Juan 4
4
Si Jesus kag ang Babayi nga Taga-Samaria
1Nakabati ang mga Fariseo nga si Jesus may madamo na nga mga sumolunod kag nagpangbautiso sia sing madamo pa nga mga gintuton-an sang sa kay Juan. (2Ang matuod amo nga indi si Jesus ang nagapangbautiso, kundi ang iya lang mga gintuton-an.) 3Sang mahibaluan ini ni Jesus, naghalin sia sa Judea kag nagbalik sa Galilea. 4Sa iya pagpakadto didto kinahanglan maagi gid sia sa Samaria.
5Nag-abot#Gen. 33:19; Jos. 24:32. sia sa isa ka banwa sang Samaria nga ginatawag Sicar, malapit sa isa ka puna nga duta nga ginhatag ni Jacob sa iya anak nga si Jose. 6Yadto pa didto ang bubon ni Jacob, kag si Jesus nga ginkapoy tungod sa panglakaton, nagpungko sa bibi sang bubon. Mga udtong adlaw gid sadto.
7Nag-abot ang isa ka babayi nga taga-Samaria sa pagsag-ob, kag si Jesus nagsiling sa iya, “Paimna ako.” (8Kay ang iya mga gintuton-an nagkadto sa banwa sa pagbakal sang pagkaon.)
9Ang#Esd. 4:1-5; Neh. 4:1-2. babayi nga taga-Samaria nagsabat, “Ikaw Judio kag ako Samariahanon, ngaa bala nga nagapangayo ka sa akon nga paimnon ko ikaw?” (Kay ang mga Judio kag mga Samariahanon wala nagaayuhay.)#4:9 Kay ang mga Judio kag mga Samariahanon wala nagaayuhay: ukonAng mga Judio indi maggamit sang mga tasa kag yahong nga ginagamit sang mga Samariahanon.
10Si Jesus nagsabat, “Kon imo lang nahibaluan kon ano ang ginahatag sang Dios, kag kon sin-o ang nagapangayo sa imo sang tubig, magapangayo ka kuntani sa iya kag sia magahatag sa imo sang tubig nga nagahatag sang kabuhi.”
11Ang babayi nagsiling, “Sir, wala ikaw sing timba kag ang bubon madalom. Diin bala ikaw makuha sang tubig nga nagahatag sang kabuhi? 12Ang amon amay nga si Jacob naghatag sini nga bubon sa amon; sia, ang iya mga kaanakan, kag ang iya mga hayop, tanan sila nag-inom sang tubig gikan sa sini nga bubon. Sobra pa bala ikaw sa amon amay nga si Jacob?”
13Si Jesus nagsabat, “Ang bisan sin-o nga nagainom sini nga tubig pagauhawon liwat, 14pero ang bisan sin-o nga nagainom sang tubig nga akon ihatag indi na gid pag-uhawon. Kay ang tubig nga akon igahatag sa iya mangintuboran sa sulod niya nga magahatag sa iya sang tubig nga buhi kag sang kabuhi nga wala sing katapusan.”
15Ang babayi nagsiling, “Sir, hatagi ako sini nga tubig, agod indi na gid ako pag-uhawon liwat, kag agod indi na ako magbalikbalik diri sa pagsag-ob.”
16Si Jesus nagsiling sa iya, “Lakat ka, tawga ang imo bana, kag magbalik diri nga upod mo sia.”
17Ang babayi nagsabat, “Wala ako sing bana.”
Si Jesus nagsiling, “Husto ang imo ginsiling nga wala ikaw sing bana. 18Kay may lima na ikaw ka bana, kag ang tawo nga imo ginapuyo karon indi man matuod mo nga bana. Matuod ang ginsiling mo.”
19Ang babayi nagsabat sa iya, “Sir, sa banta ko isa ikaw ka propeta. 20Ang mga katigulangan namon nga mga Samariahanon nagsimba sa Dios sa sini nga bukid, pero kamo nga mga Judio nagasiling nga ang Jerusalem amo ang lugar sa diin dapat kita magsimba sa Dios.”
21Si Jesus nagsiling sa iya, “Inday, patiha ako, magaabot ang tion nga indi sa sini nga bukid ukon sa Jerusalem magasimba sa Amay ang mga katawhan. 22Kamo nga mga Samariahanon wala gid makakilala kon sin-o ang inyo ginasimba. Kami nga mga Judio nakakilala kon sin-o ang amon ginasimba, tungod kay ang kaluwasan nagagikan sa mga Judio. 23Pero ang tion magaabot, kag nag-abot na, nga ang matuod nga mga manugsimba ginatuytuyan sang Espiritu sa pagsimba sa Amay suno sa kamatuoran. Amo ini ang mga manugsimba nga luyag sang Amay nga magsimba sa iya. 24Ang Dios Espiritu, kag ang mga nagasimba sa Dios dapat tuytoyan sang Espiritu sa pagsimba sa iya suno sa kamatuoran.”
25Ang babayi nagsiling sa iya, “Nakahibalo ako nga ang Mesias, nga ginatawag Cristo, magaabot. Kon mag-abot sia, magasugid sia sa amon sang tanan nga mga butang.”
26Si Jesus nagsabat, “Ako ina sia, ako nga nagahambal sa imo.”
27Sa amo man nga tion nagbalik ang mga gintuton-an ni Jesus, kag daku gid ang ila katingala sang makita nila nga nagapakighambal sia sa isa ka babayi. Pero wala gid sing bisan isa sa ila nga nagsiling sa babayi, “Ano bala ang kinahanglan mo?” ukon nagpamangkot kay Jesus, “Ngaa bala nagapakighambal ka sa iya?”
28Dayon ginbilin sang babayi ang iya tibod nga salag-uban, nagbalik sia sa banwa, kag nagsiling sa mga tawo, 29“Dali kamo kag tan-awa ninyo ang tawo nga nagsugid sa akon sang tanan nga akon nahimo. Amo na ayhan ini ang Cristo?” 30Naggwa sila sa banwa kag nagkadto kay Jesus.
31Sa amo nga tion ang mga gintuton-an nagsagi pangabay sa kay Jesus, “Manunodlo, magkaon ka man!”
32Pero nagsabat sia, “May ara ako pagkaon nga wala ninyo mahibaluan.”
33Gani ang mga gintuton-an nagpinamangkutanay, “May nagdala ayhan sa iya sing pagkaon?”
34Si Jesus nagsiling sa ila, “Ang akon kalan-on amo ang pagtuman sang kabubot-on sang nagpadala sa akon kag ang pagtapos sang bulohaton nga iya ginhatag sa akon. 35May hulobaton kamo nga nagasiling, ‘Apat pa ka bulan kag dayon tig-alani na.’ Nagasiling ako sa inyo, tan-awa ninyo sing maayo ang mga kaumhan, ang uyas gulang na kag handa na anihon! 36Ang mangangani ginasuholan kag nagatipon sang patubas para sa kabuhi nga wala sing katapusan, sa bagay nga ang tawo nga nagatanom magakalipay upod sa tawo nga nagaani. 37Kay matuod ang ginasiling sang hulobaton, ‘Lain ang nagasab-og, kag lain man ang nagaani.’ 38Ako nagpadala sa inyo sa pag-ani sa kaumhan nga wala ninyo mapangabudlayi. Iban ang nagpangabudlay didto, kag kamo ang nagapulos sang ila pinangabudlayan.”
39Madamo sang mga Samariahanon sa sadtong banwa ang nagtuo kay Jesus, tungod sa panugiron sang babayi, “Ginsugid niya sa akon ang tanan ko nga ginhimo.” 40Gani sang pagkadto sang mga Samariahanon kay Jesus, ginpangabay gid nila sia nga magpabilin anay upod sa ila, kag si Jesus nagpabilin didto sing duha ka adlaw.
41Madamo pa gid ang mga nagtuo tungod sang iya mensahe, 42kag nagsiling sila sa babayi, “Karon nagatuo kami indi tungod sang imo ginsiling, kundi kay kami gid nakabati sa iya, kag nakahibalo nga sia gid amo ang Manluluwas sang kalibutan.”
Gin-ayo ni Jesus ang Anak sang Isa ka Opisyal
43Sa tapos sang duha ka adlaw nga nakapabilin didto si Jesus, naghalin sia kag nagkadto sa Galilea. 44Kay#Mat. 13:57; Mar. 6:4; Luc. 4:24. si Jesus mismo nagsiling, “Ang propeta wala ginatahod sa iya kaugalingon nga banwa.” 45Sang#Juan 2:23. pag-abot ni Jesus sa Galilea, gin-abiabi sia sang mga tawo didto, tungod kay nakakadto sila sa Jerusalem sa Piesta sang Pascua, kag nakita nila ang tanan nga ginhimo niya sang piesta.
46Gani#Juan 2:1-11. nagbalik si Jesus sa Cana sang Galilea sa diin ginhimo niya nga bino ang tubig. May isa ka opisyal sang gubyerno didto nga ang iya anak nga lalaki nagamasakit sa Capernaum. 47Sang pagkabati niya nga si Jesus nag-abot sa Galilea halin sa Judea, nagkadto sia kay Jesus, kag iya ginpangabay nga magkadto sa Capernaum kag ayuhon ang iya anak nga tagumatayon. 48Si Jesus nagsiling sa iya, “Kon indi ninyo makita ang mga tanda kag makatilingala nga mga buhat, indi kamo magtuo.”
49Ang opisyal nagsabat, “Sir, upod ka sa akon sa wala pa mapatay ang akon anak.”
50Si Jesus nagsiling sa iya, “Lakat ka, ang imo anak magaayo!”
Ang opisyal nagtuo sa mga pulong nga ginhambal ni Jesus sa iya kag nagpauli sia. 51Sang nagadulhog sia pakadto sa iya balay, ginsugata sia sang iya mga suloguon kag ginsugiran, “Ang imo anak maayo na!”
52Ginpamangkot niya sila kon san-o nag-ayo ang iya anak, kag nagsabat sila, “Mga ala-una kahapon sing hapon wala na sia sing hilanat.” 53Dayon nadumdoman sang amay nga amo gid yadto nga oras sang magsiling si Jesus sa iya, “Ang imo anak magaayo.” Gani sia kag ang iya bug-os nga panimalay nagtuo.
54Amo ini ang ikaduha nga gamhanan nga buhat nga ginhimo ni Jesus halin sang pag-abot niya sa Galilea gikan sa Judea.
Pilihan Saat Ini:
Juan 4: MBBHIL12
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Maayong Balita nga Biblia © Philippine Bible Society, 2012
