Lucas 1
1
Panguna
1Halangdon nga Teofilo:
Madamo na nga mga tawo ang nagtinguha sa pagsulat sing sugilanon nahanungod sang mga butang nga nagkalatabo sa tunga namon. 2Ginsulat nila ang ginsugid sa amon sang mga nakakita sini nga mga butang kag sang mga nagwali sang mensahe halin sa ginsugoran. 3Gani, tungod kay nausisa ko sing tul-id ini tanan nga mga butang halin sa ila ginsugoran, ginpakamaayo ko ang pagsulat sang pasunod nga kasaysayan sa imo, 4agod mahibaluan mo ang bug-os nga kamatuoran nahanungod sa mga butang nga natudlo na sa imo.
Ginpahibalo nga si Juan nga Manugbautiso Matawo
5Sang#1 Cron. 24:10. tion nga si Herodes amo ang hari sang Judea,#1:5 JUDEA: Ini nga pulong napatuhoy sa bug-os nga duta sang Palestina. may isa ka pari nga ginhingalanan kay Zacarias sa linya sang pagkapari ni Abias. Ang iya asawa si Elisabet nga kaliwat man sang panimalay sang mga pari. 6Nagkabuhi sila sing matarong sa panulok sang Dios, kag nagtuman sang tanan nga mga kasugoan kag mga pagsulondan sang Ginoo. 7Wala sila sing bata tungod kay si Elisabet baw-as kag tigulang na sila.
8Isa ka adlaw, turno na sang grupo ni Zacarias ang pag-alagad kag sia ang nag-alagad bilang isa ka pari sang Dios. 9Suno sa kinabatasan sang mga pari, nagabotgabot sila kag sia ang napilian sa pagsunog sang insyenso sa altar. Gani nagsulod sia sa Templo sang Ginoo, 10samtang ang madamo nga mga tawo nagapangamuyo sa gwa sa tion nga ginasunog ang insyenso. 11May nagpakita didto sa iya nga isa ka anghel sang Ginoo nga nagatindog sa tuo nayon sang altar sa diin ginasunog ang insyenso. 12Sang pagkakita ni Zacarias sa anghel natublag sia kag hinadlukan gid. 13Pero ang anghel nagsiling sa iya, “Zacarias, indi ka magkahadlok! Ginpamatian sang Dios ang imo pangamuyo kag si Elisabet nga imo asawa magaanak sing isa ka bata nga lalaki. Pagahingalanan mo sia kay Juan. 14Magamalipayon kag magamasinadyahon ka, kag madamo ang magakalipay kon matawo sia! 15Kay#Num. 6:3. mangindaku sia sa panulok sang Ginoo. Indi sia mag-inom sing bino ukon ilimnon nga makahulobog. Kag mapun-an sia sang Espiritu Santo halin gid sa iya pagkatawo. 16Pabalikon niya ang madamo nga mga tawo sang Israel sa Ginoo nga ila Dios. 17Magauna#Mal. 4:5-6; Sir. 48:10-11. sia sa Ginoo sa kusog kag gahom kaangay kay Elias nga propeta. Pasag-ulion niya ang mga amay sa ila mga anak. Palisuon niya ang mga di-masinulondon nga mga tawo pabalik sa panghunahuna sang mga matarong. Amanon niya ang mga tawo para sa Ginoo.”
18Si Zacarias nagpamangkot sa anghel, “Ano ang pagkahibalo ko kon matuod ini? Tigulang na ako kag subong man ang akon asawa.”
19Ang#Dan. 8:16; 9:21; Tob. 12:15. anghel nagsabat sa iya, “Ako si Gabriel nga nagatindog sa presensya sang Dios. Ginpadala niya ako sa paghambal kag sa pagsugid sa imo sining maayong balita. 20Pero tungod kay wala ka magpati sang akon ginsugid sa imo nga matuman sa nagakaigo nga tion, magaapa ka. Indi ka makahambal tubtob sa adlaw nga matuman ining mga butang nga ginsiling ko.”
21Sa amo man nga tion, ang mga tawo naghinulat kay Zacarias. Natingala sila nga nadugayan sia sa sulod sang Templo. 22Sang paggwa niya indi na sia makahambal sa ila. Gani nahangpan nila nga nakakita sia sing palanan-awon sa Templo. Nagsenyas na lang sia sa ila kay indi na sia makahambal.
23Sang matapos ang iya tion sa pag-alagad sa Templo, nagpauli sia. 24Sang ulihi ang iya asawa nga si Elisabet nagbusong kag wala sia magguwagowa sa ila balay sa sulod sang lima ka bulan. 25Nagsiling sia, “Karon gintamod gid man ako sang Ginoo. Ginhimo niya ini agod kuhaon ang akon kahuloy-an sa atubang sang mga tawo!”
Ginpahibalo nga si Jesus Matawo
26Sa ikan-om nga bulan sang pagbusong ni Elisabet ginpadala sang Dios si Gabriel nga anghel sa banwa sang Galilea nga ginatawag Nazaret. 27May#Mat. 1:18. mensahe sia para sa isa ka birhen nga kalaslon sa isa ka tawo nga ginhingalanan kay Jose nga kaliwat ni Haring David. Ang ngalan sang dalaga amo si Maria. 28Ang anghel nagkadto sa iya kag nagsiling, “Magkalipay ka! Ikaw ang labing nahamut-an, ang Ginoo yara sa imo!”
29Natublag gid si Maria sang ginsiling sang anghel kag nagpainuino sia kon ano ang kahulogan sang iya ginpanghambal. 30Nagsiling ang anghel sa iya, “Indi ka magkahadlok, Maria, kay nahamut-an ka sang Dios. 31Yari#Mat. 1:21. karon, magabusong ka kag magaanak sang isa ka bata nga lalaki, kag pagahingalanan mo sia kay Jesus. 32Mangindaku#2 Sam. 7:12, 13, 16; Isa. 9:7. sia kag pagatawgon nga Anak sang Labing Mataas nga Dios. Ang Ginoong Dios magahimo sa iya nga hari kaangay kay David nga isa sang iya mga katigulangan, 33kag manginhari sia sa walay katubtoban sa mga kaliwat ni Jacob kag ang iya ginharian wala sing katapusan!”
34Si Maria nagpamangkot sa anghel, “Paano ang pagkahimo sini, kay birhen pa ako?”
35Ang anghel nagsabat, “Ang Espiritu Santo magakunsad sa imo, kag ang gahom sang Dios nga Labing Mataas magalikop sa imo. Tungod sini ang balaan nga bata nga matawo pagatawgon nga Anak sang Dios. 36Dumdoma bala ang imo pariente nga si Elisabet. Bisan tigulang na sia kag baw-as, nagabusong na sing anom ka bulan sang isa ka bata nga lalaki. 37Kay#Gen. 18:14. sa Dios wala sing bisan ano nga indi mahimo.”
38Si Maria nagsiling, “Alagad ako sang Ginoo. Kabay nga matuman ini sa akon suno sa imo ginsiling.” Kag ang anghel nagbiya sa iya.
Ginbisitahan ni Maria si Elisabet
39Sa tapos sadto si Maria nanghimos kag nagdalidali sa pagkadto sa isa ka banwa sa kabakuloran sang Judea. 40Nagkadto sia sa balay ni Zacarias kag iya gintamyaw si Elisabet. 41Sang pagkabati ni Elisabet sang pagpanamyaw ni Maria, nagkibo ang lapsag sa iya tiyan. Napun-an si Elisabet sang Espiritu Santo, 42kag#Jdt. 13:18. sa mabaskog nga tingog naghambal, “Ikaw ang labing bulahan sa tanan nga mga babayi! Kag bulahan ang bata nga imo ginadala! 43Ngaa matabo ining daku nga butang sa akon, nga ang iloy sang akon Ginoo magbisita sa akon? 44Kay sang pagkabati ko gid sang imo pagpanamyaw, ang lapsag sa akon tiyan nagkibo sa kalipay. 45Daw ano ka malipayon sa imo nga nagatuo nga matuman ang ginsiling sang Ginoo sa imo!”
Ang Ambahanon sang Pagdayaw ni Maria
46Si#1 Sam. 2:1-10. Maria nagsiling:
“Ang akon tagipusoon nagadayaw sa Ginoo,
47kag nagakalipay ang akon espiritu tungod sa Dios nga akon Manluluwas.
48Kay#1 Sam. 1:11. gintamod niya ako, ang iya kubos nga alagad!
Sugod subong ang tanan nga mga tawo magatawag sa akon malipayon,
49tungod sang dalagku nga mga butang nga nahimo sa akon sang Gamhanan nga Dios.
Ang iya ngalan balaan.
50Nagakaluoy sia sa mga nagatahod sa iya,
halin sa isa ka kaliwatan pakadto sa isa ka kaliwatan.
51Gingamit niya ang iya butkon sa pagpakita sang iya kusog,
ginpaaplaag niya ang mga bugalon sa tagipusoon kag hunahuna.
52Ginpukan#Job 5:11; 12:19; Sir. 10:14. niya ang gamhanan nga mga hari gikan sa ila mga trono,
kag ginbayaw niya ang mga kubos.
53Ginbusog niya sang maayo nga mga butang ang mga ginagutom,
kag ginpalakat niya nga wala sing dala ang mga manggaranon.
54Gintuman niya ang iya saad sa aton mga katigulangan,
ginbuligan niya ang mga katawhan sang Israel nga iya mga alagad.
55Gindumdom#Gen. 17:7. niya nga magkaluoy kay Abraham
kag sa tanan niya nga mga kaliwat sa walay katubtoban!”
56Si Maria nagtener upod kay Elisabet sa sulod sang tatlo ka bulan, kag ugaling nagpauli.
Si Juan nga Manugbautiso Natawo
57Karon nag-abot ang tion nga inugbata na ni Elisabet, kag nagbata sia sing lalaki. 58Ang iya mga kaingod kag mga pariente nakabati kon daw ano kadako ang kaluoy sang Ginoo sa iya kag nagkinalipay sila upod sa iya.
59Sang#Lev. 12:3. walo na ka adlaw ang lapsag, nag-abot sila sa pagtuli sa iya. Kuntani hingalanan nila sia nga Zacarias nga amo ang ngalan sang iya amay. 60Pero ang iya iloy nagsiling, “Indi! Pagahingalanan sia kay Juan.”
61Nagsiling sila sa iya, “Pero wala ka gid sing pariente nga amo ina ang ngalan!” 62Dayon nagsenyas sila sa iya amay sa pagpamangkot kon ano ang iya luyag nga ipahingalan sa bata.
63Nagpangayo si Zacarias sing sulolatan kag nagsulat, “Hingalanan sia kay Juan.” Natingala gid sila tanan! 64Sa gilayon makahambal na liwat si Zacarias kag nagdayaw sia sa Dios. 65Ang ila tanan nga mga kaingod hinadlukan gid, kag ang balita nahanungod sining mga hitabo naglapnag sa tanan nga mga kabakuloran sang banwa sang Judea. 66Ang tanan nga nakabati sini nga mga hitabo nagpamalandong kag nagpamangkot, “Mangin-ano ayhan ini nga bata?” Kay maathag nga ang gahom sang Ginoo yara sa iya.
Ang Tagna ni Zacarias
67Si Zacarias nga amay ni Juan napun-an sang Espiritu Santo kag nagtagna nga nagasiling:
68“Dayawon ta ang Ginoo, ang Dios sang Israel!
Iya ginbisitahan kag ginluwas ang iya mga tawo.
69Ginpadala niya ang isa ka gamhanan nga Manluluwas para sa aton,
ang isa nga kaliwat ni David nga iya alagad.
70Amo ini ang iya ginsaad sang una paagi sa iya balaan nga mga propeta,
71nga iya kita luwason gikan sa aton mga kaaway,
kag gikan sa gahom sang tanan nga nagadumot sa aton.
72Nagsiling sia nga kaluoyan niya ang aton mga katigulangan,
kag dumdomon niya ang iya balaan nga kasugtanan.
73-74Nagsumpa sia kay Abraham nga isa sang aton mga katigulangan,
kag nagsaad nga luwason niya kita gikan sa aton mga kaaway,
kag tugotan kita sa pag-alagad sa iya nga walay kahadlok,
75agod nga manginbalaan kag matarong kita sa iya presensya,
sa tanan nga mga adlaw sang aton kabuhi.
76“Ikaw,#Mal. 3:1. anak ko, pagatawgon nga propeta sang Labing Mataas nga Dios.
Magauna ka sa Ginoo
sa pag-aman sang iya dalanon,
77sa pagsugid sa iya mga tawo nga luwason sila,
paagi sa pagpatawad sang ila mga sala.
78Kay ang aton Dios maluloy-on kag malulo.
Pabutlakon niya ang adlaw sang kaluwasan sa aton,
79kag#Isa. 9:2. pasilakon niya ini gikan sa langit sa tanan nga nagaestar sa madulom nga landong sang kamatayon,
sa pagtuytoy sang aton mga tikang sa dalanon sang paghidait.”
80Ang bata nagdaku kag nagbakod sa lawas kag espiritu. Nag-estar sia sa desierto tubtob sa adlaw nga nagpakita sia sa mga taga-Israel.
Pilihan Saat Ini:
Lucas 1: MBBHIL12
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Maayong Balita nga Biblia © Philippine Bible Society, 2012
