ, ᔭᐃᕊᐣ ᓯᒧᐣ ᔪ ᐊᐣdrᐁᐤ ᔪ ᒣᑵ ᔪ ᕞᒥl ᕦᔦᐢᐠᕊ ᕤ ᗱᐠ: ᐊᕦᐃ ᕦᓀ ᕦᐁᐢᐠᕊ ᕦᓀ ᐁᕄ᙮ 17ᐅᗱ ᙏᓭᐢ ᕤᐤᐁᕍ ᐅᕄ ᔦᐦᕠ, ᐢᐊᑵᕦᐦᕞl, ᑯᐅᐦ ᕮᓇᕭᐅᐢᕄᕬ ᐅᐦᗱ ᐦᕊᗀ ᑫᐦᗰ ᐁᓇᕭᐅᐢᕄᕬ ᕦᓀ ᓂᔪᕤᕃᕄ ᗱᐣ ᐅᘚ᙮ 18ᐠᐤᐁᕞ ᕦᑊᗃᕞᒥᕃ ᐁᗴᑊᗃᓀᕃᕊᐣ ᑭᑵᐦᕞᐢᕮᕊᐣ᙮ 19ᐅᐦᗱ ᐅᐣᒡᓴᒡᕄ ᕤᐣᕞ ᕞᐢᕮ, ᔭᐃᐦ jᐊᒣᐢ ᒃᐁbᐁᑌᐁ ᒪᗱᐁ, ᑲᐦᗱ ᙓᐣ ᒣᑵ, ᐊᕠᕊᐣ ᕦᗰᐣ ᐁᕍ ᐁᐦᑵ ᐊᒡᔨ ᕞᒥl ᑫᔭᕠᐣᐠᕊᕊᐣ᙮ 20ᐠᐤᐁᕞ ᕞᗰ ᔦᐦᕠᕊᐣ: ᐠᐤᐊ ᕦᑊᗃᕦ ᐁᗱᑊᗃᓀᕄᕊᐣ ᕦᗰᐣ ᐁᕍ ᐁᐦᑵ ᐊᒡᔨ ᒃᐁbᐁᑌᐁ ᐅᗱ ᑫᐅᕠᐦᗯ ᔪ, ᐅᐦᗱ ᑭᑵᕞᐢᖇᒡ᙮ 21ᐅᐦᗱ ᑯᗰ ᑊᗃᕞᐢᕞᒡl cᐊᐯrᓇuᑦ; ᑲᐦᗱ ᐠᐤᐁᕞ ᕦᓀᑊᗃᐅᕦᕞᐨ ᐠᐤᐊ ᐠᐤᐃᔭ ᒣᓀjᐃᒡᕠ dᒃᐃᓀᓀᐦ ᕦᓀ ᗯᕭᕞᐦ᙮ 22ᐅᓀᑊᗃᓂᐣᕞlᕊᐣ ᔭᐅᕠᐦᗯ: ᑯᐅᐊᕠᐣᕠ ᔭᐅᕦᕠᕫᐦ ᐅᕞᐨ ᐅᗱ ᕦᕠᕬ ᓇᒡᓴᕠ ᑫᐦᗰ ᐊᔨᕭᐅ ᒪᐤᐅᐅᗱᕄ, ᐊᕤ ᐊᑌᐢᖆᐢ ᕦᓀ ᑫᐦᗰ᙮ 23ᐅᐦᗱ ᐃᐁᐦᕠ ᐠᐤᐁᐦ ᐊᕠᐃᐦ ᐦᕄᗁ ᕞᒃᐁ ᕦ ᐠᐤᐊ ᕦᓀᑊᗃᐅᕦᕞᐨ ᔭᑊᗃᕠ ᒣᘛᕄ ᐊᔨᐃᐦ; ᑲᐦᗱ ᐅᕞᐢᕦᕊᐣ, 24ᕤᐤᐁ ᐅᕄ, ᐊᕤ ᐊᑊᗃᐃᕠᕦᓂᐊᐦ; ᐊᕤ ᐅᕄ ᓇᑊᗃ ᐊᐢᓯᒡᕄ ᐃyᐅ ᐊᐅᐦᕠ, ᐣuᓂ ᙏᓭᐢ ᓇᒃᐊrᐁᒡᐦ ᐅᘚ? ᔪᕫᕬᕠᔭᕍ ᐊᑊᗃᔭᐅᓂᕍ? ᐊᕦᓇᐢᕠ ᓀᕃᓯ ᓇᑊᗃ ᒡᕮ ᒪᐊᘚᐣᑌ ᐅᗱ ᐅᐃᐦ᙮ 25ᙏᓭᐢ ᕤᐤᐁᕍ ᐅᕄ ᔦᐦᕠ, ᔭᗰᐅᕞ, ᐊᕤ ᐅᓇᕠᐦ ᔦᐦᕠ, ᓭᘛᑊᗃᕠᔭᐦ ᔦᒡᓴᐣ ᘚ᙮ 26ᑯᐅᕤ ᐊᑊᗃᑊᗃᕦᐃ ᒡᓴᓇᕃ ᕤ ᔭᔭᑊᗁᐣᗰl, ᐅᐦᕞ ᐅᕞᐢᕦᕊ, ᔦᘚ ᕮᑌᐢᕮ᙮ 27ᐊᑊᗃᓀᕞ ᐅᑊᗃᕞᐢᕦ, ᐊᑊᗃᓀᕞ ᗱ ᑯᐅᐦᕦᑊᗂᐊᕠ, ᕠᔦᐅᐦᕞ, ᔦᕠᑫ ᐊᕊᐅᐣᕞ? ᔦ ᕦᓀ ᘚ ᐅᗴᕠᕬ ᑯᐅᐣᕞ? ᐊᕮ ᑯᐅᕞᐢᕠ ᐅᕞᐨ ᐅᗱ ᑊᗃ ᐢᐊᑊᗃᕦᐃ ᒪᔨᐢ ᐊᕤ ᓇᘛᒡ᙮ 28ᑯᐅᐦᗱ ᐅᐣᒉ ᐊᕞᐦ ᒣᑊᗂᔪᐦ ᔨᕤ ᐠᐤᐊ ᗃᕄᕃᐁ᙮ 29ᐊᔨᕞ ᐅᘚ, ᑊᗃᑊᗃᕞᐢᕞᒡᕊᐣ ᕦᓀᑊᗃᐅᕦᕞᗰ ᐠᐤᐊ ᐅᘚ, ᐠᐤᐁᑊᗃᑊᗁᐣᕞᒡl ᓯᒧᐣ ᔪ ᐊᐣdrᐁᐤ ᔪ ᐠᐤᐊ, jᐊᒣᐢ ᗱ ᙓᐣ ᗱ᙮ 30ᓯᒧᐣ ᘚᔪᐁ ᒪ ᕞᕍᐢᐊᒡᔨ ᕞᐢᑯᐅᓀ ᐊᔨᕍ, ᐅᐦᗱ ᑯᐅᕭᐅᕮᕠ᙮ 31ᔦᗰᑌᐢᕮ ᔨᕍ ᐃᐣᗱᒡ, ᑲᐦᗱ ᕦᐦᔭᕠᐣᕠ; ᐠᐤᐁᕞ ᐊᔨ ᕞᐢᑯᐅᓀ ᐊᔨᕍ ᔦᗯᕄ, ᐊᔨ ᐅᕦ ᔭᑫᐅᕠᐦᐨ᙮ 32ᕮᘛ ᑲᐦᑲᗰ, ᓇᑊᗁᐅ, ᑭᔭ ᓇᓂᕍ ᔭᕠᕠᓀ, ᔭᑊᗁ ᗱ ᒪᒃᐃᗰ ᔭᑊᗃᕦᐃ ᒣᘛᕄᕬ᙮ 33ᑲᐦᗱ ᐊᒡᕫ ᐁᐦᕍᐃᕠᕠ ᕦᓀ ᓇᕠᐦᕠ ᕞᗰᖉᑊᗃᕦᕠ ᕤᐢᖉᐦᕠ᙮ 34ᑲᐦᗱ ᐊᒡᕮᒃᐃ ᕦᕠᕬ ᐊᑯᐅᔨᕍᕊᐣ ᐊᔦᐁᐊᐦ ᓇᒡᕊᓀ ᔦᐦᕦᓂᐣᕞᕊᐣ, ᑯᐅᔭᑊᗃᕦᐃ ᒣᘛᕄᕬ ᓇᒡᕊᐣ ᐅᐣᕞᐢᕍᕊᐣ; ᑲᐦᗱ ᐊᕤ ᑫᘛᕄᕭᐅ ᐤᐊᐦᕠ ᐃᔭᐅ-ᐅᐦᕠ, ᐊᗰ ᐊᕦᔭᕠᕊᐣ ᐊᔨᐤᐅᐅᐦ ᐊᔦᐦᕠ᙮
35ᑲᐦᗱ ᕮᒡᕄᐣᑐ, ᓭᘛᐦᕤ ᘚᕠᑫ ᐢᐊᕦᕊᐣ, ᕮᑌᐢᕮ, ᑲᐦᗱ ᑯᐅᐣᑌᐢᕮᕊᐣ ᐊᑊᗃᓴᗴᕃᗰ, ᑲᐦᗱ ᐃᐁᐦᕠ ᔭᗱᕦᕞᐦᐨ᙮ 36ᑲᐦᗱ ᓯᒧᐣ ᔦᐦᑿᕞᐦᗰ ᑭᑵᐦᕞᐢᕞᒡlᕊᐣ᙮ 37ᑭᑭᐦᕠᘚ, ᕤᐤᐁᕍ ᐅᕄ ᑭᔦᐦᕠᕊᐣ, ᐊᒡᕫ ᕦᓀ ᓂᐣᐠᕮᑊᗃᓇᒡᕮ᙮
38ᕤᐤᐁᐦᗱ ᔦᐦᕠ, ᕦᓀ ᓇᕞᐦᘚ ᐅᘚᑐᐅᐢᕮᐃ ᑯᐅᗯ ᐅᕭᐅᐢᕠᕬ ᐅᗱ, ᑯᐅᕦᕤᐢᕬᑊᗃ ᕍᐢᐊᐢᕦ ᐊᐅᐣᕞ᙮ 39ᑲᐦᗱ ᕦᓀ ᘚᐤᐅᑊᗁᐣᕦᕊᐣ ᕦᓀᑊᗃᐅᕦᕞᐨ ᐠᐤᐊ ᐠᐤᐁ ᗃᕄᕃᐁ, ᑲᐦᗱ ᐊᘚᐣᑌ ᒣᘛᕄ ᑊᗃᔭᕞᕮᕊᐣ᙮
40ᑲᐦᗱ ᒪᗰᕦᕞᐢᕞl ᕦᓀ ᒡᓴᐢᐊᗰ ᔭᑊᗂᐅᓀ ᔭᘚ ᓂᐅᐣuᓂᓯᒡ, ᑲᐦᗱ ᒪᗰ ᓇᗱᐢᕦᗴᖇᐦ, ᑲᐦᗱ ᕤᐤᐁᕍ ᐅᕄ ᔦᐦᕠᕊᐣ ᑯᐅᐦ ᑯᐅᑎᐣᕠ ᐊᕞ ᐅᗱ ᐊᐢᐊᑊᗂᐅᐣᕃᕮᐢᓯ᙮
41ᑲᐦᗱ ᙏᓭᐢ, ᐊᕞᕦᐢᕠᐦᕤ ᒪdᒃᔦ ᕦᕠᕊᐣ ᓇᕠ ᑊᗃ ᕠᐁᓴᐣᓂ ᐃᕫ, ᔦᘚ ᕦᐦᕦᕠᕠcᐦᕊᐣ, ᑲᐦᗱ ᔭᑲᕞᐦᕠᐨ ᕊᐣ, ᑲᐦᗱ ᕤᐤᐁᕍ ᐅᕄ ᔦᐦᕠᕊᐣ, ᑯᐅᐦ ᑯᐅᐢᕠ; ᐠᐤᐊᑯᐅᕍ ᐅᗱ ᐊᓇᕞᐦ᙮ 42ᘚᐤᐅᐦᒃᐅᐣ ᐅᕦᕞᐨ ᐅᕞ, ᓴᓴᗰ ᔦᘛᕄᕊᐣ, ᑲᐦᗱ ᐅᗱ ᐅᐦᕞᕊᐣ᙮
43ᑲᐦᗱ ᔭᕦᕠᕊᐣ ᘚᐤᐅᐦᒃᐅᐣ ᐃᕠᐣᕠᐊᐦ, ᑲᐦᗱ ᐅᗱ ᕞᕮᕊᐣ; 44ᑲᐦᗱ ᕤᐤᐁᕍ ᐅᕄ ᔦᐦᕠᕊᐣ, ᐊᕤ ᑲᐦᗱ ᐅᕄ ᐊᕦᐅᐣᕠ ᓂᐤᐅᕠᓀ: ᑲᐦᗱ ᐊᗱᕠᔭ, ᓇᒃᐃ ᔪᐁᐦ ᕦᓀᑊᗃᐅᕦᕞᐨ ᒣᕠᕬ, ᑲᐦᗱ ᐠᕮᓂᐊᐦ ᓇᐅᗱ ᐅᐦᒡᔨ ᐃᕫ ᔭᑊᗁ ᒧᓭᐢ ᒃᐊ ᑵᐦᗰ, ᐊᕦ ᑭᔪᕠᕬ᙮ 45ᑲᐦᗱ ᕮᑌᐢᕮ, ᐅᐦᕞ ᐊᐤᐅᓀᕞ ᐠᕭᐅᕦᐤᐅᐅᕞᕊᐣ, ᑲᐦᗱ ᕠᑫ ᐅᑫᕫ ᐠᕭᐅᕦᐤᐅᕞᕊᐣ, ᐠᐤᐊ ᐦᕄᕊᐣ ᙏᓭᐢ ᐊᕤ ᕦᓀᒡᕮᐠᐤᐁᔭ ᕞᕦᗴᒡᕄᕬ ᐠᐤᐊ ᐃᔪ ᒣᕫᐊᐅᐣᕞ, ᐊᐦᐤᐅᕃ ᑫᑦᐤᐁᐦᗰ ᕠᑫ ᐊᕄᕊᐣ, ᑲᐦᗱ ᑭᔨᐣᐠᕮᕞᐢᕞᒡlᕊᐣ ᐁᐤᐅᓀᕞᘚ ᐅᘚ᙮
Pilihan Saat Ini:
ᒪrᐠ 1: BE86SY
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
first published by the Society for Promoting Christian Knowledge (SPCK), 1886.
